Landbruks- og matdepartementet

Landbruks- og matdepartementet
Offisielt namn	Landbruks- og matdepartementet, Landbruksdepartementet
Type	Departement
Virkefelt	Noreg
Skipa	14. desember 1899[1]
Org.nummer	972417874
Statsråd	Geir Pollestad (Sp)
Hovudkontor	Regjeringskvartalet, Teatergata 9, Oslo
Undergrupper	Regjeringa i Noreg
Tilsette	155 (2014)[2]
Jurisdiksjon	Noreg
Nettside	lmd.regjeringen.no

Landbruks- og matdepartementet i Noreg har ansvar for norsk mat- og landbrukspolitikk. Matpolitikken skal sikra forbrukararane trygg mat av rett kvalitet gjennom ein sunn matproduksjon. Det skal leggjast til rette for eit ernæringsmessig fullgodt kosthald. Landbruks- og matdepartementet har i samarbeid med Fiskeridepartementet og Sosial- og helsedepartementet ansvar for utforming av matpolitikken og forvalting av matvaresystemet frå primærproduksjon fram til forbrukarane.

Historie

Landbruksdepartementet vart oppretta ved kongeleg resolusjon av 17. februar 1900 med verknad frå 1. april 1900 under namnet Det Kongelige Landbrugsdepartement. Før den tid sorterte landbrukssaker under Indredepartementet. Skogdirektoratet (1875), Landbruksdirektoratet (1877) og Veterinærdirektoratet (1894) gjekk inn i Landbruksdepartementet ved opprettinga i 1900.

Den 1. oktober 2004 skifta det tidlegare Landbruksdepartementet namn til Landbruks- og matdepartementet.

Underliggjande etatar

• Statsforvaltarane sine landbruksavdelingar
• Mattilsynet
• Reindriftsforvaltinga
• Statens landbruksforvalting
• Statskog

Sjå òg

• Norske landbruksministrar

Kjelder

1. Historikk om LMD
2. Talet på tilsette i følge Norsk samfunnsvitenskapelig datatjenestes forvaltningsdatabase

Litteratur

• Lidtveit, Aslak: Det kongelige landbruksdepartement 1900–1975, Oslo 1975.
• Stubsjøen, Magne (red.): Vekst og vern: Det kongelige landbruksdepartement 1900–2000, Oslo 2000.

Bakgrunnsstoff

• Offisiell nettstad