Nesttun

	Nesttun
	stad
	Den tidlegare gågata på Nesttun. Gata er gjort om til kombinert gågate og trasé for bybanen.
Land	Noreg
Fylke	Hordaland
Kommune	Bergen
Areal	0,65 km²
Folketal	2 375 (2023)
Postnummer	5223 NESTTUN
Preposisjon	På Nesttun
Ferdselsårer	582 Nesttunvegen
	; Nesttun; 60°19′00″N 5°21′00″E / 60.31666667°N 5.35°E
	Wikimedia Commons: Nesttun

Nesttun er ein tettstad i Fana bydel i Bergen kommune. Nesttun var administrasjonssentrum i tidlegare Fana kommune, som gjekk inn i Bergen kommune 1. januar 1972.

Nesttun tyder det nedste tunet. Høgare oppe ligg Midtun (tunet i midten), og øvst Øvsttun (som er det øvste tunet).

På Nesttun ligg mellom anna Nesttunsenteret, Nesttuntorget, Fana Sparebank, kommunehuset til tidlegare Fana kommune, dei verneverdige husa i Hardangervegen 1 og 3 og Birkeland kyrkje.

Den tidlegare jarnbanestasjonen på Nesttun, Nesttun stasjon, var ein av stasjonane på jarnbanen Vossabanen (som i 1909 vart ei strekning på Bergensbanen) fram til Ulrikstunnelen vart opna i 1964, og strekninga Arna-Nesttun-Bergen stasjon vart lagt ned. I si tid var Nesttun stasjon dessutan den eine av endestasjonane på den smalspora Nesttun-Osbanen. 22. juni 2010 vart Nesttun terminal ein førebels endehaldeplass for linje 1 på Bybanen sørover frå Bergen sentrum, og 21. juli 2013 opna Nesttun sentrum haldeplass utanfor Nesttunsenteret i traséen gjennom Østre Nesttunvegen. Der Østre Nesttunvegen tar slutt, går Bybanen inn i Nesttunhaugtunnelen vidare mot Skjold.

Bussterminalar og bybanestasjoner

Nesttun terminal med gågata og Fana Sparebank i bakgrunnen, 2. november 2009
Verneverdige Hardangervegen 1 og 3 med Birkeland kyrkje i bakgrunnen, 2. november 2009
Fana kulturhus, 2. november 2009