| «Only Love Can Break Your Heart» Singel av Neil Young frå albumet After the Gold Rush | ||
| B-side |
«Birds» | |
|---|---|---|
| Språk | engelsk | |
| Utgjeve | 19. september 1970 19. oktober 1970 (singel) | |
| Innspelt | august 1969 til juni 1970 | |
| Sjanger | Folkrock | |
| Lengd | 3:05 | |
| Selskap | Reprise 45 0746 | |
| Komponist | Neil Young | |
| Tekstforfattar | Neil Young | |
| Låtskrivar(ar) | Neil Young | |
| Neil Young-kronologi | ||
| «Cinnamon Girl» (1970) |
«Only Love Can Break Your Heart» | «When You Dance I Can Really Love» (1971)
|
«Only Love Can Break Your Heart» er ein song skriven av Neil Young for albumet After the Gold Rush i 1970. Songen vart visstnok skriven for Graham Nash etter at han gjekk frå Joni Mitchell,[1] sjølv om Young i intervju har vore noko tilbakehalden om dette.[2] Han vart gjeven ut som singel i oktober 1970, og vart den første Topp 40-hitten til Young som soloartist, då han nådde 33. plass i USA.[3] Singelen vart gjeven ut med ein Crazy Horse-versjon av «Birds» (istaden for solopianoversjonen på albumet) som B-side. Denne forvekslinga var visstnok ikkje tilsikta.[4]
|
I have a friend I've never seen
Neil Young (1970)
|
Allmusic skriv: «'Only Love Can Break Your Heart' er den slags song som har ein uforligneleg stil og likevel har ein universell tiltrekning og stemning -- kanskje slik at han nesten verker forslitt; teksten er ein oppdatert versjon av Tin Pan Alley-songar som 'You Always Hurt the One You Love' og den lengtande melodien kjennest som han alltid har vore der, sjølv om ein må leite lenge for å finne han andre stader»[5]
Andre artistar som har spelt songen er mellom andre Peter Laughner, Juliana Hatfield, Kathleen Edwards, Elkie Brooks, Mint Juleps, Everlast, Psychic TV, The Corrs, Damien Leith, John Baldry, Gwyneth Herbert, The New Standards, The S.I.G.I.T., Butch Walker og I Blame Coco.
I 1990 spelte det engelske bandet Saint Etienne inn ei utgåve av songen for debutalbumet deira Foxbase Alpha. Andrew Weatherall miksa seinare songen og la vekt på basslinja. Denne remiksen vart gjeven ut som singel og gav bandet den første hitten deira.[6] Vokal var av Moira Lambert.[7] Singelen nådde 39. plass i Storbritannia og 97. plass i USA. Han nådde Topp 10 på Dance-lista i USA.