Paul Pabst

Paul Pabst
Statsborgarskap	Det russiske imperiet
Fødd	27. mai 1854 Königsberg
Død	9. juni 1897 (43 år) Moskva
Yrke	pianist, komponist, musikkpedagog, universitetslærar
Far	August Pabst

Christian Georg Paul Pabst^[a] (27. mai 1854–9. juni 1897) var ein russisk pianist, komponist og musikkpedagog av tysk avstamming.

Han var son av August Pabst, rektor på konservatoriet i Riga og bror av Louis Pabst som grunnla musikkakademiet i Melbourne. Papst lærte å spele klaver under oppsikt av faren, seinare gjekk han på musikkakademiet i Wien hos Anton Door.

Pabst starta å undervise i Riga i 1875 og kom til Russland i 1878. I 1881 blei han professor ved konservatoriet i Moskva.

Pabst skreiv fleire klaverstykke, ein klavertrio, ein klaverkonsert dedisert Anton Rubinstein og fantasiar over operaer av venen sin Pjotr Tsjajkovskij. Det er òg mogeleg at Pabst redigerte klaverpartiet til Tsjajkovskijs første klaverkonsert. Tsjajkovskij dediserte konsertpolonesen frå op. 72 (1893) til Pabst. Det gjorde òg Sergej Rakhmaninov med dei sju klaververka op. 10 (1894).

Som konsertpianist spelte Pabst særleg verk av Robert Schumann og Franz Liszt.

Til Pabst sine elevar finn ein mellom andre Konstantin Igumnov, Aleksandr Goldenweiser, Aleksandr Goedicke, Jelena Beckmann-Sjtsjerbina, Nikolaj Medtner, Georgij Konjus og Arsenij Koresjtsjenko.

Merknadar

1. Russisk skrift Па́вел А́вгустович Пабст, Pavel Augustovitsj Pabst

Kjelder

• Denne artikkelen er basert på «Paul Pabst» frå Wikipedia på tysk, den 21. november 2011.

Bakgrunnsstoff

• Biografi, bobrovnikova.com