Sailing Singel av The Sutherland Bros. Band | ||
B-side |
«Who's Crying Now» | |
---|---|---|
Språk | engelsk | |
Utgjeve | Juni 1972 | |
Selskap | Island | |
Komponist | Gavin Sutherland | |
Tekstforfattar | Gavin Sutherland | |
Låtskrivar(ar) | Gavin Sutherland | |
Produsent | Muff Winwood | |
The Sutherland Bros. Band-kronologi | ||
«The Pie» (1972) |
Sailing | «Lady Like You» (1972)
|
«Sailing» er ein song skriven av Gavin Sutherland frå Sutherland Brothers i 1972, men mest kjend som ein internasjonal hit for Rod Stewart i 1975.
Gavin Sutherland sa: «Folk flest trur songen handlar om ein ung mann som fortel jenta si at han kryssar Atlanteren for å vere med ho. Faktisk har songen ingenting med kjærleik eller skip å gjere. Det er ei soge om mennesket si andelege reise gjennom livet på veg mot fridom og oppfylling med Gud.» [1]
Songen vart skriven på stranda ved Blythe Bridge,[2] og vart spelt inn av Sutherland Brothers – ein duo som bestod av Gavin og Iain Sutherland – i juni 1972. Gavin spelte basstromme og Iain pumpeorgel og dei song begge vokal.[1] Songen kom ut på singel og nådde 54. plassen i Storbritannia i juli 1972.[1] Songen kom så ut på den amerikanske utgåva av albumet Lifeboat i november 1972, men ikkje på den britiske.[1][3]
Sailing Singel av Rod Stewart frå albumet Atlantic Crossing | ||
B-side |
«Stone Cold Sober» | |
---|---|---|
Språk | engelsk | |
Utgjeve | 1975 | |
Sjanger | Softrock[4] | |
Lengd | 4:30 (LP) 3:31 (singel) | |
Selskap | Warner Bros. | |
Komponist | Gavin Sutherland | |
Tekstforfattar | Gavin Sutherland | |
Låtskrivar(ar) | Gavin Sutherland | |
Produsent | Tom Dowd | |
Rod Stewart-kronologi | ||
«Farewell» (Storbritannia) (1974) «Let Me Be Your Car» (USA) (1975) |
Sailing | «This Old Heart of Mine (Is Weak for You)» (1975) |
-kronologi | ||
«In My Life» (1986) |
Sailing | «Twistin' the Night Away» (1987)
|
«Sailing» vart spelt inn av Rod Stewart for det første albumet han spelte inn i Nord-Amerika, Atlantic Crossing. Albumet vart spelt inn i april - juni 1975 i Muscle Shoals Sound Studio med produsenten Tom Dowd. Songen var den første singelen frå albumet og vart ein stor hit. I Storbritannia låg han fire veker på toppen av singgellista i september 1975. Singelen gjekk òg inn på lista att i 1976 og i 1987 og er den største suksessen Stewart hadde i heimlandet. «Sailing» selde derimot ikkje like mykje i USA. «Sailing» gjekk òg til topps i Irland, Nederland og Noreg, nådde andreplassen i Australia, Flandern i Belgia, Sør-Afrika og Sveits, tredjeplassen i New Zealand, fjerdeplassen i Tyskland, sjuandeplassen i Austerrike og 13. plassen i Sverige. I Noreg låg songen heile 18 veker samanhengande på førsteplassen og 29 veker totalt på Topp 10.[5]
Den første musikkvideoen til «Sailing» vart filma i Port of Dublin med Stewart og kjærasten Britt Ekland. Videoen vart send på Top of the Pops 28. august 1975. Ein annan musikkvideo vart filma i New York Harbor i 1978 og vart ein av dei førte musikkvideoane som vart sende på MTV den 1. august 1981.[6]
Då den britiske styrken segla ut frå Portsmouth Harbour den 5. april 1982 på den tredje dagen av Falklandskrigen, så vart Rod Stewart sin «Sailing» send over høgtalaranlegget på kaien.[7][8]
I 1987 gav Rod Stewart ut «Sailing» som ein veldedig singel etter Herald of Free Enterprise-ulukka utafor den flamske hamnebyen Zeebrugge,[9] og vart ein liten hit i Flandern (24. plassen), Storbritannia (41. plassen) og Irland (30. plassen).
«Sailing» vert som regel alltid spelt som siste song på konsertane til Stewart.
|
«Sailing» er òg blitt spelt av Joan Baez (album Blowin' Away/ 1977), Brotherhood of Man (album 20 Number One Hits/ 1980), the Nolan Sisters (album 20 Giant Hits/ 1978), Smokie, (album Uncovered Too/ 2002), Dame Vera Lynn,[28] Robin Trower (album Long Misty Days/ 1976).[29] og Roger Whittaker (album Roger Whittaker Sings the Hits/ 1978).[28] Instrumentale versjonar av «Sailing» er blitt spelt inn av London Symphony Orchestra (album Classic Rock/ 1977) og Richard Clayderman (album A Little Night Music – 12 Classic Love Songs/ 1988).[28]
Føregangar «Paloma Blanca» George Baker Selection |
Toppen av VG-lista Rod Stewart 18 veker, veke 47, 1975–veke 11, 1976 |
Etterfylgjar «The Last Farewell» Roger Whittaker |