Skihopparen Øyvind Berg

Skihopparen Øyvind Berg
Statsborgarskap	Noreg
Fødd	10. mars 1971 (53 år) Aurskog-Høland kommune
Idrett	skihopping
Tok del i	Vinter-OL 1992, Vinter-OL 1994

Øyvind Berg (fødd 10. mars 1971 i Løken) er ein norsk tidlegare skihoppar. Under Ski-VM 1993 i Falun var Berg med på det norske gullaget i lagtevlinga. Dei andre på laget var Bjørn Myrbakken, Helge Brendryen og Espen Bredesen. Berg var medlem av Høland Idrettslag.

Karriere

Berg fekk sin debut i verdscupen i skihopping i Örnsköldsvik i mars 1990. Kort etter vart han nummer 12 og nest beste nordmann i Holmenkollrennet. Året etter gjorde han si beste tevling då han mot tampen av 1991-sesongen kom pallen under eit verdscuprenn i Trondheim. Han var langt bak vinnaren Heinz Kuttin, men berre 0,6 poeng bak toaren Mikael Martinsson frå Sverige.

I noregsmeisterskapar vann Berg årleg ein medalje i kvar av sesongane frå 1992 til -95, fyrst ein bronse og sidan tre sølv.

Besteplasseringar i internasjonale renn

• 1990: Nr 12 i Holmenkollen
• 1991: Nr 3 i Trondheim
• 1991/92: Nr 6 i Thunder Bay
• 1993: Nr 7 på Lillehammer
• 1994: Nr 9 i Sapporo
• 1996: Nr 10 i Zakopane

Medaljar og besteplasseringar i noregsmeisterskap

• Ski-NM 1988: Nr 9 i storbakken på Rena
• Ski-NM 1990: Nr 7 i både normalbakken og storbakken, høvesvis Fluberg og Meldal
• Ski-NM 1991: Nr 4 i normalbakken på Rognan
• Ski-NM 1992: Bronsemedalje i storbakken i Trondheim
• Ski-NM 1993: Sølvmedalje i normalbakken på Lillehammer
• Ski-NM 1994: Sølvmedalje i storbakken på Rena
• Ski-NM 1995: Sølvmedalje i normalbakken i Rælingen
• Ski-NM 1996: Nr 8 i storbakken i Meldal
• Ski-NM 1997: Nr 12 i normalbakken i Mo i Rana

Kjelder

• Sportsboken, aktuelle årgangar

Bakgrunnsstoff

• (en) Skihopparen Øyvind Berg – Profil og resultatoversikt hos FIS
• Øyvind Berg i olympedia.org