| Something in the Way She Moves av James Taylor frå albumet James Taylor | ||
| Utgjeve | 1968 | |
| Innspelt | 1968 at Trident Studios, London | |
| Sjanger | Folk rock | |
| Lengd | 2:54 | |
| Selskap | Apple Records | |
| Låtskrivar(ar) | James Taylor | |
|---|---|---|
| Produsent | Peter Asher | |
| James Taylor-kronologi | ||
| Something in the Way She Moves | Carolina in My Mind (1969)
| |
| Something in the Way She Moves av Tom Rush frå albumet The Circle Game | ||
| B-side |
Rockport Sunday | |
|---|---|---|
| Utgjeve | 1968 | |
| Sjanger | Folk Rock | |
| Lengd | 3:25 | |
| Selskap | Elektra Records | |
| Låtskrivar(ar) | James Taylor | |
| Produsent | Arthur Gorson | |
«Something in the Way She Moves» er ein song skriven av James Taylor og kom ut på debutalbumet hans frå 1968 for Apple Records, James Taylor. Songen har òg vorte spelt inn av andre artistar, mellom anna Tom Rush og Harry Belafonte. Opningslinja inspirerte George Harrison til å skrive Beatles-songen «Something», som vart ein nr. 1-hit. James Taylor fortalte på scenen på The Star i Frisco 31. juli 2017 at dette var songen han spelte for Paul McCartney og George Harrison som ei prøvespeling før han signerte med Apple Records.
«Something in the Way She Moves» er ein romantisk song.[1] Rolling Stone-kritikar Jon Landau meiner at songen handlar om «transcendens av eit slag.»[2] Taylor spelar songen berre saman med ein akustisk gitar.[2]
Allmusic-kritikaren Lindsay Planer meiner at «Something in the Way She Moves» er eit av dei «merkverdige bidraga» på James Taylor-albumet.[3] Medkritikar David R. Adler skildra han som «ein av Taylor sine finaste melodiar».[4] Rolling Stone Album Guide-kritikaren Mark Coleman er samd i at songen er eit «høgdepunkt» på James Taylor og skildra han som «løyndomsfull», og han føresa vegen Taylor ville ta i framtida.[5] Taylor-biografen Timothy White meiner at songen er «utan tvil Taylor si finaste framføring» på James Taylor.[6] White skildra han som «sparsam i framføringa» og «gripande på sine eigne elegante vilkår.»[6] Rolling Stone-kritikaren Jon Landau meiner at den sparsame framføringa og Taylor si «tilbakehaldne levering» aukar styrken til songen, sidan Taylor «let melodien, teksten, gitaren og stemma tala for seg sjølv.»[2] Martin Charles Strong skildra han som «ein minneverdig original» og ein som «markerte Taylor som ein slags mannleg Joni Mitchell, om enn ikkje like eventyrleg.»[7]
Taylor inkluderte «Something in the Way She Moves» på samleplata Greatest Hits frå 1976, men, som med «Carolina in My Mind», òg frå James Taylor, måtte han spela inn songen på nytt på grunn av opphavsrettsproblem.[8] Songen vart òg inkludert på samlealbumet The Best of James Taylor frå 2003.[9] Ein liveversjon var inkludert på James Taylor og Carole King sitt konsertalbum Live at the Troubadour.[10] Ein soloversjon frå konsertar er førstesporet på James Taylor-albumet One Man Band.[11]
George Harrison likte «Something in the Way She Moves» så mykje at han brukte byrjinga som fyrste linje i songen sin «Something» frå Beatles-albumet Abbey Road, òg vart i tillegg gjeven ut som ein singel og nådde førsteplassen.[12][13] Tidleg i utviklinga av «Something» hadde Harrison utvida byrjinga på denne songen til «Something in the way she moves / Attracts me like a pomegranate,» og brukte ordet «pomegranate» (granateple) berre som eit erstatningsord til han fann eit betre ord.[13][14][15]
Taylor har sagt at «Eg trur ikkje eit sekund på at det var intensjonen til George. Eg trur ikkje han stal noko som helst med vilje, og all musikk er lånt frå anna musikk. Så eg let det gli fullstendig forbi.»[12] Taylor sa òg at slutten av «Something in the Way She Moves» var tatt frå Beatles-songen «I Feel Fine» og at «ein haustar som ein sår.»[12]
Tom Rush spelte inn «Something in the Way She Moves» i 1968 på albumet sitt The Circle Game.[1] Taylor hadde spelt songen for Rush då han vitja kontora til Elektra Records for ei prøvespeling i 1967.[6] Rush sin versjon vart gjeven ut som singel og blei populær på radiostasjonar i New England.[12][6] Crawdaddy! omtalte songen som den beste på The Circle Game og sa at han «flyt vakkert» med Bruce Langhorne sin country-stil som driv han framover, og han anerkjente òg at «Rush sin markante songstil passar perfekt» fordi «han aldri kan bli begeistra for noko.»[12]
Country-artisten Bobbie Gentry spelte inn ein versjon med tittelen «Something In the Way He Moves» i 1970 på albumet hennar Fancy.
Iain Matthews og bandet hans Matthews' Southern Comfort spelte inn ein versjon av «Something in the Way She Moves» for albumet hans frå 1970, Second Spring.
Harry Belafonte spelte inn songen som opningssporet på albumet hans frå 1971, The Warm Touch.[16] Han gav òg ut songen som singel. Billboard omtalte «Something in the Way She Moves» som eit av høgdepunkta på The Warm Touch.[17] Billboard omtalte òg melodien som «vakker» og konstaterte at Belafonte gav songen «si eiga unike handsaming.»[18]
Mitchel Forman spelte inn ein akustisk pianoversjon av «Something in the Way She Moves» for albumet Sketches of James: Selection from the James Taylor Songbook i lag med andre artistar, i 2001.[4]