Daddy DJ es un grop de musica electronica francés constituït de David Le Roy al cant, Charles Merkiled e Jean-Christophe Belval.
Daddy DJ es estat revelat fin 2000 ambe un gròs tube eurodance en anglés, Daddy DJ. S'agissiá a la debuta d'un simple ensaj de composicion d'un tèma tècno de Jean-Chritophe Belval, professor de produccion musicala ; un còp la trama instrumentala acabada, demandèt a l'un de sos escolans, David Le Roy, d'i pausar sa votz ensus, votz que Jean-Christophe Belval adobèt per autotune per ne corrigir los defauts ; puèi, la maqueta obtenguda es estada alavetz presentada a un productor en vista de s'en servir de modèl per ne far un enregistrament professional en estudiò, ambe un bon cant femenin ensus... Fin finala, lo productor a trobat qu'aquesta maqueta Daddy DJ èra fòrça bona e decidèt de la far publicar aital, sens res cambiar, en single. Lo tròç aguèt un tal succès (quitament n°2 de la vendas de singles en França al mes de genièr de 2001) que Jean-Christophe Belval continuèt de far d'autras produccions d'aquesta mena jol nom de Daddy DJ, nom qu'èra a la debuta simplament lo títol de sa maqueta.
En 2008, lo discjoquèi e cantaire suedés Basshunter publica son títol All I Ever Wanted qu'es una interpolacion del títol Daddy DJ.