Monastèri de Debre Libanos
Lo monastèri de Debre Libanos es un monastèri etiopian ortodox situat a aperaquí 120 km au nòrd-oèst de la capitala Addis Abeda. Es lo pus important dau país e lo superior dau monastèri foguèt lòngtemps lo cap de totei lei monges etiopians.
Foguèt fondat en 1284 per Takla Haymanot dins un endrech dich Gerarya. Fins au 26 de decembre de 1445, foguèt dich Dabra Asbo. Lei bastiments subiguèron mai d'una reconstruccion. En particular, lo monastèri foguèt pilhat e destruch en 1532 per lei tropas d'Ahmad ibn Ibrahim. Puei, ambé lo transferiment de la capitala d'Etiopia dins la vila de Gondar dins lo corrent dau sègle XVII, Debre Libanos èra alunchat dau poder e foguèt en partida delaissat. Enfin, en 1937, leis Italians chaplèron lei monges per venjar un atemptat còntra lo vice-rèi Rodolfo Graziani.