Simolestes

Simolestes ei un genre de reptil marin escantit dera familha des plesiosaures. Demorèc demest eth jurassic miei e eth jurassic superior ( hè demest 165 e 155 milions d'ans) e es sues despulhes sigueren trapades en Anglatèrra, França e Índia.

Descripcion

Ère coma d'autes pliosaurids, un grop de plesiosaures damb cap gran e còth cuert: eth cap ère robut e long e auia ua estructura particolar; es sues maisheres qu'èren plan longues. En aguestes auia 10 dents plan granes e robustes coma se fossen canins. D'autes pliosaures coma Rhomaleosaurus auien ua estructura semblant mès pas tant desvolopada.

Classament

Coma d'autes pliosaurids ère trapat soent pendent eth jurassic superior. Demest aguesti tanben se trapa Pliosaurus e Liopleurodon. Simolestes vorax d'Anglatèrra, Simolestes keileni de França e Simolestes indicus dera Índia. Un genre semblant ei Maresaurus, que siguec trapat en Argentina. Quauques arqueològs pensen qu'aguesti dus darrèrs apertenhen ath madeish genre. D'autes pensen que Maresaurus ère un pliosaure mès primitiu dera familha des romaleosaurids. de mès, Eurysaurus, que demorèc en Euròpa poderie auer estat semblant a aguesti dus darrères formes.

Vida

Coma arremerca eth sòn nom ère un predator poderòs e rapide que demorava en es oceans deth jurassic. Es sues dents mos díden que nhacava carn violentaments des sues victimes qu'èren reptils marins o grani peishi. Ei possible que tanben minjes ammonites, calmars e cefalopodes. Totun, qu'es dents anteriors dera sua maishera èren ua arma tarrible.

Bibliografia

. Tarlo, L B. 1960. A review of the Upper Jurassic pliosaurs. Bull. Br. Mus. (Nat.Hist.) Geol. 4(5):147-89.

. Martill, D M. 1991. Marine reptiles. In D M Martill and J D Hudson, eds, Fossils of the Oxford Clay, pp 226-43. Palaeontological Association.

. Noè L F. 2001. A taxonomic and functional study of the Callovian (middle Jurassic) Pliosauroidea (Reptilia, Sauropterygia). Ph.D. Diss., University of Derby.