CRKSV Jong Holland

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.
CRKSV Jong Holland
Nòmber ofisial  Curaçaose Rooms Katholieke Sport Vereniging Jong Holland
Alias Trikolónan
Fundashon 15 di yüli 1919
frater Richardus
frater Alardus
Lugá  Kòrsou
Stadion Stadion Ergilio Hato
Kapasidat 15.000
Kampo 1
Presidente Etienne Rosario
Entrenadó Marc van Eijk
Liga Liga Kòrsou
Primera
Segundo
[Editá Wikidata] · [Manual]

CRKSV Jong Holland (ofisialmente Curaçaose Rooms Katholieke Sport Vereniging Jong Holland) ta un klup di futbòl na Willemstad, Kòrsou ku ta militá den Liga Kòrsou. E klup ta konosí tambe komo e Trikolónan. Na Kòrsou, e ta e di dos klup mas bieu i e ekipo mas éksitoso despues di SUBT. E ta e úniko klup eksistente ku for di e promé kampeonato ofisial di Kòrsou na 1923 a forma parti di e divishon superior.[1]

Historia

[editá | editá fuente]

Jong Holland a wòrdu fundá dia 15 di yüli 1919 pa frater Richardus i frater Alardus, ku tabata Fraters di Tilburg di St. Vincentiusschool na Otrobanda.[2] E tabata un di promé klupnan pa afiliá na CVB despues ku esaki a ser fundá dia 23 di mei 1921. E promé ekipo na 1919 tabata konsisti di e siguiente hungadonan: V. Fraai, J. Hoek, A. Rodriguez, E. Brands, F. Koestveld, M. Belmonte, H. Hernandez, C. Hernandez, A. Weifort, M. Firma i A. Jourdain.[3] Den e promé añanan regularmente nan tabata hunga kontra di “Sparta” i “Sarto”, e dos klupnan di futbòl mas fuerte di e tempu ei. Na 1923 e klup a partisipá pa promé bes na un torneo organisá pa CVB, terminando na di tres lugá den e divishon superior i na promé lugá den e di dos divishon. Desde 1926 el a sali viktorioso den e liga mas altu na diesseis okashon.

Jong Holland tabata e promé ekipo pa bai ku e Kopa antiano, ku a ser disputa pa promé bes na 1960. Apesar di su éksito na kas e klup nunka no a yega e fase final di e CONCACAF Champions' League, kedando kada bes eliminá durante e fasenan promé. Den kurso di añanan Jong Holland a produsí varios hungadó talentoso ku a defende e honor di Kòrsou i Antia Hulandes riba velt di bala.

E trikolónan tin un velt di bala na Brievengat i ta hunga den Stadion Ergilio Hato. Su kolónan ta blou-korá.

Lista di Honor

[editá | editá fuente]

Liga Kòrsou: 16

  • kampeon na 1926, 1928, 1932, 1936, 1938, 1940, 1944, 1949, 1950, 1953, 1960, 1978, 1981, 1999, 2018, 2021[4]
  • supkampeon na 1933, 1936-37, 1938-39, 1940-42, 1944-46, 1947, 1952, 1965, 1976, 1977, 1984, 1992

Kopa antiano: 5

  • kampeon na 1960, 1966, 1977, 1978, 1982
  • finalista na 1965, 1979, 1984, 1999

Kopa ABC:

  • finalista na 2018

(Eks-)hungadó konosí

[editá | editá fuente]
  • Criston Brunkard
  • Quinton Christina
  • Ergilio Hato
  • Federico Jansen
  • Maximiliano Juliana
  • Frans Kelkboom
  • Pedro Matrona
  • Juan Lampe (portero)