Село в штатѣ Ню Йорк
Джорданвилл
Jordanville
|
Джо́рданвилл, англ. Jordanville — село без властной штатистичной евиденции, однесене ку городу Воррен, округа Геркемер, штата Ню Йорк.
Джорданвилл лежить в сѣверовосточной части територии, належной городу Воррен, на скрижованю дорог 18 и 155.
Осадници на том мѣстѣ оселили ся перед роком 1791. Назва села повела ся од того, же осадници выуживали мѣстный поток на крещѣня и называли го «рѣка Йордан».[1]
О 1,6 км на сѣвер од села лежить монастырь, котрый е духовным центром Русской православной церкви в заграничу. При монастырю фунгують Свято-Троицка духовна семинария, выдавательство, иконописна майстерня, библиотека и теметов. В рокы екзистенции Совѣтского Союза джорданвиллске выдавательство было найвекшым публикатором духовной и церковной литературы в русском языку.
Тоты даны суть часточно або цалком основаны на перекладї статї Jordanville, New York на анґліцькій Вікіпедії.