Историчне шлезске мѣсто
Фридек
Frýdek
|
Фридек, чеш. Frýdek, лат. Fridecca, нѣм. Friedek, Friedeck[1] — шлезске историчне мѣсто, днесь часть мѣста Фридек-Мѣстек.
Фридек основав на зачатку 14. ст. тѣшинскый князь Казимир І., але тѣшинскы князьовиче через свои финанчны проблемы мѣсто часто давали в заставу, аж наконець в року 1572 цѣле фридецке панство продали. Цѣлы стороча панство властнили розличны панове, покля в року 1797 го назад не выкупило Тѣшинске князьовство, котре тогды належало Габсбургам. В року 1918 по роспадѣ Австро-Мадярщины было фридецке панство зоштатнене.
В добѣ протекторату Чех и Моравы, 1. януара 1943 споив ся з моравскым мѣстом Мѣстек и даколькыма околичныма селами в мѣсто Фридек-Мѣстек.[2]
В сучасности историчне ядро Фридка выголошено памятковов зонов. Ку найдавнѣйшым памяткам односить ся костел Св. Яна Крестителя, найстаршы части котрого походять з добы зачатку 14. ст., коли на мѣстѣ будучого Фридка стояла торгова осада Ямницѣ, чеш. Jamnice, первый раз спомянута под роком 1305.[3]
Тоты даны суть часточно або цалком основаны на перекладї статї Frýdek на чеській Вікіпедії.