Hildá Länsman
| Ánn-Ovllá Káre Jari Hildá Hildá Länsman | |
|---|---|
| |
| Persovntiäđuh | |
| Šoddâm | 1993 |
| Musikkár | |
| Lávlumkielah | orjâlâškielâ |
| Peerâ | |
| Vaanhimeh | Ulla Pirttijärvi-Länsman já Jari Länsman |
Hildá Birget Länsman teikkâ Ánn-Ovllá Káre Jari Hildá (š. 1993) lii sämmilâš jyeigee, lávloo já musikkár. Länsman rávásmij Ucjuuvâst. Suu enni lii sämmilâš musikkár Ulla Pirttijärvi-Länsman. Hildá Länsman lii mieldi Solju, VILDÁ já Gájanas -muusikjuávhuin. Sun ráhtá muusik meiddei oovtâst Tuomas Norvioin.[1]
Karrieer
[mute | mute käldee]Solju
[mute | mute käldee]Ive 2015 Solju, ađai Hildá Länsman já Ulla Pirttijärvi-Länsman muusikjuávkku uásálistij UMK-kiišton, mast meriduvvoo, kii oovdâst Suomâ siämmáá ive Euroviisuh-lávlumkištoost. Solju pittá Hold Your Colours ulâttij UMK:st niäljád sajan.[2] Ive 2019 Solju palhâšui ive aalmugmuusiktahhen.[3] Solju vuosmuš skiärru Ođđa áigodat almostui cuáŋuimáánust 2018. Skiärru vuoitij ive 2019 algâaalmugij muusikpalhâšume Indigenous Music Awards -tábáhtusâst Kanadast.[4]
Gájanas
[mute | mute käldee]Gájanas-muusikjuávhu pittá Diamántadulvvit lâi ive 2021 Kanada maailmmuusik TOP 30 listoost vuossâmužžân.[5]
Eres projekteh
[mute | mute käldee]Länsman västidij ive 2022 almostum videospeelâ Skábma – Snowfall muusikist[6] já lâi tast meid jienâčaittâleijen.[7]
Ive 2025 Länsman uážui Sämirääđist oovtâ ive kukkosii pargoišeruuđâ, mon stuárudâh lâi 200 000 NOK (suullân 17 000 eurod). Sun keevtij išeruuđâ jieijâs sooloartistkarrieer oovdedmân sehe uđđâ šuoŋâi já taaiđâtuojij rähtimân.[8][9]
Diskografia
[mute | mute käldee]Albumeh
[mute | mute käldee]- 2011 – Ima hutkosat, oovtâst Niillas Holmbergáin
- 2018 – Ođđa áigodat, juávhoin Solju
- 2019 – Vildaluodda, juávhoin VILDÁ
- 2020 – Ođđa áigodat (Remixed), juávhoin Solju
- 2021 – Čihkkojuvvon, juávhoin Gájanas
- 2022 – Uvjamuohta, juávhoin Solju
- 2025 – Dajan, oovtâst Tuomas Norvioin[10]
Nurâldâhskiäruh
[mute | mute käldee]- 2015 – Russuoh vuölieb, pitáiguin Ohcejohka, Gádja Niilla, Helanders jojk oovtâst Sunna Länsmanáin, Čáppa eallu oovtâst Hánsa Máhtte Korpin já ohtuu Ánn-Ovllá
- 2021 – Sámi Grand Prix 2021, pittáin Jođi oovtâst Lávrein
Singleh
[mute | mute käldee]- 2018 – Muittut
- 2018 – Heargevuoddji, juávhoin Solju
- 2019 – Utsjoki-disko, juávhoin VILDÁ
- 2020 – Remember your name, Pt. 1, juávhoin VILDÁ
- 2020 – Remember your name, Pt. 2, juávhoin VILDÁ
- 2020 – Diamántadulvvit, juávhoin Gájanas
- 2022 – Steehlaž kååvas oovtâst Ailu Vallein, Amocáin já Heidi Gauriloffáin
- 2024 – Čuojahat mu, oovtâst Tuomas Norvioin
Mieldi meiddei
[mute | mute käldee]- 2002 – Ulla Pirttijärvi: De juoiggas
- 2002 – Ulla Pirttijärvi: Gádja Nillá
- 2012 – Ailu Valle: Gudnejahtatgo?
- 2018 – Anna Murtola: La llama
- 2018 – Aurora Hentunen: Tunturi
- 2018 – Don Johnson Big Band: The Sun
- 2018 – Mikko Heikinpoika: Polar Night
- 2018 – Tero Hetero: Tahdon
- 2020 – Elin & The Woods: Dearvvuođat Sámis
- 2020 – Elin & The Woods: I'm Nature
- 2020 – Ensamble Transatlántico de Folk Chileno: Eymün weke che, juávhoin VILDÁ
Filmografia
[mute | mute käldee]- 2020 – Tunn is (TV-ráiđu), ekstra
- 2022 – Inarin disko (miniráiđu), Inga
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Hildá Länsman.
- Hildá Länsman nettisijđoh (eŋgâlâskielân)
- Gájanas nettisijđoh (eŋgâlâskielân)
- Solju nettisijđoh (eŋgâlâskielân)
- VILDÁ nettisijđoh (eŋgâlâskielân)
- Hildá Länsman Yle artikkâlijn
Käldeeh
[mute | mute käldee]- ↑ Bands hildalansman.com. Čujottum 20.2.2021. (tavesämikielân)
- ↑ Torikka, Xia: UMK-njelješ Solju bargágoahtá dál iežas skearruin Yle Säämi. 2.3.2015. Čujottum 22.11.2024. (tavesämikielân)
- ↑ Saijets, Maiju: Solju válljejuvvui jagi álbmotmusihkkadahkkin – "Dát lea stuorra gudni, go sámemusihkka lea ožžon saji ja oidnogoahtán" Yle Säämi. 10.1.2019. Čujottum 22.11.2024. (tavesämikielân)
- ↑ Suoninen, Inger-Elle: Oanehaččat: Soljui bálkkašupmi Kanádas, KEiiNO viđadin, Ohcejohkii válljejit ođđa njunnošiid, Ohcejohkalaččat viššalis jienasteaddjit Yle Säämi. 20.5.2019. Čujottum 22.11.2024. (tavesämikielân)
- ↑ Torikka, Xia: Sámi dáidda beaggá viidát: Gájanas Kanáda máilmmimusihkkalisttu njunnošis, Niillas Holmberg girji fas rámiduvvo riikkamedias Yle Säämi. 11.2.2021. Čujottum 22.11.2024. (tavesämikielân)
- ↑ Kotimainen Skábma Snowfall kietoo saamelaistarustoa PC-pelin ympärille KonsoliFIN.net. Čujottum 3.12.2024. (suomâkielân)
- ↑ Skábma - Snowfall IMDb. Čujottum 4.12.2024.
- ↑ Schreck, Jasmina: Taažâ Sämirääđi lii juáhám ive 2025 kulttuurtorjuid Anarâš aavis. 21.1.2025. Čujottum 21.1.2025.
- ↑ Sámiráđđi jugii jagi 2025 kulturdoarjagiid Sämirääđi. Čujottum 21.1.2025. (tavesämikielân)
- ↑ Dajan Spotify. Čujottum 24.1.2025. (eŋgâlâskielân)