Tirto Adhi Soerjo
Page Modul:Infobox/styles.css has no content.
| Radén Mas Jokomono Tirto Adhi Soerjo | |
|---|---|
 Tirto Adhi Soerjo | |
| Gumelar | 1880 Blora, Jawa Wétan, Hindia Walanda |
| Tilar dunya | 17 Agustus 1918 Batavia, Hindia Walanda |
| Étnis | Jawa |
| Pagawéan | Jurnalis, Pulitikus |
R. M. Djokomono Tirto Adhi Soerjo (éjahan anyar: Jokomono Tirto Adhi Suryo) ngaranna dipikawanoh minangka Tirto Adhi Soerjo (gumelar di Blora, Jawa Wétan taun 1880 – tilar dunya di Batavia, Hindia Walanda 17 Agustus 1918 dina umur 38 taun)[1][2] nyaéta saurang inohong pérs jeung inohong kabinangkitan nasional Indonésia.[1] Anjeunna dipikawanoh minangka panaratas persuratkabaran jeung kawartawanan nasional Indonésia.[1] Ngaranna sok disingget jadi T.A.S.[1]
Jurnalis
[édit | édit sumber]Tirto medalkeun surat kabar Soenda Berita (1903-1905), Médan Prijaji (1907) jeung Putri Hindia (1908).[1] Médan Prijaji dipikawanoh minangka surat kabar nasional munggaran ku sabab ngagunakeun basa Malayu.[1] Sakabéh pagawé ti mimiti pangasuhna, pacitakan, pamedal jeung wartawanna nyaéta urang pribumi Indonésia asli.[1] Tirto nyaéta jalma mimiti nu ngagunakeun surat kabar minangka alat propaganda.[1] Anjeunna ogé wani nulis kecaman-kecaman ka pamaréntah Hindia Walanda.[1] Anjeunna ditéwak tur dipiceun ka Pulo Bacan, deukeut Halmahéra.[1] Sanggeus bérés mangsa pamiceunanna, Tirto balik deui ka Batavia, jeung tilar dunya dina tanggal 17 Agustus 1918.[1]
Pajuangan
[édit | édit sumber]Lalakon pajuangan jeung kahirupan Tirto diangkat ku Pramoedya Ananta Toer dina Tétralogi Buru jeung Sang Pemula.[1] Takashi Shiraishi liwat buku Zaman Bergerak nyebutkeun Tirto Adhi Soerjo minangka urang bumiputra munggaran anu ngagerakeun bangsa ku basana liwat Médan Prijaji.[1] Tirto Adhi Soerjo ogé meunang tempat dina laporan-laporan pajabat-pajabat Hindia Walanda, utamana mah laporan Dr. Rinkes.[1] Hal ieu alatan Tirto miboga peran dina pangwangunan Sarékat Dagang Islam di Surakarta bareng jeung Haji Samanhudi.[1] Anggaran Dasar Sarékat Islam anu munggaran meunang panyatujuan Tirto Adi Soerjo ngajabar minangka pupuhu Sarékat Islam di Bogor jeung minangka rédaktur surat kabar Médan Prijaji di Bandung.[1]
Pahlawan Nasional
[édit | édit sumber]Dina taun 1973 pamaréntah geus netepkeun Tirto Adhi Soerjo minangka Bapa Pérs Nasional.[1] Dina tanggal 3 Nopémber 2006, Tirto meunang gelar minangka Pahlawan Nasional liwat Keppres RI nomor 85/TK/2006.[3]
Rujukan
[édit | édit sumber]- ↑ a b c d e f g h i j k l m n o p q Jasa Terpadu Telematika. 2015 Tirto Adhi Soerjo[tumbu nonaktif]. Diaksés 17 April 2015.
- ↑ Mudzakir, Arif. 2006. RPUL (Rangkuman Pengetahuan Umum Lengkap. Aneka Ilmu: Semarang.
- ↑ Kementrian Sosial Republik Indonesia. 2015. Daftar Nama Pahlawan Nasional Republik Indonesia Archived 2016-08-11 di Wayback Machine. Diaksés 18 April 2015.
Bibliografi
[édit | édit sumber]- Adam, Ahmat (1995). The Vernacular Press and the Emergence of Modern Indonesian Consciousness (1855–1913). Studies on Southeast Asia 17. Ithaca: Cornell University Press. ISBN 978-0-87727-716-3.
- Wijaya, Pandasurya (2013-02-11). "Annelies-Minke, fantasi Pramoedya tentang Tirto Adhi Soerjo" (dalam bahasa id). Merdeka. https://www.merdeka.com/peristiwa/annelies-minke-fantasi-pramoedya-tentang-tirto-adhi-soerjo.html
- "Editorial: The press and society". The Jakarta Post. 2011-02-09. http://www.thejakartapost.com/news/2011/02/09/editorial-the-press-and-society.html
- "Freedom fighters receive national hero title". The Jakarta Post. 2006-11-10. http://www.thejakartapost.com/news/2006/11/10/freedom-fighters-receive-national-hero-title.html Archived 4 Maret 2016 di Wayback Machine
- Latif, Yudi (2005). Inteligensia Muslim dan Kuasa: Genealogi Inteligensia Muslim Indonesia Abad ke-20 [Muslim Intellectuals and Power: Genealogy of Indonesian Muslim Intellectuals of the 20th Century] (dalam Indonesian). Bandung: Mizan. ISBN 9789794334003.
- "Pahlawanku Tirto Adhi Soerjo: Penerbit Koran Pertama di Indonesia" (dalam bahasa id). Suara Rakyat. 2012-06-05. http://koransuararakyat.com/article/96507/pahlawanku---tirto-adhi-soerjo--penerbit-koran-pertama-di-indonesia.html
- Ricklefs, M. C. (1993). A History of Modern Indonesia since c.1300 (2nd ed.). MacMillan. ISBN 978-0-333-57689-2.
- "TENTANG KAMI: Jernih, Mengalir, Mencerahkan bersama Tirto.id" (dalam bahasa id). Tirto.id. 2016-05-12. https://tirto.id/insider/tentang-kami
- Umar, Syafik (2006-02-07). "Koran Nasional Pertama Lahir di Bandung" (dalam bahasa id). Pikiran Rakyat. http://www.pikiran-rakyat.com/cetak/2006/022006/07/0901.htm Archived 20 Januari 2008 di Wayback Machine
- Taufik Rahzen dkk (2008). Kronik kebangkitan Indonesia: 1908-1912. I:boekoe. p. 421. ISBN 978-979-1436-09-0.