Martin Helwig

Ślabikŏrzowe abecadło
Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim.
Martin Helwig
Data narodzyniŏ 5 listopada 1516
Plac narodzyniŏ Nysa
Data śmierci 26 stycznia 1574
Plac śmierci Wrocław
Fach kartograf, pedagog
Ważne prace Tabula geographia sive mappa Silesiae
Galeryjŏ zdjyńć a grafik we Wikimedia Commons

Martin Helwig (łac. Martino Heilwig; nar. 5 listopada 1516 w Nysie, um. 26 stycznia 1574 we Wrocławiu) to bōł ślōnski kartograf i pedagog, kery stworzōł drugõ kartã Ślōnska (a piyrszōm bez felerōw) w historyji.

Biografijŏ

[edytuj | edytuj zdrzōdło]
Karta ôd Helwiga

Narodziōł sie we familiji nyskigo miyszczana Petra Helwiga. Sztudiyrowoł we Krakowie i Wittenbergu, nojprzōd u Valentina Friedlanda, potym u Martina Lutra i Filipa Melanchtōna, kerych uczyniŏ kōntynuowoł. Dostoł tytuł magistra na Uniwerzytecie we Wittenbergu. We 1549 roku przibōł do Wrocławia[1]. Robiōł za pedagoda w pŏru placach, antlich ôd 1552 roku aże do śmierci we szkole św. Maryje Magdaleny we Wrocławiu. Uczōł matymatyki, geografiji i gŏdek klasycznych, a za życiŏ bōł uwŏżany za dobrego filologa i poetã. Ôd 1560 do 1574 bōł rechtorym tyj szkoły[1].

Je pamiyntany dziynki stworzyniu swojij karty Ślōnska. Robota nad niōm trwałŏ 3 lata, a skōńczōł jōm we 1561 roku[2].

 Ekstra artikel: Karta ôd Helwiga.

Przipisy

  1. ↑ 1,0 1,1 Jiří Martínek, Miloslav Martínek, Kdo byl kdo: naši cestovatelé a geografové, Libri, 1998, s. 194-196, ISBN 978-80-85983-50-0 [dostymp 2021-07-06] (czeski).
  2. ↑ Explokart: Mappæ Antiquæ, web.archive.org, 2 marca 2012 [dostymp 2021-07-06] [zarchiwizowane z adresy 2012-03-02].

Linki zewnyntrzne

[edytuj | edytuj zdrzōdło]