ஆன்ட்ரே ரசல்

ஆன்ட்ரே ரசல்

Russell in 2018
தனிப்பட்ட தகவல்கள்
முழுப்பெயர்	ஆன்ட்ரே டுவைன் ரசல்
பிறப்பு	29 ஏப்ரல் 1988 (1988-04-29) (அகவை 36) கிங்ஸ்டன், ஜமேக்கா
உயரம்	6 அடி 1 அங் (1.85 m)
மட்டையாட்ட நடை	வலது கை
பந்துவீச்சு நடை	வலது கை விரைவு
பங்கு	பன்முக வீரர்
பன்னாட்டுத் தரவுகள்
நாட்டு அணி	மேற்கிந்தியத் தீவுகள் (2011 – தற்போதுவரை)
ஒரே தேர்வு	15 நவம்பர் 2010 எ. இலங்கை
ஒநாப அறிமுகம் (தொப்பி 156)	11 மார்ச் 2011 எ. அயர்லாந்து
கடைசி ஒநாப	17 சூன் 2019 எ. வங்காளதேசம்
இ20ப அறிமுகம் (தொப்பி 46)	21 ஏப்ரல் 2011 எ. பாக்கித்தான்
கடைசி இ20ப	6 மார்ச் 2020 எ. இலங்கை
உள்ளூர் அணித் தரவுகள்
ஆண்டுகள்	அணி
2007–தற்போதுவரை	யமேக்கா தேசிய அணி
2012	குல்னா டைகர்சு
2012–2013	டெல்லி டேர்டெவில்ஸ்
2013	வொர்செஸ்டர்ஷைர்
2013–தற்போதுவரை	ஜமைக்கா தல்லாவாஸ்
2014–தற்போதுவரை	கொல்கத்தா நைட் ரைடர்ஸ்
2014–2015	நைட்சு
2014/15	மெல்போர்ன் ரெனிகேட்ஸ்
2015	கோமிலா விக்டோரியன்ஸ்
2015/16–2016/17	சிட்னி தண்டர்
2016, 2018	இசுலாமாபாத் யுனைடெட்
2016	நாட்டிங்ஹாம்ஷைர்
2016, 2019	டாக்கா டைனமைட்டுகள்
2020-தற்போதுவரை	கொழும்பு கிங்சு
வாழ்நாள் புள்ளிவிவரங்கள்
போட்டி வகை தேர்வு ஒபது இ20ப முதது ஆட்டங்கள் 1 56 49 17 ஓட்டங்கள் 2 1034 540 609 மட்டையாட்ட சராசரி 2.00 27.21 20.00 26.47 100கள்/50கள் 0/0 0/4 0/0 2/0 அதியுயர் ஓட்டம் 2 92* 47 128 வீசிய பந்துகள் 138 2,290 643 2,083 வீழ்த்தல்கள் 1 70 26 54 பந்துவீச்சு சராசரி 104.00 31.84 37.46 20.44 ஒரு முறையில் 5 வீழ்த்தல்கள் 0 0 0 3 ஒரு போட்டியில் 10 வீழ்த்தல்கள் 0 0 0 0 சிறந்த பந்துவீச்சு 1/73 4/35 2/10 5/36 பிடிகள்/இலக்கு வீழ்த்தல்கள் 1/– 11/– 12/– 6/–
மூலம்: ESPNcricinfo, 6 மாாச் 2020

ஆன்ட்ரே டுவைன் ரசல் (Andre Dwayne Russell ^[1], பிறப்பு: ஏப்ரல் 29 1988)^[1] யமேக்கா நாட்டுத் துடுப்பாட்ட வீரர். இவர் மேற்கிந்தியத் தீவுகள் துடுப்பாட்ட அணியின் சகலதுறை ஆட்டக்காரர்களில் ஒருவர். இவர் வலதுகை துடுப்பாளரும், வலதுகை விரைவுப் பந்துவீச்சாளரும் ஆவார்.^[1] களத்தடுப்பிலும் இவரின் பணி குறிப்பிடத்தக்கது. இவரின் அதிரடித் துடுப்பாட்டங்களினால் இவர் பரவலாக அறியப்படுகிறார். கரீபியன் பிரீமியர் லீக்கில் ட்ரிபாங்கோ நைட் ரைடர்ஸ் அணிக்கு எதிரான போட்டியில் 42 பந்துகளில் நூறு ஓட்டங்கள் அடித்தார். இதில் 11 ஆறுகள் மற்றும் 3 நான்குகள் அடங்கும்.

சர்வதேச போட்டிகள்

நவம்பர் 2010 ஆம் ஆண்டில் இலங்கைத் துடுப்பாட்ட அணிக்கு எதிரான தேர்வுத் துடுப்பாட்டப்போட்டியில் அ/ரிமுகமானார்.^[2][3]

2011 துடுப்பாட்ட உலகக்கோப்பை போட்டித் தொடரில் அயர்லாந்து துடுப்பாட்ட அணிக்கு எதிரான ஒருநாள் பன்னாட்டுத் துடுப்பாட்டப் போட்டியில் அறிமுகமானர். இந்தப் போட்டியில் ஜான் மூனி வீசிய பந்தில் ஆட்டமிழந்தார். இதில் 3 ஓட்டங்கள் மட்டுமே எடுத்தார். ஆனால் பந்துவீச்சில் சிறப்பாக செயல்பட்டார். 10 ஓவர்கள் வீசிய இவர் 37 ஓட்டங்களை விட்டுக் கொடுத்து 1 இலக்குகளை வீழ்த்தினார். இதில் 2 ஓவர்களை மெய்டனாக வீசினார். இந்தப் போட்டியில் 44 ஓட்டங்கள் வித்தியாசத்தில் வெற்றி பெற்றது. பின் சென்னையில் நடைபெற்ற இந்தியத் துடுப்பாட்ட அணிக்கு எதிரான இந்தத் தொடரில் 46 ஓட்டங்கள் விட்டுக் கொடுத்து 2 இலக்குகளை வீழ்த்தினார்.

பாக்கித்தான் துடுப்பாட்ட அணிக்கு எதிரான போட்டியில் சிறப்பாகச் செயல்படத் தவறினார். எனவே இந்தியத் துடுப்பாட்ட அணிக்கு எதிரான ஒருநாள் பன்னாட்டுத் துடுப்பாட்டப் போட்டித் தொடரின் முதல் இரண்டு போட்டிகளில் இவருக்கு வாய்ப்பு வழங்கப்படவில்லை. எனவே மூன்றாவது போட்டியில் விளையாடும் வாய்ப்பினைப் பெற்றார். நார்த் சவுண்ட் , சர் விவியன் ரிச்சட்ஸ் அரங்கத்தில் நடைபெற்ற இந்தப் போட்டியில் 96 ஓட்டங்களில் மேற்கிந்தியத் தீவுகள் அணி 7 இலக்குகளை இழந்திருந்தது. அந்தசமயத்தில் களமிறங்கிய இவர் கார்ல்டன் பாஹ் உடன் இணைந்து 78 ஓட்டங்கள் எடுத்தார். பின் கீமர்ரோச்சுடன் இணைந்து 51 ஓட்டங்கள் எடுத்தார். இந்தப் போட்டியில் 64 பந்துகளை எதிர்கொண்டு இறுதிவரை ஆட்டமிழக்காமல் 92 ஓட்டங்களை எடுத்தார். இதன்மூலம் அந்த அணி 225 ஓட்டங்களைப் பெற உதவினார். பின் பந்துவீச்சில் ஹர்பஜன் சிங் இலக்கினை வீழ்த்தினார். மேலும் சுப்பிரமணியம் பத்ரிநாத்தை ரன் அவுட் ஆக்கினார். பின் பார்தீவ் பட்டேல் அடித்த பந்தை கேட்ச் பிடித்தார். இவர் சிறப்பாகச் செயல்பட்ட போதிலும் இந்தப் போட்டியில் இந்திய அணி வெற்றி பெற்றது. பின் இந்திய அணிக்கு எதிரான நான்காவது ஒருநாள் போட்டியில் 14 பந்துகளில் 25 ஓட்டங்கள் எடுத்தார். பந்துவீச்சில் சிறப்பாக செயல்பட்ட இவர் சுப்பிரமணியம் பத்ரிநாத், ரவிச்சந்திரன் அசுவின், மற்றும் பிரவீன் குமார் ஆகியோரின் இலக்கினை வீழ்த்தினார். 7 ஓவர்கள் வீசி 16 ஓட்டங்கள் கொடுத்து 3 இலக்குகளை வீழ்த்தினார்.

இந்தியன் பிரீமியர் லீக்

2012 இந்தியன் பிரீமியர் லீக் போட்டித் தொடருக்காக இவரை டெல்லி டேர்டெவில்ஸ் அணி 450,000 அமெரிக்க டாலர் மதிப்பில் ஏலத்தில் எடுத்தது.^[4]

ஆட்ட நாயகன் விருதுகள்

வ என்	எதிரணி	இடம்	நாள்	செயல்பாடு	முடிவு
1	இந்தியா	சர் விவியன் ரிச்சட்ஸ் அரங்கம்	11 சூன் 2011	92* (64 பந்துகள், 8x4, 5x6) ; 9–0–59–1 ; 1 ct.	இந்தியா 3 இலக்குகள் வித்தியாசத்தில் வெற்றி.[5]
2	இந்தியா	சபினா பார்க், கிங்க்ஸ்டன்	16 சூன் 2011	8.3–0–35–4 ; DNB	மேற்கிந்தியத் தீவுகள் 7 இலக்குகள் வித்தியாசத்தில் வெற்றி.[6]
3	நியூசிலாந்து	சபினா பார்க், கிங்க்ஸ்டன்	5 சூலை 2012	10–0–45–4 ; DNB	மேற்கிந்தியத் தீவுகள் 9 இலக்குகள்வித்தியாசத்தில் வெற்றி (D/L).[7]
4	தென்னாப்பிரிக்கா	ஓவல்	25 சனவரி 2015	10–1–60–1 ; 64* (40 பந்துகள், 5x4, 5x6)	மேற்கிந்தியத் தீவுகள் இலக்குகள் வித்தியாசத்தில் வெற்றி.[8]
5	பாக்கித்தான்	கிறிஸ்ட் சர்ச்	21 பெப்ரவரி 2015	42* (13 பந்துகள், 3x4, 4x6) ; 8–2–33–3 ; 1 ct.	மேற்கிந்தியத் தீவுகள் 150 ஓட்டங்கள் வித்தியாசத்தில் வெற்றி.[9]

சான்றுகள்

1. "Andre Russell", Cricinfo, பார்க்கப்பட்ட நாள் 2018-05-10
2. "Windies elect to bat in first Sri Lanka Test". Times of India. 15 November 2010. http://timesofindia.indiatimes.com/sports/cricket/top-stories/Windies-elect-to-bat-in-first-Sri-Lanka-Test/articleshow/6928235.cms. பார்த்த நாள்: 15 November 2010. 
3. Myers, Sanjay (5 November 2010). "Great timing! – Russell cites destiny in journey into WI team". Jamaica Observer இம் மூலத்தில் இருந்து 8 November 2010 அன்று. பரணிடப்பட்டது.. http://www.jamaicaobserver.com/sports/Great-timing-Russell-cites-destiny_8121424. பார்த்த நாள்: 15 November 2010. 
4. "IPL auction 2012". பார்க்கப்பட்ட நாள் 4 February 2012.
5. "India in West Indies ODI Series, 2011 – 3rd ODI".
6. "India in West Indies ODI Series, 2011 – 5th ODI".
7. "New Zealand in West Indies ODI Series, 2012 – 1st ODI".
8. "West Indies in South Africa ODI Series, 2015 – 4th ODI".
9. "ICC Cricket World Cup, 2015 – 10th match, Pool B".