Miss World 1991

Miss World 1991
Petsa	28 Disyembre 1991
Presenters	Peter Marshall Gina Tolleson
Entertainment	Indecent Obsession
Pinagdausan	Georgia World Congress Center, Atlanta, Georgia, Estados Unidos
Brodkaster	E!
Lumahok	78
Placements	10
Bagong sali	Lupanglunti
Hindi sumali	Barbados Ehipto Hong Kong Kanada Kapuluang Cook Luksemburgo Madagaskar Papua Bagong Guinea Peru Sri Lanka Unyong Sobyetiko
Bumalik	Antigua at Barbuda Ekwador Libano Malaysia Suwasilandiya Taywan Timog Aprika
Nanalo	Ninibeth Leal Beneswela
← 1990 1992 →

Ang Miss World 1991 ay ang ika-41 edisyon ng Miss World pageant, na ginanap sa Georgia World Congress Center sa Atlanta, Georgia, Estados Unidos noong 28 Disyembre 1991.^[1] Ito ang unang edisyong ginanap sa Kaamerikahan.

Pagkatapos ng kompetisyon, kinoronahan ni Gina Tolleson ng Estados Unidos si Ninibeth Leal ng Beneswela bilang Miss World 1991.^[2] Ito ang ikaapat na beses na nanalo ang Beneswela bilang Miss World. Nagtapos bilang first runner-up si Leanne Buckle ng Australya, habang nagtapos bilang second runner-up si Diana Tilden-Davis ng Timog Aprika.

Mga kandidata mula sa pitumpu't-walong bansa at teritoryo ang lumahok sa kompetisyong ito. Pinangunahan nina Peter Marshall at Gina Tolleson ang kompetisyon. Nagtanghal ang Indecent Obsession sa edisyong ito.

Kasaysayan

Georgia World Congress Center, ang lokasyon ng Miss World 1991

Lokasyon at petsa

Napagdesisyunan ni Owen Oyston, kasosyo ni Eric Morley at pangulo ng Trans World Communications, na ibenta ang Miss World pageant, dalawang taon bago matapos ang kanilang kontrata. Ibinenta ang Miss World matapos na hindi magkasundo sina Oyston at Morley sa stratehiyang gagamitin nila para sa Miss World. Kalaunan ay naibili ng mga Morley ang Miss World.

Noong Mayo 1991, nilagdaan ni Eric Morley ang kasunduan kasama ang Worldwide Television sa Atlanta upang idaos ang edisyong ito sa Republikang Dominikano. Gayunpaman, noong Hulyo 1991, ipinaalam ng Worldwide Television kay Morley na kinailangang ilipat sa Porto Riko ang kompetisyon dahil sa kadahilanang hindi nila kontrolado. Tinaggap ito ni Morley at nilagdaan niya ang isang bagong kasunduang idaraos sa Porto Riko ang kompetisyon, at ang mga paunang aktibidad sa Timog Aprika. Inanunsyo na rin na magaganap ang kompetisyon sa 28 Disyembre 1991.

Gayunpaman, noong 22 Nobyembre, inanunsyo ng mga Morley na ang kompetisyon ay muling ililipat sa Georgia World Congress Center sa Atlanta, Georgia. Naganap pa rin ang kompetisyon noong 28 Disyembre.

Pagpili ng mga kalahok

Ang mga kalahok mula sa pitumpu't-walong bansa at teritoryo ay napili upang lumahok sa kompetisyon. Dalawang kandidata ang nailuklok matapos ang pag-urong ng orihinal na kalahok.

Mga pagpalit

Iniluklok ang second runner-up ng Miss Hungary 1991 na si Orsolya Anna Michina upang kumatawan sa Unggarya matapos mapatalski si Antónia Bálint bilang Miss Hungary dahil lumitaw ito sa isang men's magazine.^[3] Hindi siya pinalitan ng kanyang first runner-up na si Timea Raba dahil sa kaparehong dahilan. Iniluklok si Rebecca Lin Lan-chih bilang kinatawan ng Republika ng Tsina matapos umurong ang orihinal na kalahok na si Lu Shu-Fang dahil sa hindi isiniwalat na dahilan.

Mga unang pagsali, pagbalik, at pag-urong

Lumahok sa unang pagkakataon ang teritoryong Lupanglunti sa edisyong ito. Bumalik sa edisyong ito ang mga bansang Timog Aprika na huling sumali noong 1977, Antigua at Barbuda na huling sumali noong 1986, Lebanon at Suwasilandiya na huling sumali noong 1988, at Ekwador, Malaysia, at Republika ng Tsina na huling sumali noong 1989.

Hindi sumali sa edisyong ito ang mga bansang Barbados, Ehipto, Hong Kong, Kanada, Kapuluang Cook, Luksemburgo, Madagaskar, Papua Bagong Guinea, Peru, Sri Lanka, at Unyong Sobyetiko. Dapat sanang sasali si Tara Paat ng Kanada, ngunit nagkasakit ito labindalawang araw bago ang kompetisyon. Hindi sumali sina Lamia Mohamed El-Noshi ng Ehipto, Elizabeth Lai ng Hong Kong, Annette Feydt ng Luksemburgo, Marcia Muir ng Papua Bagong Guinea dahil sa hindi isiniwalat na dahilan. Hind sumali si Raema Chitty ng Kapuluang Cook at Claudia Figueroa ng Peru dahil sa problema sa pananalapi. Dapat sanang lalahok si Ilmira Shamsutdinova ng Unyong Sobyetiko sa edisyong ito, ngunit dahil sa hindi siya umabot sa age requirement, hindi siya nagpatuloy sa kompetisyon.

Mga resulta

Mga bansa at teritoryong sumali sa Miss World 1991 at ang kanilang mga pagkakalagay.

Mga pagkakalagay

Pagkakalagay	Kandidata
Miss World 1991	Beneswela – Ninibeth Leal
1st runner-up	Australya – Leanne Buckle
2nd runner-up	Timog Aprika – Diana Tilden-Davis
Top 5	Hamayka – Sandra Foster Namibya – Michelle McLean
Top 10	Bagong Silandiya – Lisa de Montalk Estados Unidos – Charlotte Ray Indiya – Ritu Singh Pransiya – Mareva Georges Turkiya – Dilek Aslıhan Koruyan

Mga Continental Queens of Beauty

Kontinente	Kandidata
Aprika	Timog Aprika – Diana Tilden-Davis
Asya at Oseaniya	Australya – Leanne Buckle
Europa	Turkiya – Dilek Aslıhan Koruyan
Kaamerikahan	Beneswela – Ninibeth Leal
Karibe	Hamayka – Sandra Foster

Kompetisyon

Pormat ng kompetisyon

Tulad noong 1988, sampung semi-finalist ang napili sa pamamagitan ng paunang kompetisyon at mga personal interview na naganap sa Timog Aprika. Lumahok sa swimsuit competition, evening gown competition at casual interview ang sampung mga semi-finalist. Pagkatapos nito ay pinili ang limang pinalista, at kalaunan ay hinirang ang dalawang runner-up at ang bagong Miss World mula sa pinagsamang resulta ng mga hurado sa Timog Aprika at Atlanta.

Komite sa pagpili

Paunang kompetisyon (mga hurado sa Timog Aprika)

• Bruce Fordyce – Atleta mula sa Timog Aprika
• Krish Mackerdhuj – Pangulo ng South African Cricket Association
• Marina Maponya – Manggagawang panlipunan sa Timog Aprika; pinsan ni Nelson Mandela
• Andrea Stelzer – Miss South Africa 1985 at Miss Germany 1989
• Peter Soldatos – Taga-disenyo
• Wilma Van De Bijl – Miss South Africa 1987
• Dawn Weller-Raistrick – Artistic Director ng Johannesburg PACT Ballet

Final telecast (mga hurado sa Atlanta)

• Jarvis Astaire – Pangulo ng Variety Club International
• Jane Ambrose – Australyanang negosyante
• Paul Block – Pangulo ng Revlon Professional Products
• Edgar Botero – Pangulo ng International Conic Construction Company sa Kolombya
• Marie DeGeorge – Taga-disenyo mula sa Atlanta
• Mike Favre – Tagapag-ensayo ng Atlanta Falcons
• Phil Hayes – Executive director ng
• Brenda McLain – Mamahayag sa telebisyon
• Eric Morley – Tagapagtatag ng Miss World

Tala: Ang mga hurado sa Timog Aprika ang nagsilbing ika-samoung hurado para sa final telecast

Mga kandidata

Pitumpu't-walong kandidata ang lumahok para sa titulo.

Bansa/Teritoryo	Kandidata	Edad[a]	Bayan
Alemanya	Susanne Petry	18	Saarbrücken
Antigua at Barbuda	Joanne Bird	20	San Juan
Arhentina	Marcela Noemí Chazarreta	20	Buenos Aires
Aruba	Sandra Croes	23	Santa Cruz
Australya	Leanne Buckle	21	Brisbane
Austrya	Andrea Isabelle Pfeiffer	18	Graz
Bagong Silandiya	Lisa de Montalk	21	Taupō
Bahamas	Tarnia Stuart	19	New Providence
Belhika	Anke van Dermeersch	19	Amberes
Belis	Josephine Gault	21	Lungsod ng Belis
Beneswela	Ninibeth Leal	20	Maracaibo
Brasil	Cátia Silene Kupssinskü	20	São Paulo
Bulgarya	Liubomira Slavcheva	17	Sofia
Bulibya	Mónica Gamarra	20	Cochabamba
Curaçao	Nashaira Desbarida	23	Willemstad
Czechoslovakia	Andrea Tatarkova	20	Košice
Dinamarka	Sharon Givskav	17	Copenhague
Ekwador	Sueanny Bejarano	20	Guayaquil
El Salvador	Lucía Beatriz López	22	San Salvador
Espanya	Catia Moreno	20	Tenerife
Estados Unidos	Charlotte Ray	25	Voorhees
Gana	Jamilla Danzuru	23	Accra
Gresya	Miriam Panagos	20	Atenas
Guam	Yvonne Speight	19	Asan
Guwatemala	Marlyn Lorena Magaña	20	Lungsod ng Guatemala
Hamayka	Sandra Foster	21	Kingston
Hapon	Junko Tsuda	21	Tokyo
Hibraltar	Ornella Costa	17	Hibraltar
Honduras	Arlene Rauscher	19	Tegucigalpa
Indiya	Ritu Singh	20	New Delhi
Irlanda	Amanda Brunker	18	Dublin
Israel	Li'at Ditkovsky	19	Nordia
Italya	Sabina Pellati	19	Reggio Emilia
Kapuluang Birheng Britaniko	Marjorie Penn	18	Tortola
Kapuluang Birhen ng Estados Unidos	Cheryl Milligan	20	St. Croix
Kapuluang Kayman	Yvette Jordison	19	Grand Cayman
Kenya	N'kirote Karimi M'mbijjiwe	21	Meru
Kolombya	Adriana Rodríguez	20	Bogota
Kosta Rika	Eugenie Jiménez	20	San Francisco de Heredia
Letonya	Inese Šlesere	19	Riga
Libano	Diana Begdache	20	Beirut
Lupanglunti	Bibiane Holm	18	Nuuk
Lupangyelo	Svava Haraldsdóttir[4]	19	Reikiavik
Makaw	Cristina Guilherme Lam	20	Makaw
Malaysia	Samantha Schubert	22	Kuala Lumpur
Malta	Romina Genuis	18	Gzira
Mawrisyo	Marie Geraldine Deville	18	Centre de Flacq
Mehiko	María Cristina Urrutia	19	Lungsod ng Mehiko
Namibya	Michelle McLean	19	Windhoek
Niherya	Adenike Oshinowo	24	Lagos
Noruwega	Anne-Britt Røvik	18	Molde
Olanda	Linda Egging	21	Stramproy
Panama	Malena Betancourt	19	Lungsod ng Panama
Paragway	Vivian Benítez	21	Asuncion
Pilipinas	Gemith Gemparo	19	Katowice
Pinlandiya	Nina Autio	20	Tampere
Polonya	Karina Wojciechowska	19	Katowice
Porto Riko	Johanna Irizarry	20	Lajas
Portugal	Maria do Carmo Ramalho	20	Lisbon
Pransiya	Mareva Georges	22	Punaauia
Republikang Dominikano	Rosanna Rodríguez	21	Concepción de La Vega
Republika ng Tsina	Rebecca Lin Lan-chih	23	Taipei
Reyno Unido	Joanne Elizabeth Lewis	21	Mansfield
Rumanya	Gabriela Dragomirescu	20	Bucharest
Singapura	Jasheen Jayakody	18	Singapura
Suwasilandiya	Jackie Emelda Bennett	20	Manzini
Suwesya	Catrin Olsson	23	Kungsbacka
Suwisa	Sandra Aegerter	22	Aargau
Taylandiya	Rewadee Malaisee	21	Bangkok
Timog Aprika	Diana Tilden-Davis	22	Johannesburg
Timog Korea	Kim Tae-hwa	20	Busan
Trinidad at Tobago	Sastee Bachan	21	Port of Spain
Tsile	Carolina Michelson	23	Santiago
Tsipre	Anna Margaret Stephanou	18	Nicosia
Turkiya	Dilek Aslıhan Koruyan	19	Istanbul
Unggarya	Orsolya Michina	19	Budapest
Urugway	Andrea Regina Gorrochategui	23	Montevideo
Yugoslavia	Slavica Tripunović	20	Vukovar

 Mga tala

1. Mga edad sa panahon ng kompetisyon

Mga sanggunian

1. "Casi un centenar de bellas mujeres". La Nacion (sa wikang Kastila). 17 Disyembre 1991. p. 48. Nakuha noong 24 Enero 2024 – sa pamamagitan ni/ng Google Books.
2. "New Miss World is crowned". The Dispatch (sa wikang Ingles). 30 Disyembre 1991. pp. 2A. Nakuha noong 8 Enero 2024 – sa pamamagitan ni/ng Google News Archive.
3. "Hat évig harcolt a koronájáért Bálint Antónia" [Antónia Bálint fought for her crown for six years]. Blikk (sa wikang Unggaro). 12 Nobyembre 2013. Nakuha noong 9 Enero 2024.
4. "Líklegur arftaki Lindu Pétursdóttir" [A likely successor to Linda Pétursdóttir]. Morgunblaðið (sa wikang Islandes). 5 Mayo 1991. p. 6. Nakuha noong 10 Hulyo 2023 – sa pamamagitan ni/ng Timarit.is.

Panlabas na kawing

• Opisyal na website