Wikang Hatang Kayi
| Hatang Kayi | |
|---|---|
| Sinauna, Remontado Dumagat | |
| Hatang Kayi[1] | |
| Katutubo sa | Pilipinas |
| Rehiyon | Tanay, Antipolo, at Montalban sa Rizal, at General Nakar, Quezon |
Mga natibong tagapagsalita | (2,500 ang nasipi 2000)[2] |
| Mga kodigong pangwika | |
| ISO 639-3 | agv |
| Glottolog | remo1247 |
 Area where Sinauna language is spoken | |
Ang wikang Hatang Kayi, na kilala rin sa tawag na Remontado Dumagat, Kabalat, at Sinauna,[1] ay isang wikang Malayo-Polinesyo mula gitnang Luzon. Isa ito sa mga wika ng mga Agta sa Pilipinas.
Ito ay sinasalita sa Tanay at Rodriguez, Rizal; General Nakar, Quezon;[3] at Antipolo sa Pilipinas.
Katawagan
[baguhin | baguhin ang wikitext]Ang tawag ng mga mananalita ng wikang ito sa kanilang sariling wika ay Hatang Kayi ("wikang ito").
Ang tawag na "Sinauna" ay ginamit ng ilang manunulat mula ng pag-aralan ang wika noong dekada 1970 nguni't hindi kailan man ginamit na pansariling katawagan ng mga nagsasalita nitong wika.[1]
Ang tawag na Remontado ("namundok") ang pinakakaraniwang ginagamit sa mga kasulatan sa wikang Ingles patungkol sa lahing tinutukoy at sa kanilang wika.
Pag-uuri
[baguhin | baguhin ang wikitext]Mula sa pananaliksik ni Lawrence Reid noong taong 2010, maituturing niya ang wikang Hatang Kayi na isa sa mga wikang mula gitnang Luzon.[4] Si Lawrence Reid ay isang mananaliksik na Amerikano sa International Institute for Asian Studies (IIAS; "kalipunan sa iba't-ibang bansa sa pag-aaral sa Asya") sa Pamantasan sa Leiden ng Olanda.
Kinatitirhan
[baguhin | baguhin ang wikitext]Matatagpuan ang Remontado Dumagat sa mga bundok sa paligid ng hangganan sa pagitan ng distrito ng Sampaloc sa Tanay, Rizal, at General Nakar, Quezon.[5]
Sa ngayon, ang Hatang Kayi ay sinasalita sa sumusunod na limang nayon, kung saan ito ay sinasalita lamang ng mga matatandang lampas sa edad na 50:[1]
Dalawang póok sa Barangay Santa Inez, Tanay, Rizal:
- Sitio Nayon
- Sitio Kinabuan
Tatlong póok sa Barangay Lumutan, General Nakar, Quezon:
- Minanga (Sentro)
- Sitio Sari
- Sitio Paimuhuan
Sinanggunian
[baguhin | baguhin ang wikitext]- ↑ 1.0 1.1 1.2 1.3 Lobel, Jason William; Surbano, Orlando Vertudez (2019). "Notes from the Field: Remontado (Hatang-Kayi): A Moribund Language of the Philippines". Language Documentation and Conservation. 13: 1–34. hdl:10125/24796.
- ↑ Hatang Kayi sa Ethnologue (ika-18 ed., 2015)
- ↑ Reid, Lawrence A. (1994). "Possible Non-Austronesian Lexical Elements in Philippine Negrito Languages". Oceanic Linguistics. 33 (1): 37–72. doi:10.2307/3623000. hdl:10125/32986. JSTOR 3623000.
- ↑ Reid, Lawrence A. (2010). "Historical linguistics and Philippine hunter-gatherers" (PDF). Sa Billings, Loren; Goudswaard, Nelleke (mga pat.). Piakandatu ami Dr. Howard P. McKaughan. Manila: Linguistic Society of the Philippines and SIL Philippines. pp. 234–260. Inarkibo mula sa orihinal noong 2019-02-26. Nakuha noong 2021-11-18.
{{cite book}}: CS1 maint: bot: original URL status unknown (link) - ↑ Lobel, Jason William (2013). Philippine and North Bornean Languages: Issues in Description, Subgrouping, and Reconstruction (Tisis). University of Hawaii at Manoa. hdl:10125/101972.