Egamnazar Akbarov
| Egamnazar Muftillaevich Akbarov | |
|---|---|
| Shaxsiy maʼlumotlari | |
| Jinsi | Erkak |
| Fuqaroligi |
 Oʻzbekiston |
| Tavallud sanasi |
18-iyul 1973-yil Toshkent, Oʻzbekiston SSR |
| Sport | |
| Qaysi sport | Dzyodo |
| Faol tomoni | 2007-yil |
| Sport mukofotlari | ||
|---|---|---|
| Osiyo chempionati | ||
| Bronza | Venchjou 1999 | 73kg gacha |
| Bronza | Olmaota 2004 | 73kg gacha |
| Bronza | Kuvayt 2007 | 81kg gacha |
| Osiyo oʻyinlari | ||
| Bronza | Pusan 2002 | 73kg gacha |
| Universiada | ||
| Oltin | Pekin 2001 | 73kg gacha |
Egamnazar Muftillaevich Akbarov(1973-yil 18-iyulda Toshkent shahrida tugʻilgan, Oʻzbekiston SSR) — oʻzbek dzyudochisi, 73 va 81 kilogrammgacha vazn toifalarida ishtirok etgan. XXVIII yozgi Olimpiya oʻyinlari ishtirokchisi va Osiyo chempionatlari sovrindori, Jahon Universiadasi sovrindori.
Sport faoliyati
[tahrir | manbasini tahrirlash]Akbarov Egamnazar 1998-yildan buyon xalqaro musobaqalarda ishtirok etib kelmoqda. 1999-yilda Venchjouda (Xitoy) dzyudo boʻyicha oʻtkazilgan Osiyo chempionatida oʻz vazn toifasida bronza medalini qoʻlga kiritadi[1]. 2001-yilda u Pekinda (Xitoy) boʻlib oʻtgan Yozgi Universiadada 73 kg gacha vazn toifasida finalda koreyalik dzyudochi Choi Yong-sinni magʻlub etib, Universiada chempioni boʻladi[2][3]. 2002-yilda Pusan shahrida (Koreya Respublikasi) boʻlib oʻtgan yozgi Osiyo oʻyinlarida 73 kg vazn toifasida bronza medali sohibi boʻladi[4]. 2002-2003-yillarda Yaponiyadagi xalqaro turnirda bronza medallarini olishga muvaffaq boʻladi.
2003-yilda Osaka shahrida (Yaponiya) dzyudo boʻyicha boʻlib oʻtgan jahon chempionatida 73 kilogrammgacha boʻlgan vazn toifasida u faqat beshinchi oʻrinni egallab, bronza medalini oladi. 2004-yilda Akbarov Egamnazar Olma-Otada (Qozogʻiston) dzyudo boʻyicha oʻtkazilgan Osiyo chempionatida 73 kg vazn toifasida bronza medalini qoʻlga kiritadi[5]. U Afinada (Gresiya) boʻlib oʻtgan Yozgi Olimpiya oʻyinlarida 73 kg vazn toifasida birinchi davradayoq kamerunlik dzyudochi Bernard Mvondo-Etogga magʻlub boʻladi[6]. Sportchimiz Chirchiq shahrida oʻtkazilgan Oʻzbekiston chempionatida 81 kilogrammgacha boʻlgan sportchilar oʻrtasida 81 kilogrammgacha boʻlgan sportchilar oʻrtasida bronza medalini olishga musharraf boʻladi.
Akbarov Egamnazar 2006-yilda Qozogʻistonda oʻtkazilgan xalqaro turnirda 81 kg vazn toifasida birinchi oʻrinni egalladi[7]. 2007-yilda esa Quvaytda oʻtkazilgan dzyudo boʻyicha Osiyo chempionatida 81 kilogrammgacha boʻlgan vazn toifasida yana bir bronza medalini qoʻlga kiritadi[8]. U Rio-de-Janeyroda (Braziliya) dzyudo boʻyicha oʻtkazilayotgan jahon chempionatida 81 kilogramm vazn toifasida 1/32 finalda shveysariyalik Kristof Kellerga imkoniyatni boy berib qoʻyadi. Shundan keyin u sportdagi faoliyatiga nuqta qoʻyadi.
Manbalar
[tahrir | manbasini tahrirlash]- ↑ „JudoInside - Asian Championships Wenzhou Event“. www.judoinside.com. 2019-yil 3-aprelda asl nusxadan arxivlangan. Qaraldi: 2021-yil 25-avgust.
- ↑ „Roundup: China Wins 6 Titles as 7 Countries Strike Gold in Pool“. web.archive.org (2014-yil 15-dekabr). 2014-yil 15-dekabrda asl nusxadan arxivlangan. Qaraldi: 2021-yil 25-avgust.
- ↑ „УНИВЕРСИАДА“ (ru). sport-express.ru. 2021-yil 25-avgustda asl nusxadan arxivlangan. Qaraldi: 2021-yil 25-avgust.
- ↑ „Wayback Machine“. web.archive.org (2013-yil 5-oktyabr). 2013-yil 5-oktyabrda asl nusxadan arxivlangan. Qaraldi: 2021-yil 25-avgust.
- ↑ „Results of 2004 Asia Championship“. web.archive.org (2014-yil 12-sentyabr). 2014-yil 12-sentyabrda asl nusxadan arxivlangan. Qaraldi: 2021-yil 25-avgust.
- ↑ „Men's 66-73kg judo results“ (2004-yil 12-avgust). 2021-yil 25-aprelda asl nusxadan arxivlangan. Qaraldi: 2021-yil 25-avgust.
- ↑ „Спор ведут дзюдоисты“ (ru). UzReport.news. 2021-yil 25-avgustda asl nusxadan arxivlangan. Qaraldi: 2021-yil 25-avgust.
- ↑ „Wayback Machine“. web.archive.org (2008-yil 4-may). 2008-yil 4-mayda asl nusxadan arxivlangan. Qaraldi: 2021-yil 25-avgust.