Gaye Adegbalola

Gaye Adegbalola
Tavalludi 24-mart 1944-yil (1944-03-24) (80 yosh)
Fredericksburg, Virginiya, AQSh
Janrlar blyuz, kantri
Kasbi qoʻshiqchi, gitarachi
Faoliyat yillari 1984-yildan
Leybllar Alligator Records
Guruhlari Saffire – The Uppity Blues Women
Fuqaroligi AQSH bayrogʻi AQSh
Veb-sayt http://www.adegbalola.com/

Gaye Adegbalola (qizlik familiyasi Todd, 1944-yil 21-mart[1], Fredericksburg, Virjiniya shtati,AQSh) – amerikalik blyuz qoʻshiqchisi va gitarachi, o‘qituvchi, LGBT faoli hamda lesbiyan.

Hayoti

[tahrir | manbasini tahrirlash]

1944-yil 21-martda Virjiniya shtatining Fredericksburg shahrida jaz musiqachilari oilasida tugʻilgan[1][2]. Gaye Boston universitetini biolog mutaxasisligi boʻyicha tamomlagan, Rokfeller universitetida biokimyo sohasida[3] va Garlem kasalxonasida bakteriolog sifatida ishlagan.

1960-yillarda Gaye fuqarolik huquqlari uchun boʻlgan harakatlarda faol ishtirok etadi, ayniqsa Nyu-Yorkdagi „Black Power Movement“ va Garlem oʻzini oʻzi himoya qilish qoʻmitasida jonbozlik koʻrsatgan. Hayotining shu davrida Gaye turmushga chiqib, oʻgʻil farzand koʻrgan. 1970-yilda Gaye turmushidan ajrashgandan soʻng Fredericksburgga qaytib keladi va u yerda teatrda oʻynashni davom ettiradi hamda maktabda biologiya va kimyo fanlaridan dars bera boshlaydi. Gaye 1982-yilda Virjiniya shtatining yil oʻqituvchisi deb eʼtirof etilgan[4].

70-yillarning oʻrtalarida Gaye Adegbalola Enn Rebson bilan uchrasha boshladi va Rebson qoʻshiqchiga gitara chalishni oʻrgata boshlaydi[5]. 1984-yilda Enn bilan birga ular duet tashkil qiladi. Toʻrt yil oʻtgach, ularga kontrabaschi ayol qoʻshilgandan soʻng, bu duet „Saffire – The Uppity Blues Women“ nomini oladi.

Baʼzi tanqidchilar bu jamoani hozirgi kunda anʼanaviy akustik blyuz ijro etuvchi ayollar guruhlari orasidagi eng yaxshisi deb hisoblaydilar.

1990-yilda guruhning „Middle Aged Blues Boogie“ qoʻshigʻi Uilyam Xendi (WC Handy Awards, Blues Music Awards) nufuzli blyuz marosimida „Yilning eng yaxshi qo‘shig‘i“ nominatsiyasidagi eng yaxshi qo‘shiqlardan biri bo‘ldi. 90-yillar davomida Gaye milliy jamoat radiosida blyuz haqidagi dasturlarni olib borgan. Gaye saraton kasalligiga chalingan va kasallikdan davolanmoqda[6]. 1999-yilda „Bitter Sweet Blues“ nomli birinchi yakka albomi chiqqan.

Gaye 1991-yilda oʻzining umr yoʻldoshi Suzanne Moe bilan tanishgan[7]. 2000-yilda Geya Adegbalola „The Advocate“ jurnalida oʻzining jinsiy moyilligini oshkor etdi[8].

Manbalar

[tahrir | manbasini tahrirlash]
  1. ↑ 1,0 1,1 Gaye Adegbalola[sayt ishlamaydi], All Media Guide (2007); retrieved August 2, 2008.
  2. ↑ Johnson, Virginia. African American History in the Rappahannock Region (Wayback Machine saytida 2008-05-13 sanasida arxivlangan), HistoryPoint.org. Retrieved August 2, 2008.
  3. ↑ Miller, Dan. "Nothing but the blues"[sayt ishlamaydi], Washington Blade, May 28, 2004. Retrieved August 1, 2008.
  4. ↑ 1982 State Teachers of the Year (Wayback Machine saytida March 13, 2009, sanasida arxivlangan), Council of Chief State School Officers. June 26, 2008. Retrieved August 2, 2008.
  5. ↑ Adegbalola, Gaye; Faye, Andra; Rabson, Ann. Conan, Neal, "Saffire, Uppity Blues Women", NPR: Talk of the Nation, April 27, 2006. Retrieved August 1, 2008.
  6. ↑ „AN UPPITY ATTITUDE ABOUT CANCER“ (en). Fredericksburg.com (2009-yil 8-may). Qaraldi: 2020-yil 19-iyun.
  7. ↑ Miller, Dan. "Nothing but the blues"[sayt ishlamaydi], Washington Blade, May 28, 2004. Retrieved August 1, 2008.
  8. ↑ Lehoczky, Etelka. "Gaye Ol' Time - blues singers Gaye Adegbalola", The Advocate, February 15, 2000. Retrieved August 1, 2008.