Michael Walsh

Michael Walsh
Tavalludi	Michael Alan Walsh 23-oktyabr 1949-yil (1949-10-23) (75 yosh)
Fuqaroligi	AQSh
Kasbi	musiqa tanqidchisi, yozuvchi, ssenariynavis, media tanqidchi

Michael Alan Walsh (talaffuzi: Maykl Uolsh; 1949-yil 23-oktyabrda tugʻilgan^[1]), shuningdek, David Kahane — amerikalik musiqa tanqidchisi, yozuvchi, ssenariynavis, media tanqidchi, madaniy-siyosiy maslahatchi va 19-tuzatishni bekor qilish tarafdori^[2][3].

Faoliyati

Walsh jurnalistlik faoliyatini 1972-yilda New York shtatining Democrat and Chronicle jurnalida muxbir va keyinchalik musiqa tanqidchisi sifatida boshlagan. 1977-yilning noyabr oyida San Francisco Examiner gazetasida klassik musiqalarning bosh tanqidchisi etib tayinlangan. Gazetadagi amalga oshirgan ishlari uchun 1980-yili ASCAP-Deems Taylor mukofotiga sazovor boʻlgan. 1981-yilning bahorida Time jurnalida musiqa tanqidchisi sifatida faoliyat boshlaydi^[4]. Jurnaldagi ishiga doir muqova mavzulari James Levine, Vladimir Horowitz hamda Andrew Lloyd Webber kabi mashhurlarni oʻz ichiga oladi. Shuningdek, 1989—1996-yillarda Germaniyaning Myunxen shahrida joylashgan jurnalning xorijiy muxbiri oʻlaroq 1989-yilgi Berlin devori va 1991-yilgi sovet kommunizmining qulashini bevosita oʻz koʻzi bilan koʻrgan holda yoritgan. 

Walsh 2007-yil fevral oyidan boshlab toki 2015-yilgacha boʻlgan vaqt davomida National Review jurnali uchun oʻz ismi hamda David Kahane (The Player filmidagi toʻqima obraz) nomi ostida maqolalar yoza boshlaydi^[5]. Walshning David Kahane obrazi ortiga berkingan shaxsiyati „konservativ auditoriyaga yashash qoidalari haqida haddan tashqari koʻp narsalarni aytib berish odatiga ega boʻlgan hamda Hollywood liberallaridan biriga aylangan“, deya taʼriflangan^[6].

Uning eng soʻnggi kitobi Last Stands boʻlib, nashr etilgan kuniyoq Amazonda savdosi oʻsib borgan hamda koʻplab bestseller asarlar qatoridan oʻrin olib kelmoqda^{[manba kerak]}.

Kitoblari

Uydirmadan yiroq asarlari

• Carnegie Hall: The First One Hundred Years (Harry N. Abrams, 1987)
• Whoʻs Afraid of Classical Music (Fireside Books, 1989)
• Andrew Lloyd Webber: His Life and Works (Abrams, 1989, 1997-yili yangilangan)
• Whoʻs Afraid of Opera? (1994)
• So When Does the Fat Lady Sing? (Amadeus, 2008).
• Rules for Radical Conservatives (2010)
• The People v. the Democratic Party (Encounter Broadside, 2012)
• The Devil’s Pleasure Palace (Encounter Books, 2015)
• The Fiery Angel (Encounter Books, 2018)
• Last Stands (St. Martinʼs Press, 2020-yil, dekabr)

Romanlari

• Exchange Alley (1997)
• As Time Goes By (Kasablanka filmining davomi, 1998)
• And All the Saints (2003) — 2004-yili Amerika kitob mukofoti sovrindori boʻlgan Owney Madden hayoti haqidagi toʻqima avtobiografik kitob

Shaxsiy hayoti

Hozirda Los Angeles shahridagi Wende muzeyining maslahat kengashida faoliyat yuritadi^[7]. Uning asosiy yashay joyi Konnektikut qishloqlari va Irlandiyaning Kler okrugida joylashgan.

Manbalar

1. „Library of Congress Authorities (Search for Name, Subject, Title and Name/Title)“. authorities.loc.gov.
2. McGrath. „Michael Walsh's Anti-Satanic Verses“. Law & Liberty (2018-yil 25-iyul).
3. „THE COLUMN: To Save America, Repeal the 19th Amendment | The Pipeline“ (en-US) (2023-yil 23-yanvar). Qaraldi: 2023-yil 24-yanvar.
4. McGrath. „Michael Walsh's Anti-Satanic Verses“. Law & Liberty (2018-yil 25-iyul).
5. „David Kahane/Michael Walsh - National Review“. National Review (2010-yil 30-sentyabr).
6. „Kahane's Ruling Ways - Interview - National Review Online“. National Review. 2010-yil 29-sentyabrda asl nusxadan arxivlangan. Qaraldi: 2010-yil 28-sentyabr.
7. „People“. The Wende Museum. Qaraldi: 2019-yil 27-avgust.

Havolalar

• Michael Walsh IMDbda