Rashid Kadirkayev

Rashid Kadirkayev
Shaxsiy maʼlumotlari
Fuqaroligi SSSR bayrogʻi SSSR
Tavallud sanasi 18-noyabr 1963-yil
Toshkent, OʻzSSR, SSSR
Sport
Murabbiy(lar)i

Tamara Moskvina Igor Moskvin

Valeriy Tyukov

Rashid Abdulxatovich Kadirkayev (1963-yil 18-noyabrda, Toshkent, Oʻzbekiston SSR, SSSR) – sovet konkida uchish boʻyicha juftlik bahslarida qatnashgan figurali uchuvchi[1]. U oʻzining eng katta muvaffaqiyatiga Yelena Kvitchenko bilan birgalikda erishdi. Ular SSSR chempionatining bronza medali sovrindorlari, Yevropa chempionati va 1989-yilgi jahon chempionati ishtirokchilari boʻlgan. Yoshligida Marina Nikityuk bilan birgalikda oʻsmirlar oʻrtasidagi jahon chempionatida ikki marta gʻolib boʻlgan (1980-yilda kumush va 1981-yilda bronza). SSSR xalqaro toifadagi sport ustasi.

Karyerasi

[tahrir | manbasini tahrirlash]

Rashid Kadirkayev xalqaro miqyosdagi ilk muvaffaqiyatiga Marina Nikityuk bilan tandemda erishdi. Ular Permda Valeriy Tyukov bilan mashgʻulot oʻtkazdilar. Nikityuk va Kadirkayev 1980-yildagi oʻsmirlar oʻrtasidagi jahon chempionatida kumush medalni qoʻlga kiritishgan. 1981-yilda oʻsmirlar oʻrtasidagi jahon chempionatida esa bronza medalini qoʻlga kiritishgan[2].

Murabbiy Stanislav Juk 1982-yilda Marina Cherkasova bilan Rashidni birga sherik qildi. Biroq, bu hamkorlik muvaffaqiyatsizlikka uchradi va Kadirkayev Yelena Kvitchenko bilan sherik boʻlish uchun Leningradga koʻchib oʻtdi.

Kvitchenko va Kadirkayev Igor Moskvin bilan mashgʻulot oʻtkazishdi. Ular 1987-yilgi qishki Universiada gʻolibi boʻlishdi. Uch marta SSSR chempionatlarida bronza medali sovrindori boʻlishdi va 1989-yilgi Yevropa va jahon chempionatlarida qatnashishdi.

1986-yil Yerevanda 1-o'rinni va 1989-yil Minskda bo'lib o'tgan SSSR kubogida 2-o'rinni egallashgan[2].

Juftlik 1989-yilda oʻzlarining sport turlari boʻyicha professionalga aylanishdi va „Ice Capades„ shousi bilan gastrol qilishdi.

Hozirda Kadirkayev AQShda yashab, murabbiy boʻlib ishlaydi. Uning hozirgi va sobiq shogirdlari isroillik Tamar Kats[3] va slovakiyalik Igor Matsipura.

Manbalar

[tahrir | manbasini tahrirlash]
  1. ↑ „Rashid Kadyrkaev | Кадыркаев Рашид Абдулхатович“. Qaraldi: 2023-yil 2-yanvar.
  2. ↑ 2,0 2,1 „Кадыркаев Рашид Абдулхатович“. Qaraldi: 2023-yil 2-noyabr.
  3. ↑ „Тамар Кац“. Qaraldi: 2023-yil 2-noyabr.