Adriaen van Stalbemt

Adriaen van Stalbemt deur Antoon van Dyck

Adriaen van Stalbemt (Antwerpn, 12 juni 1580 - Antwerpn, 21 september 1662) was e Vlamsche barokschilder en graveur van in den tyd van de Zuudelike Nederlandn. J' is gekend vo zyn landschappn mè religieuze, mythologische en allegorische scènes.

  • Dorpskerkfestival
    Dorpskerkfestival
  • Zicht ip e scène by Brussel
    Zicht ip e scène by Brussel
  • Fêeste van de goodn
    Fêeste van de goodn

Achter de Val van Antwerpn in 1585 verhuusde de protestantsche menoage noa Middelburg vo religieuze reedns. Moa je kêerde were noar Antwerpn in 1609 achter 't Twoalfjoarig Bestand en je wierd doar in 1610 anveird ols mêester van de Sint-Lucasgilde. De 5e meie 1613 trouwde van Stalbemt mè Barbara Verdelft, dochter van kunstmarchang Jan Verdelft. In 1617 wierd 'n verkoozn toet deekn van de gilde.

In 1633 vertrokt 'n vor e moand of tiene noa Londn woa dat 'n werkte vo keunienk Charles I van Iengeland.

Je stierf den 21stn september 1662 in Antwerpn, moa j' is begroavn in d' hervormde kerke van Putte. Vele protestantn lietn under in dien tyd doa begroavn omdat er in dat dorp in de Republiek van de Verênigde Nederlandn e klêene protestantsche kerke was. Zyn grafstêen is ipgenoomn in 't monument vo Jacob Jordaens. Ip de grafstêen van Adriaen en zyn vrouwe stoat:

Hier leyt begraven
Adrianvs van Stalbemt
Konst rycken Schilder
sterf den 21 september
1662
Ende Ivffrov Barbara
Verdelet syne hvysvrov
sterf den 5 decembe 1663


Wilt onser indachtigh wese
die voorby gaet minst en meest
dat wy syn svlt ghy noch worde
dat ghy syt sy wy gheweest
Wikimedia Commons