Apollo 9

David Scott besig met 'n ruimtewandeling.

Apollo 9 was die derde bemande missie van die Apollo-program en die eerste missie wat die Apollo-beheer-en-diensmodule en die maanmodule ingesluit het. Die bemanning van drie aan boord was: bevelvoerder James McDivitt, beheermodulevlieënier David Scott en maanmodulevlieënier Rusty Schweickart.

Hulle het tien dae in die ruimte deurgebring in 'n lae wentelbaan om kritieke aspekte van die toerusting te toets, onder andere die maanmodule se motors, lewensondersteuningstelsels, navigasiestelsels en dokmaneuvers. Dit was ook die tweede bemande missie wat deur 'n Saturn V-vuurpyl aangedryf is.

Apollo 9 is op 3 Maart 1969 gelanseer en hulle het op 13 Maart 1969 weer teruggekeer na die aarde.

Voorafgegaan deur Apollo 8

Apollo-program

Opgevolg deur Apollo 10