Candice Swanepoel

Candice Swanepoel

Candice Susan Swanepoel (* 20 Oktober 1988) is ’n Suid-Afrikaanse mannekyn wat bekend is vir haar modelwerk vir Victoria’s Secret.

Lewe en modelloopbaan

[wysig | wysig bron]

Candice Swanepoel is in Mooirivier, KwaZulu-Natal, gebore en is op 15 jarige ouderdom op ’n Durbanse vlooimark as potensiële model raakgesien.[1]Op 16-jarige ouderdom is Candice €5 000 (ZAR40 000) vir ’n dag se werk betaal. Swanepoel het onder andere vir die voorblaaie van Vogue (Griekeland & Italië), ELLE (Duitsland), en Ocean Drive (Verenigde State) [2]en reklame van Nike, Diesel, Guess? en Versus Eyewear geposeer.[2] Swanepoel het ook die loopplank betree vir Tommy Hilfiger, Dolce & Gabbana, Shiatzy Chen, Sass & Bide, Betsey Johnson, Diane von Fürstenberg en vele ander ontwerpers,[2]sowel as vir Victoria's Secret in 2007 tot 2010. Behalwe haar modelwerk by onderkleremaatskappye se kommersiële advertensies, het sy ook gepryk in die 2010 -"SWIM" modelkatalogus,[3] saam met Lindsay Ellingson, Rosie Huntington-Whiteley en Erin Heatherton. In 2010 het Swanepoel ’n Victoria's Secret Angel geword. Swanepoel het ook Kardashian se 2010-reeks swemdrag gemodelleer. Op 12 Augustus 2010 het Swanepoel amptelik die eerste Victoria's Secret-winkel in West Edmonton Mall, Edmonton, Kanada, geopen.[4] Candice Swanepoel is as nommer 61 in die FHM-tydskrif se “100 Sexiest Women in the World” aangewys[5] en het ook op die voorblad van Vogue Italia gepryk.[2]

Swanepoel het ook op No. 10 in Forbes se “The World's Top-Earning Models”-lys geëindig; sy het tussen 2010 en 2011 ’n geraamde $3 miljoen verdien.[6]

Buite die kollig

[wysig | wysig bron]

Swanepoel praat vlot Afrikaans en Portugees[7][8]en gaan met die model Hermann Nicoli uit sedert sy 17 jaar oud is.[9] Hulle is tans verloof.

Verwysings

[wysig | wysig bron]
  1. ↑ "Mooiriver magic" (in Engels). Carte Blanche. 29 Mei 2005. Geargiveer vanaf die oorspronklike op 13 Desember 2007. Besoek op 6 Januarie 2008.
  2. ↑ 2,0 2,1 2,2 2,3 "FMD Profile of Candice Swanepoel" (in Engels). Fashionmodeldirectory.com. Geargiveer vanaf die oorspronklike op 25 Maart 2019. Besoek op 3 Julie 2011.
  3. ↑ "Go Behind the Scenes of the Victoria's Secret Swim Catalog!" (in Engels). ETonline.com. Geargiveer vanaf die oorspronklike op 3 September 2010. Besoek op 23 Oktober 2011.
  4. ↑ Supermodel to open Edmonton Victoria’s Secret. edmontonjournal.com.
  5. ↑ "Candice Swanepoel by FHM.com" (in Engels). 4 Februarie 2011. Geargiveer vanaf die oorspronklike op 2 Mei 2015. Besoek op 23 Oktober 2011.
  6. ↑ Blankfeld, Keren; Bertoni, Steven (5 Mei 2011). "The World's Top-Earning Models" (in Engels). Forbes. Geargiveer vanaf die oorspronklike op 7 November 2018. Besoek op 11 Mei 2011.
  7. ↑ "'Pretendo morar no Brasil', conta a angel Candice Swanepoel. Confira!" (in Portugees). 180graus. 29 Januarie 2011. Geargiveer vanaf die oorspronklike op 15 November 2012. Besoek op 20 Augustus 2011.
  8. ↑ "‪Candice Swanepoel para WLM‬‏" (in Engels). YouTube. Geargiveer vanaf die oorspronklike op 27 Februarie 2014. Besoek op 3 Julie 2011.
  9. ↑ "GQ South Africa" (in Engels). Img208.imagevenue.com. Geargiveer vanaf die oorspronklike op 20 Junie 2018. Besoek op 11 Julie 2011.

Eksterne skakels

[wysig | wysig bron]