Deborah Hyde

Deborah Hyde
Deborah Hyde in 2018
Deborah Hyde in 2018
Gebore 1965 (58–59 jaar oud)
Geboorteplek Londen
Burgerskap Vlag van Verenigde Koninkryk VK
Beroep Koördineerder vir grimeringseffekte in die filmbedryf[1]
Besturende redakteur van The Skeptic-tydskrif[2]
Bekend as Die vampierdeskundige
Webwerf deborahhyde.com
Stem

Deborah Hyde (gebore 1965) is 'n Britse skeptikus, deskundige in volksoorleweringe, kulturele antropoloog, genoot van die "Committee for Skeptical Enquiry" en hoofredakteur van The Skeptic-tydskrif. Sy skryf en hou lesings oor bygeloof,[3] kriptodierkunde, godsdiens en geloof in die paranormale,[4] met besondere aandag aan die volksoorleweringe, sielkunde en sosiologie agter hierdie verskynsels, maar is ook bekendgestel as 'n "vampierkenner". Hyde het ook in die rolprentbedryf gewerk.[5]

Vroeë lewe

[wysig | wysig bron]

Hyde se belangstelling in die bonatuurlike spruit uit haar kinderjare en sy skryf dit toe aan die feit dat sy "te veel tyd saam met gekke tannies spandeer het".[6] Terwyl ander meisies gewoonlik in feetjies en engele belangstel, was sy nog altyd gefassineer deur "donker dinge".[7] Sy het eers daarin geglo, maar na die ontdekking van The Black Arts deur die okkulte skrywer Richard Cavendish, het sy 'n meer analitiese benadering tot hierdie verskynsels toegepas.[6]

Loopbaan buite skeptisisme

[wysig | wysig bron]

Hyde was jare lank besig om versamelstukke te versprei, waartydens sy 'n paar jaar in New York gebly het. Die periode is gevolg in die negentigerjare deur haar aktiwiteite as koördineerder en produksiebestuurder in verskillende afdelings, insluitend wesens- en grimering-effekte, sowel as konstruksie van filmstelle.[6]

Bydraes tot die filmbedryf

[wysig | wysig bron]

Hyde het bygedra tot verskeie rolprente as personeellid en koördineerder in die grimering-afdeling, en was verantwoordelik vir prostetika en wesenseffekte, onder meer vir die gruwelfilms Doghouse[8] en 1408.[9] Sy was koördineerder vir wesenseffekte vir die drama On a Clear Day. Hyde het ook verskeie rolle op die skerm vertoon; sy het as kroegmeisie in Doghouse verskyn en as die Corpse Queen in The Brothers Grimm.[10] Sy het ook 'n bydrae gelewer tot Harry Potter and the Philosopher's Stone as 'n deel van die magiese verwurgende Devil's Snare-plant.[6]

In 2013 was Hyde die vervaardiger van die kortfilm Wisdom,[11] waarin sy die stem van een van die karakters gespeel het,[12] en in 2018 was sy die mede-uitvoerende vervaardiger van die kortfilm September Man.[13]

Loopbaan as skeptikus

[wysig | wysig bron]
Hyde doseer oor "The Restless Ghost of Wrocław" op die Europese skeptici-kongres, 2017

Hyde het in die negentigerjare begin navorsing doen oor die geloof in die bonatuurlike, en sy het aanvanklik onder die naam 'Margery Jourdemayne' 'n webjoernaal geskryf.[14] Hierdie pennaam is geleen van 'n vrou uit die 15de eeu, ook bekend as die "Heks van die oog" wat uiteindelik in die jaar 144 in Smithfield, Londen, vir heksery verbrand is. Die persoon is deur Hyde gekies omdat sy "deur baie uitgesoek is vanwee haar kennis van duistere aangeleenthede."[1]

Die huidige webwerf van Hyde, deborahhyde.com, bevat blogposte en video's waarin sy ondersoek instel na die onderling verbondenheid van volksoorleweringe, geloofstelsels en die vrees vir onbekende natuurverskynsels. Haar vorige webwerf, jourdemayne.com, is in 2018 hiermee vervang.[15] In haar openbare verskynings en geskrifte is die volgende bonatuurlike verskynsels breedvoerig behandel:

Publieke optredes in die Verenigde Koninkryk

[wysig | wysig bron]
Hyde oorhandig die Ockham Editor's Choice-toekenning aan Crispian Jago in 2016

Hyde is uitgenooi om tydens verskillende geleenthede te praat, waaronder Skeptici in die kroeg-byeenkomste regoor die Verenigde Koninkryk asook die internasionale skeptici-konvensie QED - Question, Explore, Discover in Manchester, waar sy 'n gereelde spreker is.

Hyde het aan die Skeptics on the Fringe in Edinburg met twee van haar lesings, Interview With a Vampire Expert en The Natural History of the European Werewolf op twee geleenthede gepraat, en albei is goed ontvang deur die skeptiese gehoor.[16][26]

Internasionale optredes

[wysig | wysig bron]

Hyde se lesings by konferensies buite die Verenigde Koninkryk is meestal in die VSA aangebied, waaronder 'n openbare lesing na Halloween getiteld The Natural History of the European Werewolf vir die New York City Skeptics,[27] en 'n verskyning met dieselfde toespraak op Skepticon-5 in Springfield, Missouri.[28][29][30] Sy is ook in 2013 uitgenooi na die "Ratio Forum for Popular Science" in Sofia, Bulgarye, waar sy 'n praatjie oor vampiere aangebied het en 'n paneelbespreking saam met Susan Blackmore bygewoon het.

In 2017 het Hyde 'n lesing getiteld The Restless Ghost of Wrocław op die 17de Europese Skeptici-kongres aan die Universiteit van Wrocław, Wrocław, Pole aangebied[31] en in 2018 het sy 'n lesing oor die historiese oorsprong van vampier-legendes in Oos-Europa aan CSICon in Las Vegas, Nevada aangebied.[15]

Betrokkenheid by die "Enfield Poltergeist"-saak van 1977

[wysig | wysig bron]

In 2011 is Hyde gevra om as kundige aan 'n bespreking op die tv-program The Morning op ITV1 in Engeland deel te neem. Sy sou die skeptiese siening oor die "Enfield Poltergeist"-saak van 1977 verteenwoordig.[32] Janet Hodgson, wat ten tyde van die saak 'n kind was en ook betrokke by die voorval was, het 'n seldsame verskyning op die tv-program gemaak. Saam met haar was die Britse skrywer Guy Lyon Playfair, wat geglo het dat die spook eg was. Hulle was albei diep beledig is deur die rasionalistiese opmerkings wat Hyde tydens die bespreking gemaak het en Lyon Playfair het op sy webjoernaal hieroor geskryf.[33] Hierdie situasie het uiteindelik daartoe gelei dat Hyde oor die saak en die agtergrond daarvan geskryf het, met 'n algemene uiteensetting en verskeie voorbeelde oor waarom mense kwaadwillige figure vervaardig.[3]

Besturende redakteur van The Skeptic

[wysig | wysig bron]

In 2011 is Hyde aangestel as besturende redakteur van The Skeptic, 'n Britse tydskrif wat wetenskap en kritiese denke bevorder.[2] As hoofredakteur werk Hyde saam met 'n internasionale adviesraad van kundiges uit verskillende velde, waarvan sommige wêreldwyd erkende wetenskaplikes, wetenskapopvoeders en wetenskapliefhebbers is, waaronder Susan Blackmore, Stephen Fry, Derren Brown, Brian Cox, Richard Dawkins, Edzard Ernst, Robin Ince, PZ Myers, Phil Plait, Massimo Polidoro, Simon Singh, James Randi en Richard Wiseman.[34]

Die Ockham en Rusty Razor-toekennings

[wysig | wysig bron]
Deborah Hyde bied aan James O'Malley en Liz Lutgendorff van The Pod Delusion die "Redaksie se keuse"-toekenning tydens die 2013 "Ockam Awards"-seremonie in Manchester

In 2012 het Hyde die idee voorgestel van 'n prys wat toegeken kan word aan diegene met ernstige prestasies binne verskillende velde van skeptiese aktivisme, ten einde erkenning te gee aan mense wat groot hoeveelhede werk belê in die bevordering van wetenskap en skeptisisme. Vanaf daardie jaar was die Ockham-toekenningseremonie 'n jaarlikse geleentheid by "QED - Question, Explore, Discover". Die prys word amptelik toegeken in die tydskrif The Skeptic in verskillende kategorieë, waaroor 'n komitee met skeptici insluitend Chris French, Richard Wiseman, Wendy Grossman, Jon Ronson en Simon Singh ooreengekom het.[35] In 2017 is die "Rusty Razor"-toekenning, 'n ondeunde erkenning vir "slegte denke", by die verrigtinge gevoeg.[15]

Ander aktiwiteite as 'n skeptikus

[wysig | wysig bron]

Hyde was mede-organiseerder van Westminster Skeptics,[1] en tree op as spreker-skakel van die Soho Skeptics, 'n onafhanklike denktenk waarby verskillende organisasies, skrywers, filmmakers en podsenders betrokke is om gesprekke, paneelbesprekings en ander gebeure in die Londen-gebied te bevorder.[36]

Komende boek

[wysig | wysig bron]

In 'n 2018-onderhoud met Susan Gerbic, het Hyde onthul dat sy 'n boek skryf getiteld Unnatural Predators, wat algemene temas in menslike volksoorleweringe deur die geskiedenis ondersoek deur 'n kombinasie van historiese, sielkundige en antropologiese perspektiewe te gebruik.[15]

Toekennings en eerbewyse

[wysig | wysig bron]

In 2017 is Hyde verkies as 'n medewerker van die Committee for Skeptical Inquiry (CSI), 'n program van die Center for Inquiry ter erkenning van haar werk in skeptiese media en gebeure.[37]

Persoonlike lewe

[wysig | wysig bron]

Deborah Hyde woon in die Verenigde Koninkryk, in Wes-Londen.[6]

Verwysings

[wysig | wysig bron]
  1. ↑ 1,0 1,1 1,2 Deborah Hyde. "About Jourdemayne". Jourdemayne (in Engels). Besoek op 5 Augustus 2020.
  2. ↑ 2,0 2,1 "Deborah Hyde appointed as new Managing Editor" (in Engels). The Skeptic. Besoek op 5 Augustus 2020.
  3. ↑ 3,0 3,1 3,2 Deborah Hyde (1 Mei 2015). "The Enfield 'Poltergeist': a sceptic speaks". The Guardian (in Engels). Besoek op 5 Augustus 2020.
  4. ↑ 4,0 4,1 Deborah Hyde (4 Desember 2012). "Vampire legends that refuse to die". The Guardian (in Engels). Besoek op 5 Augustus 2020.
  5. ↑ Ian Sample (20 Oktober 2014). "Halloween special: the science of scary apparitions – podcast" (in Engels). The Guardian. Besoek op 5 Augustus 2020.
  6. ↑ 6,0 6,1 6,2 6,3 6,4 "Contact & Contributors" (in Engels). The Skeptic. Besoek op 5 Augustus 2020.
  7. ↑ Michael Marshall (17 Julie 2015). "2015 ESC Podcast: Episode #04 – Deborah Hyde" (in Engels). Good Thinking Society. Besoek op 5 Augustus 2020.
  8. ↑ DogHouse op IMDb
  9. ↑ 1408 op IMDb
  10. ↑ Deborah Hyde in die Internet-rolprentdatabasis
  11. ↑ Darren S Cook. "Wisdom" (in Engels). Vimeo. Besoek op 5 Augustus 2020.
  12. ↑ Wisdom op IMDb
  13. ↑ "September Man (POC)". Vimeo.com (in Engels). Vimeo. Besoek op 5 Augustus 2020.
  14. ↑ "Previous Posts" (in Engels). Jourdemayne. 2011. Besoek op 5 Augustus 2020.
  15. ↑ 15,0 15,1 15,2 15,3 Gerbic, Susan. "Vampires at CSICON?". CSICop.org (in Engels). CSI. Besoek op 5 Augustus 2020.
  16. ↑ 16,0 16,1 "Review – Deborah Hyde – The Natural History of the European Werewolf" (in Engels). 20 Augustus 2012. Besoek op 5 Augustus 2020.
  17. ↑ Adam Lappin (11 Maart 2012). "QEDcon: Deborah Hyde - The Natural History of the European Werewolf" (in Engels). Critical Tinkering blog. Besoek op 5 Augustus 2020.
  18. ↑ Deborah Hyde (18 Oktober 2014). "CFI UK presents Deborah Hyde on The Natural History of the European Werewolf" (in Engels). British Humanist Association. Besoek op 5 Augustus 2020.
  19. ↑ "Halloween With Deborah Hyde : Interview With a Vampire Expert" (in Engels). Winchester Skeptics. 31 Oktober 2013. Besoek op 5 Augustus 2020.
  20. ↑ Deborah Hyde (8 Augustus 2010). "England's Child Witches" (in Engels). Jourdemayne Blog. Besoek op 5 Augustus 2020.
  21. ↑ Deborah Hyde (21 November 2009). "'Raped by Demons' or 'The Haunted Cheese Sandwich'" (in Engels). Jourdemayne Blog. Besoek op 5 Augustus 2020.
  22. ↑ "Speakers: Deborah Hyde" (in Engels). European Skeptics Congress London. 27 Mei 2015. Besoek op 5 Augustus 2020.
  23. ↑ "Bad Santa: The Growing Popularity of Krampus" (in Engels). Barts Pathology Museum, Queen Mary University of London. 3 Desember 2014. Besoek op 5 Augustus 2020.
  24. ↑ "Bad Santa: The Evil Side of Christmas" (in Engels). Birmingham Skeptics in the Pub. 9 Desember 2015. Besoek op 5 Augustus 2020.
  25. ↑ "You'd better watch out, you'd better not cry..." (in Engels). Greater Manchester Skeptics Society. 10 Desember 2015. Besoek op 5 Augustus 2020.
  26. ↑ "Review – Deborah Hyde – Interview With a Vampire Expert" (in Engels). Edinburgh Skeptics. 4 Augustus 2013. Besoek op 5 Augustus 2020.
  27. ↑ Deborah Hyde (15 November 2012). "The Natural History of the European Werewolf" (in Engels). New York City Skeptics. Besoek op 5 Augustus 2020.
  28. ↑ "The Natural History of the European Werewolf - Deborah Hyde - Skepticon 5" (in Engels). Hambone Productions. 1 Desember 2012. Besoek op 5 Augustus 2020.
  29. ↑ "Skepticon 5 - Free Convention in Springfield, MO 11/9 -11/11/12" (in Engels). Rationalist Society of Saint Louis. 9 November 2012. Besoek op 5 Augustus 2020.
  30. ↑ Deborah Hyde (9 November 2012). "Skeptics, nerds and atheists are on the march across the US". The Guardian (in Engels). Besoek op 5 Augustus 2020.
  31. ↑ "Speakers, Deborah Hyde, Paranormal Investigation". euroscepticscon.org (in Engels). Geargiveer vanaf die oorspronklike op 13 September 2017. Besoek op 5 Augustus 2020.
  32. ↑ "EXCLUSIVE - Enfield Poltergeist Janet Hodgson 2012 on this morning" (in Engels). enfieldpoltergeist. 23 Februarie 2012. Besoek op 6 Augustus 2020.
  33. ↑ Guy Lyon Playfair (2012). "The Enfield Poltergeist explained again - The Deborah Hyde version" (in Engels). Skeptical About Skeptics Blog. Besoek op 6 Augustus 2020.
  34. ↑ "Editorial Advisory Board" (in Engels). The Skeptic. Besoek op 6 Augustus 2020.
  35. ↑ "The Ockhams - UK Skepticism's first awards". The Skeptic (in Engels). 23 (4). 2012. ISSN 0959-5228.
  36. ↑ "About Us - Soho Skeptics" (in Engels). Soho Skeptics. 14 Oktober 2012. Besoek op 6 Augustus 2020.
  37. ↑ "Center for Inquiry News: Cause & Effect: The CFI Newsletter - No. 99". www.centerforinquiry.net (in Engels). Geargiveer vanaf die oorspronklike op 8 Februarie 2018. Besoek op 6 Augustus 2020.

Eksterne skakels

[wysig | wysig bron]