Elon Musk

Elon Musk
Musk in 2016
Gebore	Elon Reeve Musk 28 Junie 1971 (1971-06-28) (53 jaar oud) Pretoria, Suid-Afrika
Nasionaliteit	Suid-Afrika  Kanada  Verenigde State
Beroep	Entrepreneur, uitvinder, belegger, tegnoloog
Bekend vir	SpaceX, PayPal, Tesla Motors, Hyperloop, Zip2, SolarCity
Titel	Hoof- uitvoerende beampte en tegniese direkteur van SpaceX Produkargitek en uitvoerende hoof van Tesla Motors Voorsitter van SolarCity
Eggenoot	Justine Musk (2000–2008) Talulah Riley (2010–2016)
Kinders	12[1]
Ouer(s)	Errol Musk en Maye Musk
Webwerf	www.elonmusk.com
Handtekening

Elon Reeve Musk (gebore 28 Junie 1971 in Pretoria, Suid-Afrika) is 'n VSA-gebaseerde internet- en ruimtelanseringsentrepreneur.^[2] Hy het Suid-Afrikaanse, Kanadese en Amerikaanse burgerskap.

Hy is bekend vir sy sleutelrolle in die ruimtemaatskappy SpaceX en die motormaatskappy Tesla, Inc. Ander betrokkenheid sluit in eienaarskap van X Corp., die maatskappy wat die sosiale media platform X (voorheen bekend as Twitter), en sy rol in die stigting van The Boring Company, xAI, Neuralink en OpenAI. Hy is een van die rykste individue in die wêreld. Musk se persoonlike rykdom is in Augustus 2018 deur Forbes op ongeveer VS$ 20,2 miljard geskat,^[3] en in Augustus 2024 het Forbes sy netto waarde as VS$247 miljard aangegee.^[4]

Jeug en eerste ondernemings

Musk is op 28 Junie 1971 in Pretoria, Transvaal, Suid-Afrika gebore,^[5] die seun van Maye Musk (née Haldeman), 'n mannekyn en dieetkundige uit Saskatchewan, Kanada, en Errol Musk, 'n Suid-Afrikaanse sakeman, elektromeganiese ingenieur, vlieënier en matroos. Hy het 'n jonger broer, Kimbal (gebore 1972), en 'n jonger suster, Tosca (gebore 1974).^[6]

Musk het kortliks aan die Universiteit van Pretoria studeer voordat hy op die ouderdom van 18 na Kanada geëmigreer het, en burgerskap verkry deur sy Kanadees-gebore ma. Twee jaar later gradueer hy aan die Queen's University in Kingston in Kanada. Musk het later na die Universiteit van Pennsilvanië oorgeplaas en baccalaureusgrade in ekonomie en fisika behaal. In 1995 het Musk sy doktorale studies in die fisika van energie aan Stanford Universiteit gestaak. Hy het na Kalifornië verhuis om saam met sy broer Kimbal die medestigter van die aanlyn stadsgids sagtewaremaatskappy Zip2 te word. Die maatskappy het publikasiesagteware aanlyn vir nuusorganisasies voorsien. In 1999 het Compaq se AltaVista-afdeling Zip2 vir VS$ 341 miljoen in kontant en effekte gekoop. Elon en sy broer Kimbal het op daardie tydstip ongeveer 12 persent aandele in Zip2 besit.

In dieselfde jaar was Musk medestigter van X.com, 'n direkte bank. X.com het in 2000 met Confinity saamgesmelt om PayPal te vorm. In Oktober 2002 het eBay PayPal vir $1,5 miljard verkry. Deur $100 miljoen van die geld wat hy gemaak het uit die verkoop van PayPal te gebruik, het Musk SpaceX, 'n ruimtevlug-dienstemaatskappy, in 2002 gestig.

In Maart 1999 word Musk die medestigter van X.com, 'n aanlyn-bankbetaaldiens. X.com staak sy bankdiens, maar die maatskappy se PayPal aanlynbetaaldiens wat in Maart 2000 bekom is as deel van sy aankoop van Confinity, was uiters suksesvol. In Februarie 2001, het X.com sy naam verander na PayPal. In Oktober 2002 is PayPal deur eBay bekom vir VS$ 1,5 triljoen in effekte. Voor die maatskappy verkoop is, het Musk 11,7% van PayPal besit.

Entrepreneur by SpaceX, Tesla, X en xAI

In Junie 2002 stig Musk sy derde maatskappy, Space Exploration Technologies (SpaceX), waarvan hy tans die hoof- uitvoerende beampte en hoof- tegnologiebeampte is. SpaceX ontwikkel en vervaardig ruimtelanseringvuurpyle, met die klem op lae koste en hoë betroubaarheid. Die maatskappy se eerste twee lanseertuie is die Falcon 1 en Falcon 9 vuurpyle.

In 2004 was Musk 'n vroeë belegger wat die meeste van die aanvanklike finansiering verskaf het in die elektriese- voertuigvervaardiger Tesla Motors, Inc. (later Tesla, Inc.), waar hy die maatskappy se voorsitterskap oorgeneem het. Hy het later die produkargitek geword en in 2008 die HUB. Musk het in 2006 gehelp om SolarCity te skep, 'n sonkragmaatskappy wat in 2016 deur Tesla verkry is en Tesla Energy geword het. In 2013 het hy 'n hiperlus-hoëspoed vakuumtreinvervoerstelsel voorgestel. In 2015 het hy OpenAI, 'n nie-winsgewende kunsmatige intelligensie navorsingsmaatskappy gestig. Die volgende jaar was Musk medestigter van Neuralink, 'n neurotegnologie-maatskappy wat brein-rekenaarkoppelvlakke ontwikkel, en The Boring Company, 'n tonnelkonstruksiemaatskappy.

In 2022 het hy die webwerf Twitter vir $44 miljard gekoop, die maatskappy saamgesmelt in die nuutgeskepte X Corp., en die diens die volgende jaar as X herbenoem. In Maart 2023 het Musk xAI, 'n kunsmatige intelligensiemaatskappy, gestig.

Omstrede uitsprake

In 2018 het die V.S. Securities and Exchange Commission (SEC) Musk gedagvaar en beweer dat hy valslik aangekondig het dat hy finansiering vir 'n private oorname van Tesla verkry het. Om die saak te skik, het Musk as voorsitter van Tesla uitgetree en 'n boete van $20 miljoen betaal. Musk het ook ander standpunte uitgespreek wat hom 'n polariserende figuur gemaak het.^[7] Hy is gekritiseer vir die maak van onwetenskaplike en misleidende stellings, insluitend COVID-19-waninligting, die bevordering van regse samesweringsteorieë, en “onderskryf 'n antisemitiese samesweringsteorieë”; hy het later om verskoning gevra vir die laaste hiervan.^[8][7][9] Sy eienaarskap van Twitter was omstrede weens die afleggings van 'n groot aantal werknemers, 'n toename in haatspraak, verkeerde inligting en disinformasieplasings op die webwerf, en veranderinge aan die Twitter Blue-verifikasie.

Nie-ruimtegebaseerde aktiwiteite

Musk is die voorsitter van die Musk Stigting, wat fokus op filantropiese aktiwiteite in die velde van wetenskap-onderwys, pediatriese gesondheid en skoon energie.

Ruimtegebaseerde aktiwiteite

In 2001 het Musk planne ontwikkel vir 'n "Mars Oase" projek, waarvolgens 'n miniatuur eksperimentele groenhuis op Mars geland sou word, waarin gesaaides gekweek kon word. Hy het die projek op ys geplaas nadat hy uitgevind het dat die koste van lansering so hoog sal wees dat geen geld beskikbaar sou wees om so 'n projek te ontwikkel nie. Hy het besluit om eerder te werk om die koste van lanserings te verlaag en het vir dié doel SpaceX gestig.

Musk is 'n lid van die raad van direkteure van die Planetary Society en die raad van trustees van die X-Prize Foundation.

Belangstellings

Musk besit 'n McLaren F1 sportmotor en 'n Tsjeggies-vervaardigde Aero L-39 opleidingsvliegtuig.

Onderwys en opleiding

• Wharton School of Business aan die Universiteit van Pennsilvanië, B.S. Ekonomie
• Universiteit van Pennsilvanië, B.A. Fisika
• Presteer in wiskunde en wetenskap aan die Pretoria Boys High School.

Verwysings

1. Alexander, Sophie; Hull, Dana (21 Junie 2024). "ELON WANTS YOU TO HAVE MORE BABIES". Bloomberg News. Besoek op 21 Junie 2024.
2. Curtis, Sophie (10 November 2014). "Elon Musk 'to launch fleet of internet satellites'". The Daily Telegraph (in Engels). London. Geargiveer vanaf die oorspronklike op 15 Julie 2019. Besoek op 23 Junie 2015. Elon Musk, inventor and business magnate
3. "Elon Musk". Forbes (in Engels). Geargiveer vanaf die oorspronklike op 15 April 2020. Besoek op 25 Augustus 2018.
4. "The Top 10 Richest People In The World (August 2024)". Forbes. 1 Augustus 2024. Geargiveer vanaf die oorspronklike op 1 Augustus 2024. Besoek op 2 Augustus 2024.
5. "Elon Musk (South African entrepreneur)" (in Engels). Britannica Online Encyclopedia. Geargiveer vanaf die oorspronklike op 30 April 2015. Besoek op 23 Desember 2012.
6. Friend, Tad (2009). "Plugged In". The New Yorker. 85 (23–30): 53. Besoek op 23 Desember 2012.
7. Ghaffary, Shirin (20 Mei 2023). "Elon Musk won't stop tweeting his way into trouble". Vox (in Engels). Geargiveer vanaf die oorspronklike op 27 Oktober 2023. Besoek op 28 Oktober 2023.
8. Chafkin, Zuidijk, Max, Daniel (22 November 2023). "How Elon Musk Spent Three Years Falling Down a Red-Pilled Rabbit Hole". Bloomberg News. Besoek op 26 Junie 2024.
9. "Another Day, Another Antisemitic Conspiracy Theory for Elon Musk and X". Vanity Fair. 16 November 2023. Geargiveer vanaf die oorspronklike op 17 November 2023. Besoek op 18 November 2023.

Eksterne skakels

• Wikimedia Commons het meer media in die kategorie Elon Musk.
• Elon Musk in die Internet-rolprentdatabasis
• Verskynings op C-SPAN
• "'n Onderhoud met Elon Musk". HobbySpace. 5 Augustus 2003.