Karen Muir
Karen Muir (16 September 1952, Kimberley - 2 April 2013, Mosselbaai) was 'n Suid-Afrikaanse swemmer. In 1965 word sy die jongste persoon ooit om 'n wêreldrekord in 'n sportitem op te stel.[1][2][3]
Swemloopbaan
[wysig | wysig bron]Op 10 Augustus 1965 was sy 12 jaar, 10 maande en 25 dae oud toe sy die 110 treë-rugslag (tans 100 m) in 1:08.7 afgelê het in 'n nuwe wêreldrekord tydens die nasionale juniorbyeenkoms in Blackpool, Engeland. Gedurende die volgende vyf jaar stel sy 15 nuwe wêreldrekords op in die 110- en 220 treë-rugslag. Sy het titels gewen by 22 Suid-Afrikaanse byeenkomste en het ook drie Amerikaanse titels ingeoes. Sy is in 1980 opgeneem in die Internasionale Heldesaal vir Swemmers.
Weens Suid-Afrika se apartheidsbeleid kon sy nie aan enige Olimpiese Speles deelneem nie.
Professionele loopbaan
[wysig | wysig bron]Na skool het sy haar as 'n dokter bekwaam en het lank in Ladysmith, KwaZulu-Natal gepraktiseer. Gedurende 2000 het sy na Kanada verhuis.
Privaatlewe
[wysig | wysig bron]Sy het vier kinders en een kleindogter. Gedurende 2009 is sy met borskanker gediagnoseer wat gedurende 2012 verder versprei het. Sy is op 1 April 2013 weens die borskanker dood.
Bron
[wysig | wysig bron]- Muir sê sy wil nie nou al sterf Geargiveer 16 Augustus 2012 op Wayback Machine, Beeld, 15 Augustus 2012.
Verwysings
[wysig | wysig bron]- ↑ Geskiedenis[dooie skakel], Swen Suid-Afroka
- ↑ "South Africa Swimmer, 12, Wins Third Title in Britain", New York Times, 14 Augustus 1965
- ↑ "Karen Muir: She Just Goes Out and Swims"[dooie skakel], St. Petersburg Times, 15 Augustus 1965