Krugersdorp

Krugersdorp
Stad
Krugersdorp se Stadsaal
Krugersdorp  Krugersdorp se ligging in Gauteng
Koördinate: 26°6′S 27°46′O / 26.100°S 27.767°O / -26.100; 27.767
Land	Suid-Afrika
Provinsie	Gauteng
Distrik	Wesrand
Munisipaliteit	Mogale City
Stigting	1887
Oppervlak [1]
• Totaal	247,22 km^2 (95,45 vk. myl)
Hoogte	1 724 m (5 656 ft)
Bevolking  (2011)[1]
• Totaal	140 643
• Digtheid	569/km^2 (1 470/vk. myl)
Rasverdeling (2011) [1]
• Wit mense	50.2%
• Indiërs/Asiërs	5.4%
• Bruin mense	1.4%
• Swart mense	42.3%
• Ander	0.8%
Taal (2011) [1]
• Afrikaans	42.0%
• Engels	19.5%
• Tswana	14.5%
• Zoeloe	4.8%
• Ander	19.2%
Poskode (strate)	1740
Poskode (posbusse)	1740
Skakelkode	011

Featherbrooke-landgoed, Januarie 2014

Krugersdorp, oorspronklik Paardekraal genoem en voorheen met 'n eie stadsraad, is 'n stad in die munisipale gebied bekend as Mogale City, op die Wesrand van Gauteng, Suid-Afrika.

Geskiedenis

Krugersdorp het sy bestaan te danke aan goud soos baie dorpe in Gauteng. Op 27 April 1887 het die regering van die Transvaalse Republiek besluit om 428 ha van die plaas Paardekraal teen £3 000 aan te koop vir 'n dorp. Die dorp moes dien as 'n administratiewe sentrum vir al die mynboubedrywighede wes van Johannesburg. Die eienaar van die plaas, Marthinus Pretorius, het aangedring dat die nuwe dorp ter ere van Paul Kruger genoem word. Die eerste standplase is op 31 Oktober 1887 verkoop. Twee jaar later het die regering £800 aan die munisipaliteit geskenk om bome langs die strate te plant. Die spoorlyn vanaf Johannesburg het Krugersdorp teen 1891 bereik.

George Pratley, die Suid-Afrikaanse ingenieur van Krugersdorp, het Pratley Putty in die sestigerjare ontwerp.

Algemeen

Gerard Moerdyk het die Hervormde kerk ontwerp. Dis in 1935 ingewy.

Krugersdorp is veral bekend vir sy geskiedkundige rol in die Jameson-inval, die Eerste Vryheidsoorlog, die Paardekraal Monument die nabygeleë myne en die Sterkfonteingrotte wat tot wêrelderfenisgebied verklaar is. Hierdie grotte noordwes van Krugersdorp het internasionale bekendheid verwerf toe die Skotse medikus en paleontoloog dr. Robert Broom hier in 1947 "Mevrou Ples" en ander mensagtige fossiele ontdek het.^[2] Die N14 nasionale pad gaan noordwes van Krugersdorp verby.

Distrik

Die distrik is 1 500 km² groot. Die myne in die distrik lewer hoëgraadse mangaan, verskeie kleurstowwe, kalk en dolomiet. Die belangrikste landbouprodukte is mielies, tabak, beeste, suiwelprodukte, sagtevrugte en snyblomme. Dr. D.F. Malan het op 8 Oktober 1952 die eerste aanleg geopen wat uraan as 'n neweproduk van goud produseer.

Besienswaardighede

Die Paul Kruger-standbeeld in Beginstraat

Konsentrasiekamp te Krugersdorp tydens die Tweede Vryheidsoorlog

• Krugersdorp Museum
• Krugersdorp Wildreservaat
• Maropeng
• Ou Kromdraai Goudmyn
• Paardekraal Monument
• Robert Broom Museum
• Sterkfonteingrotte
• Tarlton International Raceway
• Wieg van die Mensdom
• Wondergrot

Bekende inwoners van Krugersdorp

• Christa Steyn, Afrikaanse sangeres is hier gebore.
• Clive Derby-Lewis, verregse politikus wat sluipmoord op Chris Hani gepleeg het.
• Danie Theron, 'n baasverkenner in die Tweede Vryheidsoorlog.
• Daniël Krige, ingenieur en professor.
• Frederik Willem de Klerk, voormalige Staatspresident.
• Jan Kemp, soldaat en kabinetsminister.
• Marthinus Wessel Pretorius, eerste President van die ZAR.
• Phil Mostert, Suid-Afrika se sestiende Springbokrugbykaptein is hier gebore.
• Brad Binder, eerste Suid-Afrikaanse wenner van 'n MotoGP wedren.

Onderwys

Die skole in Krugersdorp sluit in:

• Hoërskool Bastion
• Hoërskool Jan de Klerk
• Hoërskool Monument
• Hoërskool Noordheuwel
• HTS Nic Diederichs
• Krugersdorp High
• Laerskool Ebenhaeser
• Laerskool Kenmare
• Laerskool Krugersdorp-Noord
• Monument Primary
• Townview High
• Laerskool Millennium Primary
• Laerskool Muldersdrif

Sien ook

• Gereformeerde kerk Johannesburg
• Gereformeerde kerk Krugersdorp
• Lys van dorpe in Suid-Afrika
• NG gemeente Krugersdorp
• NG gemeente Luipaardsvlei

Bronne

• Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
• Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.

Verwysings

1. "Hoofplek Krugersdorp". Sensus 2011.
2. McDonald, Elsa: Krugersdorp 100. In: Suid-Afrikaanse Panorama, volume 32, nommer 8 (Augustus 1987), bl. 33

Eksterne skakels

• Wikimedia Commons het meer media in die kategorie Krugersdorp.
• Mogale City se webwerf Geargiveer 10 Februarie 2007 op Wayback Machine
• Google kaart van Krugersdorp