Silvio Berlusconi

Silvio Berlusconi
Silvio Berlusconi in 2010
50ste Eerste Minister van Italië
Ampstermyn 8 Mei 2008 – 16 November 2011
President	Giorgio Napolitano
Voorafgegaan deur	Romano Prodi
Opgevolg deur	Mario Monti
Ampstermyn 11 Junie 2001 – 17 Mei 2006
Voorafgegaan deur	Giuliano Amato
Opgevolg deur	Romano Prodi
Ampstermyn 10 Mei 1994 – 17 Januarie 1995
Voorafgegaan deur	Carlo Azeglio Ciampi
Opgevolg deur	Lamberto Dini
Persoonlike besonderhede
Gebore	(1936-09-29)29 September 1936 Milaan, Italië
Sterf	12 Junie 2023 Milaan, Italië
Politieke party	Forza Italia (1994−2009) Il Popolo della Libertà 2009−2013) Forza Italia (2013−hede)
Eggenoot/-note	Carla Dell'Oglio (∞ 1965, geskei in 1985) Veronica Lario (∞ 1990, geskei in 2010) Francesca Pascale (lewensmaat, sedert 2013)
Kind(ers)	Marina Pier Silvio Barbara Eleonora Luigi
Alma mater	Universiteit van Milaan
Handtekening

Silvio Berlusconi (29 September 1936 ‒ 12 Junie 2023) was 'n Italiaanse politikus en entrepreneur. Hy het vier keer die amp van eerste minister beklee (1994−1995, 2001−2005, 2005−2006 en 2008−2011) en het daarnaas tydens 'n oorgangsfase ook as minister van buitelandse sake, ekonomie en finansies gedien. Vanaf 1994 tot 2013 was Berlusconi 'n lid van die Italiaanse parlement. Tussen Maart en November 2013 was hy lid van die Italiaanse Senaat. Berlusconi is die naamgewer vir die neologisme Berlusconisme - 'n omstrede politieke term waarmee joernaliste na 'n sekere vorm van populisme in 'n demokratiese stelsel verwys waarin die media - en juis nie politieke partye nie - 'n beslissende rol speel.^[1]

Berlusconi was eienaar van die onderneming Fininvest, 'n houermaatskappy met belange in die media-, bank- en versekeringsbedryf. Met 'n fortuin, wat in 2018 op sowat VSA-$6,7 miljard beraam is, was Berlusconi onder die welvarendste Italianers gereken.

Verwysings

1. Gian Enrico Rusconi: Die Mediendemokratie und ihre Grenzen - am Beispiel von Berlusconis Italien. In: bpb.de, 20 Augustus 2004. Besoek op 2 Mei 2019