Skylab

Skylab op 8 Februarie 1974.

Skylab was die eerste Amerikaanse ruimtestasie wat om die Aarde gewentel het. Dit is op 14 Mei 1973 met ’n Saturn V-vuurpyl gelanseer. Dit het 75 ton geweeg en het hoofsaaklik bestaan uit onderdele wat van die Apollo-program oorgebly het. Dit was die laaste lansering wat met dié tipe vuurpyl uitgevoer is. Die stasie is tydens die lansering beskadig en een sonpaneel het afgebreek, terwyl die ander vasgehaak het en ernstig deur ’n hitteskild beskadig is. Die skade is tydens ’n tweede sending herstel en die Skylab kon tydens verdere sendings gebruik word waarvoor dit bedoel was:

  • navorsing oor of mense vir lang tye in die ruimte kan woon en werk; en
  • die uitbreiding van kennis oor die sonnestelsel.

Verskeie tegniese en mediese eksperimente is uitgevoer waarvoor gewigloosheid nodig was. Die laaste sending het op 16 November 1973 vertrek en op 8 Februarie 1974 teruggekeer. Skylab het hierna vir ’n paar jaar onbeman om die Aarde gewentel, en op 11 Julie 1979 na die Aarde teruggeval. Dit het grotendeels in die atmosfeer verbrand, maar van sy wrakstukke het in Australië en die Indiese Oseaan geval.

  • Lansering van die Skylab
  • Die Skylab-ruimtestasie, soos deur die vertrekkende bemanning van Skylab 1 verfilm
  • Bemanning speel binne die stasie rond

Sendings in die Skylab-program

[wysig | wysig bron]

Alhoewel die Skylab-program gebruik gemaak het van oorskotmateriaal van die Apollo-program (veral die laaste Saturn V-vuurpyl wat ooit vervaardig is), het dit nie deel uitgemaak van die Apollo-program nie maar was dit ’n program op sy eie.

Sending Embleem Bevelvoerder Wetenskaplike vlieënier Vlieënier Lanseringsdatum Landingsdatum Tydsduur (dae)
Skylab 1 SL-1
Onbemande sending 1973-05-14
17:30:00 UTC 		1979-07-11
16:37:00 UTC 		2248.96
Skylab 2 SL-2 (SLM-1)
Pete Conrad Joseph P. Kerwin Paul Weitz 1973-05-25
13:00:00 UTC 		1973-06-22
13:49:48 UTC 		28.03
Skylab 3 SL-3 (SLM-2)
Alan Bean Owen K. Garriott Jack R. Lousma 1973-07-28
11:10:50 UTC 		1973-09-25
22:19:51 UTC 		59.46
Skylab 4 SL-4 (SLM-3)
Gerald Carr Edward Gibson William Pogue 1973-11-16
14:01:23 UTC 		1974-02-08
15:16:53 UTC 		84.04