- 28. April: Bi re Brunscht wäre 52 Hyyser in dr Junkeregass z Bärn gschlisse. Am 14. Mai chunnt s no mol zue re Brunscht, wu ne Großdail vu dr Bärner Altstadt gschlisse wird. Rund 600 Hyyser brännen ab, iber hundert Mänsche chemen um s Lääbe.
- 16./17. Juni: In dr Appezällerchrieg chunnt s zum Gfächt bi Rotmonte zwische dr mit Appezäll verbindete Stadt St. Gallen un em Huus Habsburg. No ne baar chlainere Zämesteß ziet si dr Herzog Friedrich IV. vu Tirol zrugg un wändet si dr Appezäller zue, wu s Rhydal bedrohe.
- 17. Juni: In dr Schlacht am Stoss siigt s Land Appezäll iber dr Herzog Friedrich IV. vu Tirol un dr Firschtabt Kuno von Stoffeln vu St. Galle.
- 25. Juli: S Ulmer Minschter, deckt mit eme provisorische Notdach, wird gweiht.
- 14. Septämber: Im Marbacher Bund veraine si dr Erzbischof un Kurfirscht Johann II. vu Mainz, dr Grof Eberhard III. vu Wirttebärg, dr Markgrof Bernhard I. vu Bade un 17 schwebischi Stedt gege di territorialen Aasprich vum remisch-dytsche Chenig Ruprecht.
- 15. Septämber: Unter dr Fierig vu St. Galle un Appezäll wird dr Bund ob dem See grindet. D Stadt Altstätte un d Buure im Walgau un im Montafon, Bludaz, Rankweil, Luschtnou un Fealdkirch schließe si em Bund aa. Sargans, wu Widerstand laischtet, wird verwieschtet. Im Side zien d Appezäller in dr negschte Monet iber s Toggeburg in d Linthebeni, im Weschte bis in Tuurgi un im Oschte iber dr Arlbärg bis uf Tirol.
- Dr chinesisch Admiral Zheng He bricht mit ere Flotte vu 62 Schiff un 27.800 Mann Bsatzig zue syre erschte Rais uf, wu ne uf Vietnam, Java, Malakka, Sri Lanka un an d Sidoschtkischte vu Indie fiert.