Lützelflüh

Lützelflüh
	Wappe vo Lützelflüh
Basisdate
Staat:	Schwiiz
Kanton:	Bärn (BE)
Verwautigschreis:	Ämmitau
BFS-Nr.:	0955
Poschtleitzahl:	3432
Koordinate:	618611 / 205467Koordinate: 47° 0′ 0″ N, 7° 41′ 0″ O; CH1903: 618611 / 205467
Höchi:	585 m ü. M.
Flächi:	26,9 km²
Iiwohner:	4366 (31. Dezämber 2022)
Website:	www.luetzelflueh.ch
	Gotthelf-Zentrum Emmental, Lützeflüe Gotthelf-Zentrum Emmental, Lützeflüe
Charte
	Charte vo Lützelflüh

Lützeflüe (amtlech Lützelflüh) isch en Ywohnergmeind im Verwautigs-Chreis Ämmitau im Kanton Bärn, Schwyz.

Geografy

Lützeflüe ligt uf bede Syte vor Ämmi im ungere Ämmitau. Zur Gmeind ghöre d Ortsteil Oberdorf, Ungerdorf, Grüenematt, Ramsei u d Exklave Luterbach un Oberried. D Gmeindsflächi bsteit us 65,7 % langwirtschaftlecher Flächi, 24,8 % Waud, 8,9 % Sidligsflächi u 0,7 % süschtigi Flächi.^[2] D Nachburgmeinde si Rüegsou, Sumiswaud, Trachsuwaud, Rüderschwiu, Hasli.

Gschicht

Lützeflüe isch zum eerschte Mau im Jahr 1225 aus Lucelfluo gnennt worde.

Im Wyler Ramsei isch bis änds 20. Jahrhundert d Moschterei «Ramseier» gläge.^[2]

Bis zum 31. Dezämber 2009 het d Gmeind zum Amtsbezirk Trachsuwaud ghört.

Ywohner

Quäuue: Bundesamt für Statistik 2005^[3]

Zue- u Abnahm syt 1850

Jahr	1850	1860	1870	1880	1888	1900	1910	1920
Ywohner	3433	3254	3336	3429	3413	3444	3644	3705
Jahr	1930	1941	1950	1960	1970	1980	1990	2000
Ywohner	3764	3766	4042	3960	3842	3770	3826	3957

Dr Uusländeraateil isch 2010 bi 4,8 % gläge.^[2]

Religion

85 % vo de Ywohner si evangelisch-reformiert, 5,4 % si römisch-katholisch (Stang 2000).^[2]

Sprach u Dialäkt

Bir Vouchszeuuig 2000 hei vo de 3957 Ywohner 96,2 % Dütsch aus Houptsprach aaggää, 0,4 % Französisch u 0,9 % Italiänisch.

Dr bärntütsch Dialäkt vo Lützeflüe ghört zum Hochalemannisch.

Politik

Bi de Nationauraatswahle 2011 het s das Ergebnis ggää:^[2] BDP 17,0 %, CVP 0,7 %, EVP 7,0 %, FDP 5,6 %. GLP 2,7 %, GP 6,4 %, SP 10,9 %, SVP 41,9 %, Suschtigi 7,8 %.

Gmeindspresidänt vo Lützeflüe isch dr Beat Iseli (Stang 2013).

Wirtschaft

D Arbetslosigkeit isch im Jahr 2011 bi 2,2 % gläge.^[2]

Lüt

Z Lützeflüe lige drei bikannti Lüt bigrabe: der Pfarer u Outor Jeremias Gotthelf, der Outor Simon Gfeller und de Bärntütschforscher Emanuel Friedli. Uf d Wäut cho isch z Lützeflüe (im Wyler Ramsei) d Ruth Jörg, langjährigi Redaktorin am Schwyzerische Idiotikon.