Monrose isch e drüchöpfigi, dütschi Castingband gsi. Si isch im Herbscht 2006 ide ProSieben-Show Popstars zämegstöut worde. Monrose gäutet aus Nachfouger vode erfolgriiche No Angels. För ehres Debut-Aubom Temptation hets vier Mou Goud ond einisch Platin gäh. S zwöite Aubom vo de Monrose, Strictly Physcial, esch im September 2007 usecho, nochhär hends ehre zwöiti Chart-Hit met "Hot Summer" glandet ond esch met Doppel-Goud uszeichnet worde. Am 26. September 2008 hend d Monrose ehres drette Studioaubom I Am veröffentlecht. Met I Am send si ide Schwiiz, Düütschland ond Öschtriich id Top 20 cho. Wältwiit hend Monrose öber 1 Millione Platte verchouft.[1]
Monrose hend dMusig-Verastaltig The Dome 46 moderiert.[2]
Am 25. November 2010 het s Trio d Uflösig vo dr Band bekannt gää.[3] D Uftrett für 2011 solle aber no durgfüert werde.[4]
Senna Guemmour (*28. Dezember 1979 z Frankfurt am Main). D Guemmour führt d Groppe Monrose a, in Interviews esch sie im Vordergrond ond schniit sech vo de andere Bandmetgleder ab. S erschte Soloprojekt het metem Dieter Falk sim Aubom Volkslieder stattgfonde. En witere Solo-Act het sie metem düütschte Rapper Kool Savas gha, wo sie im Aprel d Single "Melodie" bigstürt het.[5] D Guemmour moderiert setem 9. September ufem Sänder ProSebe d Musigshow Singing Bee, wo ursprönglech vo Amerika stammt, zäme metem Oliver Petzokat.[6] Set em 5. Mai 2009 setzt sie ide Jury vo de ProSebe-Sändig-Mascerade - Deutschland verbiegt sich zämme metem Detlef D! Soost ond pro Woche en jewilige Gast-Juror. [7]
Mandy Capristo (*21. März 1990 z Mannheim). Im Alter vo 11 Johre het d Capristo de Kiddy Contest 2001 met ehrem Lied "Ich wünsche mir einen Bankomat" gwonne. De Song beinhaltet Elemänt vo de No Angels ehrem Debut-Hit "Daylight in Your Eyes". Im Johr 2002 esch sie ufem Aubom Kiddy Contest Vol. 8 met em Song "Moskito" droffe gsee.[8] S Aubom het de Platz 1 i de Östrichische Charts erreicht. D Capristo esch im Ougust 2007 vom Männermagazin FHM uf Platz 10 vo de „100 Sexiest Women in the World“ gwählt worde.[9] Im Juni 2009 hets d Capristo ad Spetzi vo de FHM-Wahl „100 Sexiest Women in the World“ dor d Läser gschafft.[10]
Bahar Kızıl (*5. Oktober 1988 z Friburg im Briisgau). D Kızıl esch vonere törkische Familie, de Name "Bahar" bedütet in törkisch sowie in persisch "Früehlig". Met 12 Johre het d Kızıl metem Ballett agfange. D Kızıl het scho früehner ersti Bühneerfahrige gsammlet, wo si met vier verschedene Bands ufträtte esch.[11] Im April 2009 het d Kızıl för en Star-Karaoke-Show in London zäme metem VIVA-Moderator Jan för de Sänder Cartoon Network moderiere. Die Sändig werd im Sommer usgstrahlt. Zorziit werd verhandlet, öb die Sändig au ufem Kabel 1 erschene werd. Im Juni 2009 esch d Kızıl ufe Platz 3 im Ranking vo de „100 Sexiest Women in the World 2009“ glandet.[12]
Im spote Oktober 2006 send die letschte sächs Finalistinne vo de füft Popstars-Staffle is Ufnahmestudio gange ver öbbe drüü Woche ond hend abwächslegswiis Songs förs Albom produziert. S Albom hed e grosse Erfolg chönne verbueche. A de Spetzi vo de Charts in Östriich, Dütschland ond i de Schwiiz esch s Albom platziert gsee ond hed ougeblecklech Platin-Status erreicht. Im Juni 2007 esch s Albom offiziell met Triple-Platin uszeichnet worde för 450'000 verchoufti Kopie wältwiit.[13] "Shame" hed einisch Goud ond einisch Platin öbercho ond esch in Dütschland die erfolgrichschti Singel im Johr 2006 gsee. Met de zwöite Single "Even Heaven Cries" hend d Monrose wöue a Eurovision Song Contest 2007 of Helsinki (Finnland), hend jedoch am 8. März 2007 ade dütsche Vorentscheidig gäge de Roger Cicero verlore, wo metem Song "Frauen regier'n die Welt" s Publikom öberzügt hed.
Am 21. September 2007 esch s zöwite Studioalbom i de dütschsprochige Region erschene, am 8. Oktober in Teil vo Ost-Europa. Im Januar 2008 het s Albom Doppel-Gold-Status[14] erreicht, met meh as 110'000 verchoufte Platte wältwiit. Vom Aubom send drüü Singles veröffentlecht worde, "Hot Summer" esch di erst gse ond het au Erfolg in Skandinavie, Ost-Europa ond Belgie gha. Osserdem send d Monrose im Juni 2008 i dr Türkei gse för diversi Interviews mit Magazine om ehre Sommerhit 2007 "Hot Summer" dete zpromote.[15][16]
Als zwöiti Single-Uskopplig esch d Single "Strictly Physical" ehri vierti Top-Ten-Hit in Düütschland gseh ond ehre zwöiti Top-Ten-Hit in Pole.
Ehri 6. Single, "Strike The Match" esch am 6. Juni 2008 erschene ond erstmous bim Germany's Next Topmodel-Finau am 5. Juni vorgstöut.[17]
För ehres Albom hend sech d Monrose onterstötzig vom Ryan Tedder, de Frontmaa vo de Band OneRepublic, gholt. Sie hend vo ehm s Lied Strike The Match usgsuecht wo är produziert het.[18] Am 26. September 2008 esch sdrette Studioaubom I Am erschene, ei Woche spöter, am 4. Oktober, di zwöiti Singleuskopplig "Hit 'N' Run".[19][20]
D Monrose send för eis Joor als Teschtmonial förd Nintendo DS ond Wii Games vo dtp young entertainment engagiert.[21]
Die dretti offizielli Single vom Albom esch "Why Not Us" ond esch am 28. November 2008 veröffentlecht worde.[22]
Monrose hend metem R'n'B-Star Craig David en nöij Version vo sim Nommer-1-Hit "Walking Away" ufgnoh ond es Video zäme in London im Juli 2008 dräit. D Single werd vorussechtlech im Februar 2009 erschene.[23]
Förs vierte Studiaubom hend sech d Monrose zwöi Joor Ziit gloh. Onder anderem hend sie s Aubom au in New York ufgnoh.[24][25] S Aubom schloht id Rechtig vom ziitgenössische Elektro Pop, Dance. Ersti öffentlichi vorstellige vo neue Songs hets binere Autogrammstond in Zämmenarbet met BeYu, wo dMonrose set November 2009 als Testimonial onder Vertrag stönd,[26][27] bi de Thomas & Helga Show uf NDR[28] ond werds no bi The Dome 54 gä.[29]