Mélanie René

d Mélanie René (2015)

D Mélanie René (* 1. Septämber 1990 z Gämf) isch e Schwyzer Sängerin. Si het ihre Land anne 2015 bim Eurovision Song Contest verdrätte.

Lääbe

[ändere | Quälltäxt bearbeite]

D Mélanie René isch z Gämf as Dochter vu mauritianische Eltere uf d Wält chuu. Mit sibe Johr isch si zum erschte Mol uf Familiefyre un Fescht ufdrätte. Anne 1995 isch d Familie in s franzesisch Département Haute-Savoie zoge. Anne 2009 het si d Schwyz bim Gregoriu International Festival in dr rumänischen Stadt Brăila verdrätte mit e sälber komponierte Titel „Il chante avec les anges” (alem.: Är singt mit dr Ängel), e Tribut an ihre Großvater, un het dr Wettbewärb gwunne. Anne 2010 isch si im änglische Guildford uf d Academy of Contemporary Music un uf s Institute of Modern Music z Brighton gange, wu si mit eme Bachelor in Musikperformance abgschlosse het.[1]

Am 31. Jänner 2015 het si gege fimf Konkurränte dr Schwyzer Vorentschaid Die große Entscheidungsshow zum ESC 2015 z Wien gwunne mit em sälber gschribene Lied Time To Shine (dt.: Zyt zum schyyne). Si isch di erscht Verdrätteri vum franzesischsprochige Sänder RTS bim Wettbewärb syt 1996 un di erscht Gämferi bim ESC syt 1992.[2] Bim zweete Halbfinale am 21. Mai het si si nit chenne fir s Finale qualifiziere.

Diskografy

[ändere | Quälltäxt bearbeite]
  • 2015: Time to Shine
  • 2015: On avait rêvé
[ändere | Quälltäxt bearbeite]
 Commons: Mélanie René – Sammlig vo Multimediadateie

Fueßnote

[ändere | Quälltäxt bearbeite]
  1. ↑ www.melaniereneofficial.co.uk Archivlink (Memento vom 1. Februar 2015 im Internet Archive)
  2. ↑ eurovoix.com


Dä Artikel basiert uff ere fräie Übersetzig vu dere Version vum Artikel „Mélanie_René“ vu de dütsche Wikipedia. E Liste vu de Autore un Versione isch do z finde.