Wappe | Ditschlandkart | |
---|---|---|
| ||
Basisdate | ||
Bundesland: | Bade-Wirttebärg | |
Regierungsbezirk: | Friiburig | |
Krais: | Ortenaugrais | |
Heh: | 158 m i. NHN | |
Flech: | 38,3 km² | |
Iiwohner: |
7235 (31. Dez. 2022)[1] | |
Bevelkerungsdicht: | 189 Iiwohner je km² | |
Boschtlaitzahl: | 77963 | |
Vorwahl: | 07824 | |
Kfz-Kennzaiche: | OG | |
Gmeischlissel: | 08 3 17 150 | |
NUTS: | DE178 | |
Adress vun dr Gmaiverwaltung: |
Kirchstraße 16 77963 Schwaanai | |
Webpräsenz: | ||
Burgermaischter: | Marco Gutmann | |
Lag vun vo de Gmai Schwaanai im Ortenaugrais | ||
Schwaanai (dt. Schwanau) isch e Gmai im undere Riäd, wu zum Ortenaugrais z Bade-Wirtteberig gherd.
Schwaanai liit in dr Owerrhinische Diefebeni diräkt am Rhii. Dr Bann bstoht us 52,8 % Landwirtschaftsflechi, 25 % Wald, 11,4 % Sidlungsflechi un 10,8 % sunschtiger Flechi.[2]
Nochbergmaine sin Missennä im Norde, d Stadt Lohr im Oschte, d Stadt Mohlburig im Sidoschte, Kabbl-Groffehüüse im Side un di elsässische Gmaine Rhinài un Geerschte im Weschte.
Zue Schwaanai ghere d Ortsdail Allmeschwiihr (dt. 'Allmannsweier'), Nunnewiihr (dt. 'Nonnenweier'), Oodne (dt. 'Ottenheim') un Widdäwiihr (dt. 'Wittenweier')..[3]
Schwaanai isch entstande am 1. Juli 1972 dur dr Zämmeschluss vun dr vorher selbschtändige Gmaine Allmeschwiihr, Nunnewiihr un Oodne. Scho zum 1. Dezämber 1971 isch Widdäwiihr zue Oodne iigmaindet wore.[4]
Zem erschte Mol gnännt worre isch Allmeschwiihr anne 1016, Nunnewiihr 845, Oodenä 1070 un Widdäwiihr 1270.
Schwaanai het mit dr Gmai Missenä e Verwaltungsgmainschaft verinbart.
Burgermaischter vun Schwaanai:
Sit dr Reformation sin d Derfer vun dr hitige Gmai proteschtantisch bregt. In allne Ortsdail git s e evangelischi Kirch. Noch em Zensus 2011 sin 60 % vun dr Inwohner evangelisch un 23 % kadolisch.[5]
Dr Dialäkt vun Schwaanai ghert zum Owerrhinalemannisch. Innerhalb vum Owerrhinalemannische wurd där Dialäkt de Sproochlandschaft vun de Ortenau zuegordnet[6].
Bsunderheite im Dialäkt in de Ortschafte vu Schwaanai un de Umgegend kennen ich ne paar Wenkersätz üssem Wenkerboge vu Oodne gän. Si sin 1887 durch Schueler un em Lährer Jakob Löffler nodiert worre. Im Wenkerboge findet si die Amerkung: „Nähere Auskunft über die hiesige Mundart giebt die Broschüre: Grammatikalische Darstellung der Mundart des Dorfes Ottenheim. Lautlehre ppp von Karl Heimburger aus Ottenheim. Halle a. S. Druck von Ehrhardt Karras. 1887.“ S Original fu där Arwet kammer do iisähne: Orignalscan vum Google