Chibi

赤壁 (Chibi)
Títol	Chibi
Póster d'a cinta.
Ficha tecnica
Dirección	John Woo
Producción	Terence Chang Han Sanping John Woo
Guión adaptau	Kuo Cheng Sheng Heyu Chan Khan John Woo
Basau en	Sānguó Yǎnyì de Luo Guanzhong (sieglo XIV)
Musica	Tarō Iwashiro
Fotografía	Zhang Li Lü Yue
Montache	Yang Hongyu Angie Lam Robert A. Ferretti David Wu
Escenografía	Timmy Yip
Vestuario	Timmy Yip
Actors	Tony Leung Chiu-wai Takeshi Kaneshiro Zhang Fengyi Chang Chen Zhao Wei Hu Jun Shidō Nakamura Lin Chi-ling
Datos y cifras
País(es)	China Hong Kong Chapón Taiwan Estaus Unius Corea d'o Sud
Anyo	2008
Debantadera	Primera parte: 30 de chunio de 2008 Corea d'o Sud^[1] 2 de chulio de 2008 Pequín (China)^[1] 10 de chulio de 2008 China^[1]
	Segunda parte: 4 de chinero de 2009 Pequín (China)^[2] 8 de chinero de 2009 China^[2]
Chenero(s)	Cine belico Cine epico Cine historico
Durada	146 min. (primera parte) 142 min. (segunda parte) 128 min. (versión internacional)
Idioma(s)	Chinés mandarín
Companyías
Productora(s)	Beijing Film Studio China Film Group Lion Rock Productions Shanghai Film Group Emperor Multimedia Group Avex Entertainment Showbox CMC Entertainment
Distribución	Summit Entertainment
Presupuesto	80 millons de dólars
Recauto	250,1 millons de dólars
Informacions en bases de datos especializadas:

赤壁 (títol orichinal en chinés, Chibi en pinyin, Ralla roya en Idioma aragonés, conoixida internacionalment con o suyo títol traduciu enta l'anglés como Red Cliff y enguerada en Aragón con o suyo títol traduciu enta lo castellano como Acantilado rojo) ye una cinta de cine belico epico historico coproducida por o cine chinés, o cine taiwanés, o cine hongkonés y lo cine estausunidense en os anyos 2008 (primera parte) y 2009 (segunda parte), con un guión adaptau por Kuo Cheng, Sheng Heyu, Chan Khan y John Woo basau en Sānguó Yǎnyì de Luo Guanzhong (sieglo XIV), que a la vegada conta la batalla d'as Rallas Royas escaicida en 208 y 209 mientres a dinastía Han. A suya banda sonora orichinal ye de Tarō Iwashiro, a suya dirección de fotografía ye de Zhang Li y Lü Yue y la suya producción cinematografica ye de Terence Chang, Han Sanping y John Woo ta las productoras Beijing Film Studio, China Film Group, Lion Rock Productions, Shanghai Film Group, Emperor Multimedia Group, Avex Entertainment, Showbox y CMC Entertainment. Forman l'elenco d'a cinta los actors Tony Leung Chiu-wai, Takeshi Kaneshiro, Zhang Fengyi, Chang Chen, Zhao Wei, Hu Jun, Shidō Nakamura y Lin Chi-ling.

Se tracta d'una cinta que conta los feitos escaicius en o final d'a dinastía Han, centrando-se especialment en a batalla d'as Rallas Royas que s'escaició en l'hibierno de 208-209 cuan o sinyor d'a guerra Cao Cao pretendeba expandir-se a lo sud s'o río Yangtze concarando-se con Sun Quan, Liu Bei y Liu Qi y las suyas tropas habioron de reblar dimpués d'ista batalla. S'ambienta asinas en China en 208 y 209 y las suyas escenas se filmoron en Pequín y atros puestoe en China y en Taiwan^[3] Se tracta d'una cinta que ha teniu dos edicions diferents, una en primeras en China y bels atros países d'Asia con dos cintas independients, una de 2008 y l'atra de 2009, y una segunda versión distribuyida internacionalment agrupada en una unica cinta, que ye la versión conoixida en Europa y America. D'atra man, ye una cinta que ha recibiu cuantos premios y nominacions.