H.M.S. Defiant (títol orichinal d'a cinta, enguerada en Aragón con o títol en castellano de Motín en el Defiant, en aragonés Motín en o Defiant) ye una cinta de cine belico dramatico de cine britanico de l'anyo 1962 dirichida por Lewis Gilbert seguntes un guión adaptau por Nigel Kneale y Edmund H. North (basau en Mutiny, una novela publicada en 1958 por Frank Tilsley), con una banda sonora orichinal de Clifton Parker, una dirección de fotografía de Christopher Challis, una producción cinematografica de John Brabourne ta la productora cinematografica G.W. Films Ltd. y un elenco d'actors d'o que en fan parte, en os principals papels, Alec Guinness, Dirk Bogarde, Anthony Quayle, Maurice Denham, Nigel Stock, Richard Carpenter, Peter Gill, David Robinson, Robin Stewart, Ray Brooks, Peter Greenspan, Tom Bell, Murray Melvin, Victor Maddern, Bryan Pringle, y Johnny Briggs.
En 1797, mientres as Guerras revolucionarias francesas, li ordenan a lo capitán Crawford marchar con a suya fragata HMS Defiant enta la isla de Corcega en a mar Mediterrania y por primer vegada viachará tamién en o suyo barco su fillo como cadet. Como su primer oficial li acompanya lo primer tenient Scott-Padget, qui resulta estar un autentico sadico que, cuan o suyo superior li planta cara, se venga cruelment en o fillo d'o capitán, fendo-li anás chantache con a menaza de fer encara mas mal a lo mocet. Entre la tripulación d'o barco creixe lo descontento y lo capitán se veye impotent, dica que capturan un barco francés y lo ninvía como botín de guerra enta Chibraltar ninviando con él a su fillo. Alavez li planta cara a lo suyo primer tenient, pero bien luego se resiente d'una ferida y lo sadico subordinau torna a martirizar con castigos brutals a la tripulación si conoiximiento d'o capitán, malauto y inconscient en o leito.
H.M.S. Defiant s'ambienta en 1797 mientres as Guerras revolucionarias francesas en Portsmouth, en a mar Mediterrania y en Rochefort en Francia y lo rodache d'a cinta s'escaició en localizacions en Denya (provincia d'Alicant, Espanya) y en os Shepperton Studios en Surrey en o Reino Uniu.[2]
Actor | Papel | Notas |
---|---|---|
' |