Revolución de mayo

O dito Cabildo abierto del 22 de mayo de 1810 ("Capítol ubierto d'o 22 de mayo de 1810"), que aprebó la substitución d'o virrei, en un cuadro de Pedro Subercaseaux.

Se conoix con o nombre de Revolución de mayo a los escaicimientos de mayo de 1810 en a ciudat de Buenos Aires en l'actual Archentina, que alavez yera una colonia d'Espanya, estando la capital d'o Virreinau d'o Río de la Plata. Istos escaicimientos prencipioron o 18 de mayo de 1810, cuan plegoron en Buenos Aires as noticias d'a cayida d'a Chunta Suprema Central de Sevilla mientres a Guerra d'o Francés, continoron en a dita semana de mayo dica lo 25 de mayo, cuan rematoron con a destitución d'o virrei Baltasar Hidalgo de Cisneros y la proclamación d'a Primera Chunta de Gubierno. Ista destitución s'aprebó en o dito "Capítol ubierto d'o 22 de mayo de 1810".

Se considera por os historiadors que a Revolución de mayo ye lo primer movimiento independentista archentino, encara que en realidat no se proclamó la independencia d'Archentina. Formalment, os bonaerenses nomás facioron que no acceptar l'autoridat d'o Consello de Rechencia de Espanya y Indias en considerar que no representaba a lechitimidat dimpués de que, con as ditas Abdicacions de Bayona, o rei Ferrando VII y o su pai Carlos IV hesen abdicau en favor de Napoleón Bonaparte d'a cadiera reyal d'Espanya. Cal parar cuenta, sindembargo, que ixa aceptación d'a sobiranía espanyola yera nomás que un movimiento tactico en aspera de declarar ubiertament a independencia, como s'escaició en zaguerías o 9 de chulio de 1816 en o dito Congreso de Tucumán.

Vinclos externos

[editar | modificar o codigo]