Salmuerra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bomba pa a salmuerra de 1848 de Bad Kissingen, Alemanya.

A salmuerra^[1] u salmorra (d'o latín < SAL MURIA^[2]) ye una disolución acuosa de sal en l'augua. Por un regular esta sal ye o cloruro sodico.

Seguntes os casos a salmuerra puet fer referencia a disolucions en sals que van dende un 3.5% (a concentración tipica de l'augua marina que tamién ye a concentración mes baixa pa salmorrar alimentos), dica arredol d'o 26% (una tipica solución saturada), dependendo d'a temperatura.

Ye un sistema de conservación d'os alimentos muito antigo y dica l'arribada d'os sistemas modernos de conservación resultaba tan imprescindible que a sal yera un producto estratechico.

Historicament s'ha feito servir muito en conserva de muitos alimentos, y muito especialment o peix que rapidament se podriba (arengue y abadeho principalment).

A sal no deixa que se críe a mes gran part d'os microorganismos.

A concentración de sal y o tiempo que os alimentos son en salmuerra ye variable.

En o caso d'a conservación d'as olivas se fa servir una concentración de sal entre o 6 y o 10% y se i anyade hierbas aromaticas y atros productos.

Referencias

1. (es) Francisco Bruballa Angusto Vocabulario del habla de La Puebla de Castro, Instituto de Estudios Altoaragoneses, 2009, ISBN 978-84-8127-214-7, p.99
2. (es) Ana Leiva Vicén:Léxico aragonés de Antillón (Huesca). Análisis lingüístico (II). Alazet: Revista de Filología Nº 16, 2004, pp. 67-174, ISSN 0214-7602