![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Segorb | |||
Municipio d'o País Valenciano | |||
| |||
Entidat • Estau • Comunidat • Provincia • Comarca |
Municipio![]() ![]() Castellón Alto Palancia | ||
Superficie | 106,10 km² | ||
Población • Total |
9425 hab. (2013) | ||
Altaria • Meyana |
358 m. | ||
Distancia • 65 km |
enta Castellón de la Plana | ||
Alcalde | Rafael Calvo Calpe | ||
Codigo postal | 12400 | ||
Coordenadas | | ||
Web oficial |
Segorb (Segorbe en castellano, Sogorb en valenciano) ye un municipio de la provincias d'Espanya de Castellón, situau en la comarca de l'Alto Palancia. La suya población ye de 9089 habitants (2013), en una superficie de 106,10 km² con una densidat de 85,68 hab/km².
Ye situau sobre dos cabezos de la marguin de lo río Palancia.
Actualment en Segorb se charra castellano churro con seseyo d'orichen valenciano. Esta parla churra s'orichinó por castellanización de l'aragonés que se i charró en la Edat Meya, aragonés traito dende lo sieglo XIII por los repobladors cristianos, que yeran d'orichen predominantement aragonés, con presencia de catalans (30 % de los repobladors cristianos), navarros y castellanos.
Lo lexico d'intrés etnografico de Segorb se conoix relativament bien por figurar esta localidat en l'ALEANR con la sigla Cs 301.[1] Bi ha muitos aragonesismos como tarquín (con lo significau de "laco" u tarquín putient y no con lo significau de l'Alto Aragón oriental).
S'ha creyito que lo toponimo Segorb se remontaba a lo celtiberico Segobriga, pero agora se considera que ye d'orichen latín y que tien relación con urbs, urbis, sub urbem.
En la documentación arabe s'emplegaban derivatos de la radiz suburb. En un texto de 1122-1124 de cuan Alifonso I lo Batallero s'escribe Xeborc, con una X por estar preso a traviés de l'arabe:
La evolución natural de lo prefixo latín SUB en aragonés ye so, en aragonés medieval s'escribia a vegatas Sogorb, con prefixo so- y a vegatas Segorb, con a variant se d'este sufixo. Tamién en la documentación bi heba dandaleyo entre la forma con O, Sogorbio, y formas con E. L'alternancia de E y O ye normal en aragonés y mesmo se torna en lo prefixo so- (Somontano y Semontano), pero emplegar la forma con E yera una forma de fer lo toponimo mas pareixito a Segobriga. En la documentación eclesiastica se manipulaban tamién las consonants en un sentito u atro: en la Seu de Valencia, a on no se quereba que Segorb pasase a depender de lo bispato de Toledo s'escribe segorbicense, pero atros escriben segobricense.
En lo sieglo XIII ya bi heba microtoponimos con fonetica aragonesa orichinal como Cascallo y Los Regallos que dimpués cambioron foneticament. La microtoponimia segorbina de lo Sieglo XV se conoixe prou bien por la documentación municipal y destaca la presencia de microtoponimos en aragonés ya perdius como ciertos nombres de huertas (Gallipuent, Utriellas, Los Moliniellos y Piedra Fundida).
| ||||||||||||||||||
| ||||||||||||||||||
1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. |
La falsa identificación de l'antiga Segobriga con l'actual Segorb s'orichina en la Edat Meya, por los intereses que teneba la Seu bispal de Toledo sobre lo bispato d'Albarracín. La Segobriga visigoda perteneixeba a la diocesi de Toledo, pero cuan la dominación musulmana la fació desapareixer, se perdió la conoixencia d'a on yera. En lo sieglo XIV Toledo quereba incorportar Albarracín a la churisdicción suya, y identificar Segobriga con Segorb, mas a l'este d'Albarracín, lechitimaba las suyas pretensions. Huei se sabe que l'antiga Segobriga ye l'actual Saelices en la provincia de Cuenca.
Lugars de Segorb | |
---|---|
Extramuros Xeldo | La Esperanza | Penyalba | Segorb | Villatorcas |
Municipios d'a comarca Alto Palancia | |
---|---|
Alchimia d'Almonecir | Almedíxar | Altura | Azuébar | Val d'Almonecir | Barracas | Beixix | Benafer | Vivel | Castellnou | Caudiel | Chóvar | Figueras | Gaibiel | Matet | Navachas | Pavías | Pina | Sacanyet | Segorb | Sonecha | Sot de Ferrer | Teresa | Torás | Lo Toro | Xeldo | Exerica |