Sistema Iberico
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sistema Iberico Sistema Ibérico | |
|---|---|
 | |
| Cheografía | |
| Cordelera | {{{cordelera}}} |
| Sector | {{{sector}}} |
| {{{tpran}}} | {{{ran}}} |
| Maxima altaria | 2.316 m, Moncayo |
| Cimas importants | Moncayo, Peña Cebollera, Pico San Lorenzo, Penya Roya |
| Largaria | 500 km |
| Amplaria | 100 km |
| Superficie | 40.000 kmkm² |
| Vértiz cheodesico | |
| Subsistemas | Sierra de la Demanda, Branca castellana y Branca aragonesa |
| Administración | |
| Estau |  Espanya
|
| País | |
| ' | |
| Cheolochía | |
| Edat | |
| Materials | |
| Tipo | Orochenesi |
 | |
O Sistema Iberico ye una cordelera d'altaria meya que situada en o cabo nord-este d'a Meseta Central d'a Peninsula Iberica, despartindo-la de la depresión d'Ebro.
A Cordelera Iberica ye composada de feito por tota una serie de sierras o cadenas montanyosas que, con dirección cheneral Norueste-Sudeste (NW-SE)[1] (sobretot en o sector norte, cambeando enta l'este dende Teruel), que se troban en a rechión central-oriental d'a Peninsula Iberica dende Burgos (Macizo de la Demanda), dica Castellón-Valencia.
Perteneixe a las Cadenas Alpinas, y igual que os Pirineus y as Catalanides se plegó en unas cuantas fases d'a orochenia d'o mesmo nombre, a causa d'a rotación d'a Placa Iberica y converchencia con a Placa Euroasiatica, pero con muita influencia de fallas anteriors que existiban ya en o basamento herzinico.
En o tramo meyo u part central se divide en dos brancas: branca castellana y branca aragonesa, a os dos costaus d'a depresión de Calatayú-Teruel u Depresión Lonchitudinal Iberica (devez formada por la depresión de Calatayú y Mont-albán, a fuesa de Daroca[2] y la fuesa de Xiloca).
En o sector oriental, y dende o Mayestrato, totas as aliniacions estructurals quedan talladas por un sistema de fallas escalonadas de dirección cuasi norte-sud paralelas a la costa que funden a cordelera baixo a mar. Os vulcans d'Els Columbrets y Cofrentes son asociaus a estas fallas.
En o tercio norueste a cordelera s'alza de sopetón con aliniacions cerenyas como a Demanda (2033 m), Urbión (2235 m) y Cebollera (2147 m).
Toponimia y demoninacions
[editar | modificar o codigo]En tiempos de los romanos recibiba la denominación de Idubeda. Bi ha una hipotesi que relaciona esta denominación con lo toponimo Ibdes y lo hidronimo homonimo.
En aragonés medieval se deciba La Serranía bel sector d'esta cordillera, tanto en lo Reino d'Aragón como en los de Valencia u Castiella:
En ambient academico, bi ha denominacions diferents a "Sistema Iberico" como "Cordillera Iberica" y "Sistema Celtiberico".
Altarias
[editar | modificar o codigo]Los suyos picos mas importants son Moncayo (2.313 m), San Lorenzo (2.262 m), Urbión (2.228 m), Chabalambre (2.020 m) y Penya Roya (2.024 m), cerro Calderón (1837 m), y Penyagolosa (1813 m).
Hidrolochía
[editar | modificar o codigo]Lo Sistema Iberico ye en la divisoria entre las cuencas atlantica y mediterrania. I naixen ríos como Tacho, Duero, Guadalaviar, Xúcar u Cabriuel.
Las cuencas hidrograficas d'estos ríos son escenario de capturas fluvials, ganando terreno por un regular los ríos de la cuenca mediterrania por tener mayor pendient. Adintro de los ríos de la cuenca mediterrania también bi ha habiu casos de captura fluvial entre los ríos de la cuenca hidrografica d'Ebro y los de la de Guadalaviar.
Una de las zonas endorreicas mes estensas de la Peninsula Iberica ye en bel meyo de lo Sistema Iberico. Esta zona ye centrada en la laguna de Gallocanta, y encara estió mes gran antes de la captura fluvial que se produció en las foces de Torralba por part de lo río Piedra, que li tiró lo sector occidental centrau en Embit (Guadalachara). La cuenca de Gallocanta tamién ye experimentando un proceso de captura fluvial port part de la cuenca de Xiloca en lo suyo sector sudeste.[5]
Cheolochía
[editar | modificar o codigo]A Cordelera Iberica presenta materials precambrians y paleozoicos deformaus mientres a orochenia Herzinica, y sobre os que sedimentoron materials permians y mesozoicos discordants[1]. La zona actual d'o Sistema Iberico yera o marguin oriental d'o Macizo Iberico u Meseta en o Mesozoico, asinas tien en os sedimentos suyos, facies someras de plataforma a continentals. Estos materials mesozoicos se plegoron en a orochenia Alpina, seguida d'un periodo d'erosión que aplanó lo releu y un periodo de fracturación en forma de rift intracontinental con fuesas tectonicas.
A mes gran part de los afloramientos precambrians y paleozoicos se troban en nuclios de plegos antiformes formaus en a orochenia Alpina. Estos antiformes y afloramientos herzinicos d'o Sistema Iberico son l'anticlinal de Cuenca, l'anticlinorio de la Sierra d'Albarracín, o Macizo d'Ateca, o Macizo de Calatayú y Mont-albán y la Sierra de la Demanda[1].
Parte de lo releu actual plano ye por la formación de superficies d'erosión a zaguers de lo terciario, y por la formación de fuesas tectonicas en lo rift abortau que bi heba en Europa Occidental en lo Mioceno superior y Plioceno. Son fuesas tectonicas importants en lo Sistema Iberico la fuesa de Teruel, la fuesa de Xiloca y la fuesa de Daroca.
Cheomorfolochía
[editar | modificar o codigo]Las superficies d'erosión identificadas son por lo menos tres: superficie d'erosión intramiocena, superficie d'erosión fundamental d'a Cordelera Iberica y unatra de muit chica en la marguin en contacto con la depresión d'Ebro.
La mes important ye la segunda, pus ye una caracteristica dominant en lo paisache de lo Sistema Iberico oriental por estar la forma de releu con estensión mes gran en la part oriental d'esta cordelera, por estar present en todas las unidaz, y por haber-se formau las atras formas de releu a partir d'ella[6].
As formas de releu d'o Sistema Iberico d'orichen climatico s'explican por procesos relativos a diferents sistemas morfoclimaticos. Os procesos relativos a lo sistema semiarido son as dominants en o sector teruelano fuera d'os sectors d'a Sierra d'Albarracín y Monts Universals, a on que presentan mes importancia os procesos d'o sistema temperau humido.[7], de fueras d'os sectors d'a Sierra d'Albarracín y Sierra de Chabalambre. En os cabaltos d'estas sierras teruelanas y en os d'a Sierra de Chabalambre y Gúdar se combinan os procesos periglaciars con os procesos d'o sistema morfoclimatico humido.
Flora
[editar | modificar o codigo]Las series de vechetación climatofilas se distribuyen en diferents pisos de vechetación (termomediterranio, mesomediterranio, supramediterranio, oromediterranio y crioromediterranio), y adintro de cada piso bi n'ha de diferents dependendo de lo tipo de suelo y de la humidat[8].
- Termomediterranio: en las altarias mes baixas d'o Sistema Iberico de menos de 500 m sobre lo livel d'a mar en Teruel, Castellón y Valencia. Bi ha coscollars en zonas secas, carrascals termofilos levantins en zonas subhumidas con suelo basico u calsinoso y alcornocals en zonas subhumidas y con suelo acido u silicio, que tamién se pueden trobar en a transición a lo piso mesomediterranio.
- Mesomediterranio: bi ha coscollars en zonas semiaridas y carrascals en zonas no tan secas.
- Supramediterranio: bi ha carrascals de paramera en zonas secas, tarabinars con chinebros en zonas secas-subhumidas, diferents tipos de pinars , caixigars en zonas con ombroclima subhumido-humido, (que son de Quercus pyrenaica sobre suelo acido y de Quercus faginea sobre suelo basico), y fayars en zonas con ombroclima humido.
- Oromediterranio: bi ha pinars de Pinus sylvestris, Pinus nigra y Pinus uncinata, sabinars a ran de tierra con Pinus sylvestris sobre suelos basicos y chinebrals con Pinus sylvestris u Pinus uncinata a ran de tierra sobre suelos acidos.
- Crioromediterranio: en altarias de mes de 2.100 m. Bi ha praus de Festuca indigesta y Pilosella pseudovahlii.
Referencias
[editar | modificar o codigo]- ↑ 1,0 1,1 1,2 (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. pp 513-515.
- ↑ (es) F.J Gracia Prieto: Tectónica pliocena en la Fosa de Daroca (prov. de Zaragoza). Geogaceta, 11, 1992. pp 127-129.
- ↑ (an)(es) Fernando López Rajadel: Cronicas de los Jueces de Teruel (1176-1532). Instituto de Estudios Turolenses, 1994. p 213.
- ↑ (ca) Albert Balcells: Documents per a la història de la cultura catalana midieval volumen 2 . Memòries de la Secció Històrico-Arqueològica. Editor: Institut d'Estudis Catalans, 2000. p 262.
- ↑ (es) F. J. García Prieto, Francisco Gutiérrez Santolalla: Geomorfología karstica de las cuencas de Gallocanta y Jiloca (provincia de Teruel). Publicau en Teruel: Revista del Instituto de Estudios Turolenses, Vol. 87, Nº 1, 1999, pp. 63-68.
- ↑ (es) José Luis Peña Monné, Miguel Sánchez Fabre, María Victoria Lozano Tena: Las formas de relieve de la Sierra de Albarracín. Centro de Estudios de la Comunidad de Albarracín, 2010, pp 43-44, pp 63-84.
- ↑ (es) Jose Luís Peña Monne et al. Geomorfología de la Provincia de Teruel. Instituto de Estudios Turolenses, 1984. p 55.
- ↑ (es) Gonzalo Mateo Sanz, Manuel-Benito Crespo Villalba, Carlos Fabregat Llueca: X curso de botánica práctica. La flora y vegetación del Sistema Ibérico. Manual auxiliar para el curso. Teruel, chuliol de 1998.
Bibliografía
[editar | modificar o codigo]- (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194
- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
- (es) Luis Alberto Longares Aladrén, Gonzalo Mateo Sanz: La vegetación de la provincia de Teruel. Cartillas turolenses, nº 29. Instituto de Estudios Turolenses, 2014.
- (es) Gonzalo Mateo Sanz, Manuel-Benito Crespo Villalba, Carlos Fabregat Llueca: X curso de botánica práctica. La flora y vegetación del Sistema Ibérico. Manual auxiliar para el curso. Teruel, chuliol de 1998.
Vinclos externos
[editar | modificar o codigo]
Se veigan as imáchens de Commons sobre Sistema Iberico.
| Control d'autoridaz |
|
|---|
Datos: Q201496- Multimedia: Sistema Ibérico / Q201496