Testudines

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Testudines
Clasificación scientifica
Dominio: Eukaryota Reino: Animalia Filo: Chordata Subfilo: Vertebrata Clase: Reptilia Subclase: Diapsida Orden: Testudines
Subórdens
Cryptodira Pleurodira Paracryptodira† Proganochelydia†

As tartugas^[1] (d'o latín < TARTARUCHUS "diaple") o Testudines (antes Chelonia), son reptils caracterizaus por o feito de tener un tronco amplo y curto, protechiu por una coscarana feita por un regular por placas osias revestidas de placas cornias, y a vegadas nomás que por placas cornias.

D'a coscarana salen, por debant, a cabeza y as patas anteriors, y por dezaga, as patas posteriors y a coda. I hai tartugas que tienen a coscarana dividida en dos partes, la uno dorsal u superior y la otro ventral u inferior, unidas entre ellas.

Esqueleto de tartuga mediterrania (Testudo hermanni). Se pare cuenta en que as costiellas y parte d'o esquinazo son soldaus en a cosacarana.

La caracteristica mas important de l'esqueleto d'as tartugas ye que a columna vertebral ye soldada en a parte dorsal d'a coscarana. Devez que se desarrolla lo plastron, desapareixe la espineta u esternón.^[2] O esqueleto fa que a respiración no se pueda fer por movimiento d'a caixa toracica, y se leva a termin prencipalment por l'acción d'as extremidaz.

O cranio presenta caracteristicas muit primitivas. No en tiene, de dients, pero sí una variella esmolada, semellant a un pico.

A reproducción ye ovipara y a incubación la fa a radiación solar.

Ye proverbial a gran lonchevidat d'as tartugas. Bella especie puede vivir mas de 100 anyos.

En i hai que son de tierra y en i hai d'augua, marinas u d'augua dolza. As marinas tienen as extremidaz transformadas en aletas y as acuaticas os didos unius por un telo.

Clasificación

Sinapomorfías

As tartugas s'agrupan seguntes as siguients sinapomorfías:

• Dermatocranio (teito dermico) sin finestras.
• Tienen placas osias exteriors.
• No tienen espineta ni parte esternal d'as costiellas.^[2]
• Ausencia d'elementos dermicos en a cintura escapular.
• Musclos adicionals t'alentar.
• Masclo con pene impar.

Taxonomía

Testudo graeca u tartuga griega.

Terrapene carolina major.

Dermochelys coriacea.

Tartuga verde marina, Chelonia mydas.

Eretmochelys imbricata.

As tartugas (orden testudines) se subdividen en cuatro subórdens, dos d'éls ya extintos:

Suborden Paracryptodira †.

Suborden Proganochelydia †.

Suborden Cryptodira:

• Familia Chelydridae.
• Familia Meiolaniidae (Meyolania, †.

• Superfamilia Chelonioidea (Tartugas marinas):

• Familia Protostegidae †.
• Familia Thalassemyidae †.
• Familia Toxochelyidae †.
• Familia Cheloniidae (tartugas verdas y semellants).
• Familia Dermochelyidae.

• Superfamilia Kinosternoidea:

• Familia Dermatemydidae (tartugas de río)
• Familia Kinosternidae.
• Familia Platysternidae.

• Superfamilia Testudinoidea:

• Familia Haichemydidae †.
• Familia Lindholmemydidae †.
• Familia Sinochelyidae †.
• Familia Emydidae a ista familia perteneixe Emys orbicularis un galapago autoctono d'Aragón y tamién o galapago de Florida u tartuga d'orellas royas (Trachemys scripta), que i ye tamién muit común como animal de companyía.
• Familia Geoemydidae a ista familia perteneixe Mauremys leprosa un galapago autoctono d'Aragón.
• Familia Testudinidae como a tartuga d'os Galapagos.

• Superfamilia Trionychoidea:

• Familia Adocidae †.
• Familia Carettochelyidae.
• Familia Trionychidae.

Suborden Pleurodira:

• Familia Araripemydidae †.
• Familia Proterochersidae †.
• Familia Chelidae.

• Superfamilia Pelomedusoidea:

• Familia Bothremydidae †.
• Familia Pelomedusidae.
• Familia Podocnemididae.

† Clade extinto.

A tartuga en a cultura

A tartuga ye l'animal d'a lentitut por excelencia en as fablas y satiras occidentals (ilustración d'o prencipio festina lente). Manimenos en a part de China simboliza o saber, a inmortalidat y a tierra.

Emitando a suya coscarana, os romanos clamaban tartuga a una formación esfensiva an que toz os escudos cobriban por dencima a os soldaus. Por extensión, una maquina de setio medieval tamién se pasó a decir tartuga.

En a ficción destacan as Tartugas Ninja y o Follet Tartuga (de Bola de Dragón) en debuixos animaus. Terry Pratchett ubica tot o suyo mundo sobre una coscarana de tartuga. Os enemigos d'os videochuegos de Mario Bros (Koopa Tropa y similars) son tartugas antropomorfas.

Referencias

1. (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.434
2. (es) ROMER, Alfred Sherwood, PARSONS, Thomas S.: Anatomía comparada. Editorial Interamericana, 1981. p 141.

Se veiga tamién

• Emydidae.
• Tartuga d'estanyo u galapago europeu (Emys orbicularis).
• Tartuga mediterrania (Testudo hermanni).
• Tartuga griega (Testudo graeca).
• Tartuga chigant d'as Galapagos (Geochelone nigra).
• Tartuga verda marina (Chelonia mydas).

Vinclos externos

• Se veigan as imáchens de Commons sobre tartugas.