The Bridge on the River Kwai

The Bridge on the River Kwai
Títol	O puent en o río Kwai
Poster d'a cinta.
Ficha tecnica
Dirección	David Lean
Dirección artistica	Donald M. Ashton
Producción	Sam Spiegel
Guión adaptau	Carl Foreman Michael Wilson David Lean Norman Spencer Calder Willingham
Basau en	Le pont de la rivière Kwaï, novela de Pierre Boulle (1952)
Musica	Malcolm Arnold
Fotografía	Jack Hildyard
Montache	Peter Taylor
Vestuario	John Wilson-Apperson
Actors	William Holden Alec Guinness Jack Hawkins Sessue Hayakawa James Donald André Morell Peter Williams John Boxer Percy Herbert Harold Goodwin Henry Okawa
Datos y cifras
País(es)	Reino Uniu Estaus Unius
Anyo	1957
Debantadera	2 d'octubre de 1957 Londres (Reino Uniu)
	11 d'octubre de 1957 Reino Uniu 14 d'aviento de 1957 Estaus Unius
Chenero(s)	Cine belico
Durada	161 min.
Idioma(s)	Anglés Chaponés
Companyías
Productora(s)	Horizon Pictures
Distribución	Columbia Pictures
Presupuesto	3.000.000 de dólars
Recauto	30,6 millons de dólars
Informacions en bases de datos especializadas:

The Bridge on the River Kwai (títol orichinal en anglés, en aragonés O puent en o río Kwai, enguerada en Aragón con o títol en castellano de El puente sobre el río Kwai, O puent sobre o río Kwai en aragonés) ye una cinta anglo-estausunidense de l'anyo 1957 de cine belico, basada en a novela Le pont de la rivière Kwaï de Pierre Boulle (1952), producida por Sam Spiegel ta la productora cinematografica Horizon Pictures. Dirichida por David Lean, en o suyo elenco incluye a destacaus actors como William Holden, Alec Guinness, Jack Hawkins, Sessue Hayakawa, James Donald, André Morell, Peter Williams, John Boxer, Percy Herbert, Harold Goodwin, u Henry Okawa y conta con una banda sonora orichinal de Malcolm Arnold y una dirección de fotografía de Jack Hildyard.

A cinta ye ambientata en unos feitos reals, a construcción por os chaponeses d'un ferrocarril en Birmania y Tailandia mientres a Segunda Guerra Mundial en 1942 y 1943 ta prebar d'invadir o Raj britanico, ye decir, l'actual India. Conta la historia d'un grupo de presoners mandaus por o coronel Nicholson que fa cara a lo comandant chaponés d'o campo, o coronel Saito, a la vegada que consigue fuyor d'o campo o comandant Shears, que posteriorment partecipa en una misión mandada por o comandant Warden ta destruyir o puent d'o ferrocarril. As suyas escenas se rodoron en o Reino Uniu y en Sri Lanka.

A cinta recibió 7 Premios Oscar (amás d'una nominación) en a suya 30^ena edición, incluyindo-ie o Millor Guión Adaptau; cal fer constar que os guionistas prencipals, Carl Foreman y Michael Wilson, no amanexiban acreditaus en estar en a Lista negra de Hollywood (blacklisted en luengache d'ixas envueltas) que s'heba elaborau a iniciativa d'o senador Joseph McCarthy; en 1985 se lis reconoixió la suya autoría postumament con un premio especial de l'Academia d'as Artes y as Ciencias Cinematograficas de Hollywood. En ixa mesma edición tamién recibió l'Oscar a la Millor Cinta. En a 11^ena edición d'os Premios BAFTA recibió cuatro premios, incluyius lo BAFTA a la Millor Cinta y lo BAFTA a la Millor Cinta Britanica; en a 15^ena edición d'os Premios Globos d'Oro reciió tres premios (incluyiu lo Globo d'Oro a la Millor Cinta Dramatica) y una nominación; y en a 3^a edición d'os Premios David de Donatello recibió lo David de Donatello a lo Millor Productor Forano, entre muitos atros premios.

Elenco^[1]

Actor	Papel	Notas
	'

Se veiga tamién

• Cine en 1957.
• Cintas de 1957.

Referencias

1. (en) The Bridge on the River Kwai en Internet Movie Database.

Vinclos externos

• (en) The Bridge on the River Kwai en Internet Movie Database.
• (es) The Bridge on the River Kwai en FilmAffinity.
• (en) The Bridge on the River Kwai en l'American Film Institute Catalog de l'American Film Institute.
• (en) The Bridge on the River Kwai en Screenonline d'o British Film Institute.
• (en) The Bridge on the River Kwai en AllMovie.
• (en) The Bridge on the River Kwai en Box Office Mojo.
• (en) The Bridge on the River Kwai en Rotten Tomatoes.
• (fr) The Bridge on the River Kwai en Allociné.
• (en) The Bridge on the River Kwai en Letterboxd.
• (en) The Bridge on the River Kwai en Netflix.