Trnava

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Trnava
Localidat d'Eslovaquia
Trnava
Estau  • Rechión  • Districtos	Eslovaquia Trnava Trnava
Superficie	71,54 km²
Población  • Total  • Densidat	65382 hab. (2017) 883,34 hab/km²
Altaria  • Meyana	144 m.
Codigo postal	917 01, 917 02, 917 05, 917 08
Ríos	Trnávka
Coordenadas	48°22′40″N 17°35′10″E
Trnava Trnava en Eslovaquia
Web oficial

Trnava (en alemán Tyrnau, en hongaro Nagyszombat, en latín Tyrnavia) ye una ciudat d'Eslovaquia. Se troba en a zona occidental d'o país, a 50 km a o nord-este de Bratislava y ye a capital d'a rechión homonima. Ye conoixida como a Roma eslovaca.

Historia

Orichinalment a ciudat y toda a rechión perteneixeban a o Reino d'Hongría dende a suya fundación en l'anyo 1000 dica que dimpués d'a Primera Guerra Mundial (1919) pasó a fer parti d'o nuevo estau de Checoslovaquia.

O 6 de mayo de 1653 l'arcebispe hongaro Pere Pázmány establió una universidat en ista ciudat, que se convirtió en a primera en a epoca moderna en o Reino d'Hongría, y o centro cultural mas important d'o país. Con a universidat tamién se i creyó una imprenta y una biblioteca. Posteriorment a universidat fue tresladada enta Budapest en 1777, estando a suya succesora a Universidat Eötvös Loránd.

Actualment Trnava ye conoixida por a suya industria de transformaus metalicos y alimentaria, mas que mas zucre y chicolate. Trnava tien una central nucleyar y d'una planta de fabricación d'autos d'o grupo PSA, con modelos como o Peugeot 207 u o Citroën C3 Picasso.

Entre os suyos monumentos destacan a seu gotica de Sant Nicolau, d'o sieglo XIV, o museu y a ilesia barroca de Sant Chuan Baptista (XVII-XVIII).

Fillos ilustres

• Mikuláš Schneider-Trnavský (1881-1958) director d'orquesta, compositor y pedagogo musical.

Ciudaz achirmanadas

• Balakovo, Rusia
• Břeclav, Republica Checa
• Casale Monferrato, Italia
• Novo mesto, Eslovenia
• Sangerhausen, Alemanya
• Scranton, Estaus Unius
• Szombathely, Hongría
• Varaždín, Croacia
• Zabrze, Polonia
• Khárkiv, Ucraína

Vinclos externos

• Se veigan as imáchens de Commons sobre Trnava.
• (sk) Pachina oficial d'a ciutat.