Tórshavn

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tórshavn
Localidat de Dinamarca
Anvista de Tórshavn.
Estau  • Rechión autonoma	Dinamarca Islas Feroe
Superficie	172.9 km²
Población  • Total	13123 hab. (2018)
Altaria  • Meyana	24 m.
Codigo postal	FO 100
Coordenadas	62° 0’ 0’’N 6°46’59’’U
Tórshavn Tórshavn en Islas Feroe
Tórshavn Tórshavn en Europa
Web oficial

Tórshavn (literalment puerto de Thor; en danés Thorshavn) ye a capital d'a rechión autonoma danesa d'as Islas Feroe y se troba en a isla Streymoy.^[1]

Os vikingos establioron o suyo parlamento en a peninsula de Tinganes en l'anyo 850. Tórshavn se convirtió asinas en a capital d'as Islas Feroe y l'ha estau dende alavez. Hue una parti d'o gubierno se troba en a peninsula de Tinganes de Tórshavn. Manimenos, lo parlamento, o Løgting, que orichinalment yera ubicau en Tinganes, se tresladó enta la plaza d'a ciudat, Vaglið, en 1856.

Clima

En as ya humidas Islas Feroe, Thorshavn ye especialment marcau per a boira. Lo clima ye templau y a cantidat anyal de precipitacions de cutio supera os 1000 mm, mientres que a temperatura puede aconseguir os 20 °C. Lo mes mas calido gosa estar agosto, cuan a temperatura meya de l'aire gosa superar os 10 °C, mientres que o mes mas fredo ye chinero, cuan a temperatura ronda os 0 u 1 °C. Manimenos, puede haber grans fluctuacions en as precipitacions d'un anyo a unatro. En 2011 a temperatura promeyo en Tórshavn estió de 6.7 °C, a ciudat tenió 1092 horas de sol, 40 días de cheladas, a temperatura mas freda se mesuró a -4.6 °C y a temperatura mas calida se mesuró a 18.2 °C. A temperatura mas freda medida en Thorshavn dende 1961 ye de -11,0 °C, mientres que a temperatura mas calida medida dende 1961 ye de 22 °C.

Demografía

A seu de Tórshavn.

Anyada Habitants 1709 300 1801 554 1854 ca. 900 1900 1.656 1925 2.896 1950 5.607 1975 11.329 1980 12.641 1985 13.507 1990 14.689

Anyada Habitants 1995 13.781 1997 15.844 1998 16.121 1999 16.469 2000 17.777 2001 18.067 2002 18.420 2004 19.348 2005 19.806 2015 20.227 2019 21.078

Puestos d'intrés

• Tinganes.
• Seu de Tórshavn.
• Skansin.
• Museu Listasavn Føroya.

Fiestas

• Ólavsøka, 29 de chulio.

Personalidaz naixitas de Tórshavn

• Niels Ryberg Finsen,Premio Nobel de Fisiolochía u Medecina de 1903.

Referencias

1. (da) Trolle, Annette Lerche. Færøerne. Et land i Norden. Forlaget Klematis, 2003. ISBN 87-7905-728-4.

Vinclos externos

• Se veigan as imáchens de Commons sobre Tórshavn.