Vidkun Quisling

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Vidkun Quisling
O politico noruego Vidkun Quisling, en una imachen de 1942.
Ministro President de Noruega
1 de febrero de 1942 – 9 de mayo de 1945
Precediu por	Cargo establito
Succediu por	Cargo abolito
Ministro d'Esfensa de Noruega
1931 – 1933
Primer ministro	Peder Kolstad (1931-1932) Jens Hundseid (1932-1933)
Precediu por	Torgeir Anderssen-Rysst
Succediu por	Jens Isak de Lange Kobro
Naiximiento	18 de chulio de 1887 Fyresdal (Telemark, Noruega)
Muerte	24 d'octubre de 1945 Oslo (Noruega)
Partiu	Partiu Agrario Nasjonal Samling
Conchuche	Maria Vasilijevna Quisling

Vidkun Quisling, naixito de Fyresdal (Telemark) o 18 de chulio de 1887 y muerto executato por traidoría en Oslo o 24 d'octubre de 1945, estió un politico noruego. Encara que prencipió a suya carrera politica en a filas d'o Partiu Agrario, plegando a estar ministro d'Esfensa de Noruega en 1931-1933, fue obligato a albandonar ixe cargo cuan ordenó a l'Exercito noruego disparar contra unos vaguistas.

O 13 de mayo de 1933 establió un nuevo partiu politico, dito Nasjonal Samling, que se convertió en o partiu faixista noruego, que a escape se convertió en colaborador d'o Nationalsozialistische Deutsche Arbeiterpartei d'Adolf Hitler, mesmo antes de prencipiar a Segunda Guerra Mundial y que teneba una presencia nula en a vida politica noruega. Sindembargo, dende aviento de 1939 Quisling insistió debant de Hitler en que caleba que o Tercer Reich ocupase Noruega ta evitar que as menas de fierro noruegas vendesen a suya producción a o Reino Uniu, rematando o 8 de mayo de 1940 con a invasión de Noruega (y Dinamarca) por as tropas d'a Wehrmacht. Quisling s'autoproclamó primer ministro de Noruega y ordenó a rendición de l'Exercito noruego, encara que dengún no l'ascuitó. Continó estando un colaborador d'os nazis en Noruega, y o suyo partiu se convertió en o partiu unico d'o país por imposición d'os alemans, que lo nombroron l'1 de febrero de 1942 Ministro President de Noruega, un cargo de nueva creyación ta prebar de donar lechitimitat a la suya presencia en Noruega, encara que o Gubierno lechitimo, chunto con o rei y as institucions d'o país se trobaba en o exilio en o Reino Uniu. Cuan remató a guerra con a redota d'os alemans, fue arrestato o 9 de mayo de 1945 y condenato por alta traidoría, estando executato.

A suya politica de colaboracionismo con os alemans plegó a uns nivels que fan que o suyo nombre, quisling, s'haiga convertito en todas as luengas en un nombre emplegato ta designar a cualsiquier traidor a o suyo país que colabora activament con os enemigos d'o país.

Vinclos externos

• Se veigan as imáchens de Commons sobre Vidkun Quisling.

Predecesor: Cargo establito	Ministro President de Noruega 1942-1945	Succesor: Cargo abolito
Predecesor: Torgeir Anderssen-Rysst	Ministro d'Esfensa de Noruega 1931-1933	Succesor: Jens Isak de Lange Kobro