Žilina

	Žilina
	Localidat d'Eslovaquia
	; Plaza Andreja Hlinky
Estau; • Rechión; • Rechión historica; • Districtos	Eslovaquia; Žilina; Trencsén; Žilina
Superficie	80,03 km²
Población; • Total; • Densidat	; 82704 hab. (2020); 1054,1 hab/km²
Altaria; • Meyana	; 345 m.
Codigo postal	010 01
Coordenadas	49°13′21″N 18°44′23″E
	Žilina Žilina en Eslovaquia
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Žilina (en hongaro Zsolna, en alemán Sillein u Silein) ye una ciudat situada a o norueste d'Eslovaquia en a confluyencia d'os ríos Váh, Kysuca y Rajčianka. Ye a cinquena ciudat mas gran d'Eslovaquia. A ciudat se troba entre as montanyas Malá Fatra, Strážovské vrchy, Súľovské vrchy, Javorníky y Kysucká vrchovina. En o suyo escudo bi ha una cruz doble y dos estrelas.

Población

Žilina tien una población de 85.302 (2009) habitantes,^[1] d'os que alto u baixo un 96% son de nacionalidat eslovaca.^[1]

Administración

Ján Slota, chefe d'o Partiu Nacional Eslovaco, estió alcalde d'a ciudat dica 2006. En as eleccions de noviembre de 2006 Ivan Harman d'o partiu SDKÚ fue trigau como nuevo alcalde. Dimpués d'as eleccions de 2010 Ivan Harman fue sustituyiu por Igor Choma d'o partiu Smer-SD.

Clima

A temperatura meya en chulio ye de 18 °C y en chinero de -4 °C. A ciudat permaneixe nevada entre 60 y 80 días a l'anyo.

Educación

A Universidat de Žilina fue establida en 1953 como o Colechio Superior de Transportes de Žilina. A Universidat se composa d'as 7 facultaz siguients:

Incheniería mecanica ;
Incheniería electrica ;
Incheniería civil ;
Telecomunicacions ;
Ciencias naturals ;
Incheniería forense ;
Economía y chestión de transportes.

A Universidat tien mas de 9.000 estudiants. Os edificios d'a Universidat son concentraus en o campus de Velky Diel, encara que bels edificios son tamién en o centro d'a ciudat.

A ciudat tien una decena d'institucions d'educación segundaria, entre ellas un conservatorio y un Instituto Belga, a on una gran parti d'as clases son en francés.

Economía

Žilina ye o centro economico d'o norte de Eslovaquia, con a industria quimica (PCHZ), papel (Tento) y a construcción (Vahostav, Doprastav). A seu eslovaca d'o banco Dexia tamién ye situada en Žilina.

En 2004, o productor d'autos coreano KIA prencipió a construcción d'una fabrica de montache d'autos d'ista marca a 5 km de Žilina, estando dimpués instalaus en a zona una docena de proveedors coreanos y europeus. A producción en a fabrica KIA prencipió en agüerro de 2006 y s'estima que a largo plazo a industria automovilistica creyará mas de 6.000 empleos nomás en a rechión de Žilina. En 2009, a fabrica de KIA teneba una producción de 300.000 vehíclos por anyo.

Transportes

Žilina ye historicament situada en un cruce de vías ferroviarias en o sentiu norte-sud y este-ueste. L'aeropuerto de Žilina asegura una unión diaria con Praga.

Deportes

O equipo de fútbol MŠK Žilina ha estau campión d'Eslovaquia tres vegadas consecutivas en os anyos 2002, 2003 y 2004. O equipo de hockey sobre chelo MsHK Žilina estió campión d'Eslovaquia en l'anyo 2006.

Os chirmans ciclistas profesionals Juraj y Peter Sagan, perteneixients a o equipo Bora-Hansgrohe, son orichinarios d'ista localidat.

Referencias

↑ ^1,0 ^1,1 (en) Statistical Office of the Slovak Republic

Vinclos externos

[Stats-1] 1,0 ^1,1 (en) Statistical Office of the Slovak Republic

[1]