Antonia Susan Duffy (24 d'agostu de 1936, Sheffield – 16 de payares de 2023, Londres), conocida como A. S. Byatt, foi una novelista y filóloga británica. La so obra más conocida ye Possession, cola que llogró'l premiu Booker en 1990.
Nació en Sheffield col nome de Antonia Susan Drabble, foi educada en York, n'Cambridge y nel Bryn Mawr College d'Estaos Xuníos; más tarde tuvo en Somerville College, Oxford, onde empezó a trabayar hasta que se casó con sir Ian Byatt (d'ende'l so apellíu de casada), del qu'acabó divorciándose. Trabayó dempués na Universidá de Londres, y son relevantes les sos obres de crítica lliteraria. Ye la hermana mayor de la tamién escritora Margaret Drabble (n. 1939) y de la historiadora Helen Langdon.
La so primer novela, de 1964, La solombra del sol, narra la vida d'una moza so l'aplastante solombra del so padre. De siguío publicó El xuegu (1967), un estudiu sobre la rellación ente dos hermanes.
Depués empieza a escribir sobre los miembros d'una familia de York a mediaos del sieglu XX, na tetraloxía conocida como "El cuartetu de Frederica" (The Frederica Quartet), formáu por: La virxe nel xardín (1978), Naturaleza muerta (1985), La torre de Babel (1996) y La muyer que xibla (2002).
La so novela más conocida ye Possession (1990), cola que llogró'l premiu Booker y que foi afecha al cine en 2002 por Neil LaBute, al igual que Angels and Insects (1992), que foi llevada al cine en 1995 por Philip Haas. Tamién destaquen El llibru negru de los cuentos (2003) y El llibru de los neños (2009), esta postrera finalista del premiu Booker.
Byatt foi influyida por Henry James y George Eliot, ya inclusive por poetes como Emily Dickinson, Robert Browning o T. S. Eliot. Ye una autora qu'entemez naturalismu y fantasía, y dacuando avérase a D. H. Lawrence. Cítase tamién como inflúi a Iris Murdoch, sobre la cual escribió un trabayu críticu. Nos sos últimos llibros apréciase'l so interés poles ciencies, especialmente la bioloxía.
Frederica Potter ye un personaxe de ficción creáu por A. S. Byatt pa la so serie "El cuartetu de Frederica" (The Frederica Quartet, 1978-2002) y que protagonizó a lo llargo de 24 años les siguientes cuatro noveles: